2. Korinta 3
3
De Jemeent aus een Breef
1Hieet sikj daut soo, aus wan wie ons wada aunfangen selfst to lowen? Ooda bruck wie soo aus eenje aundre Lied Breew von junt ooda no junt, dee goot von ons räden? #2Kor 5,12 2Jie selfst sent ons een Breef, opp ons Hoat #3,2 Eenje oole Schreften sajen opp june Hoaten. jeschräwen, dän aulemaun kjant un last! #1Kor 9,2 3Daut es to seenen, jie sent een Breef von Christus, dee derch onsen Deenst jekomen es. Oba jie sent nich met Tint jeschräwen, un uk nich opp Steentoflen jeschräwen. De Jeist vom läwendjen Gott haft junt opp onse Hoaten jeschräwen. #2Mo 24,12
Paulus aus Deena vom nieen Bunt
4Dit Gottvetruen hab wie derch Christus. 5Wie seenen ons nich soo aun aus wan wie ut ons selfst doatoo emstaunt wieren. Aules waut wie foadich brinjen, kjemt von Gott. #2Kor 2,16 6Hee brinjt ons bat doa, daut wie emstaunt sent, Deena em nieen Bunt to sennen. Dis niea Bunt es nich mea waut de Buakstowen vom Jesaz sajen, oba es de Jeist selfst, dän Gott jeft. De Buakstow fieet toom Doot, oba de Jeist jeft Läwen. #Jer 31,31; Joh 6,63; Reema 7,6; 1Kor 11,25
7Moses sien Deenst wia fa daut Jesaz, daut met Latren opp Steentoflen jeschräwen wia. Un daut Jesaz brocht dän Doot. Oba wan dis Deenst aum Jesaz Moses sien Jesecht aul soo harlich muak, daut de Israeliten am wäajen dee Harlichkjeit nich aunkjikjen kunnen, wan daut harliche uk boolt wada veschwunk, #(7-13) 2Mo 34,29-35 8woo väl harlicha woat dan de Deenst sennen, dee derch dän Jeist jewirkjt woat. #Gal 3,2.5 9Wan de Deenst, dee ons de Vedaumnis prädijd, Harlichkjeit aun sikj haud, wooväl jrata woat de Harlichkjeit von däm Deenst sennen, dee daut jerajcht sennen prädicht? #Reema 1,17; 3,21 10Wiels waut doa harlich wia, es em vejlikj to dise jratre Harlichkjeit, nuscht harlich. 11Wan daut, waut nich bleef, aul harlich aun sikj wia, wooväl harlicha woat daut sennen, waut doa blift.
De niea Bunt brinjt Frieheit
12Un wiels wie dise Hopninj haben, räd wie sea kloa un direkjt. 13Wie doonen nich soo aus Moses, dee sikj eene Dakj äwa daut Jesecht neem, daut de Israeliten nich seenen sullen, woo sikj siene Harlichkjeit velua. 14Oba äa seenen es vedunkelt worden. Bat vondoag henjt dise Dakj äwa äare Uagen wan see daut Oole Tastament läsen. Dee Dakj kaun bloos en Christus wajch jenomen woaren. #Apost 28,27; Reema 11,25 15Oba bat vondoag noch, wan see Moses läsen, licht an dee Dakj äwa däm Hoat. 16Wan sikj oba wäa trigj nom Harn dreit, woat dee Dakj wajch jenomen. #2Mo 34,34; Reema 11,23.26 17Jesus de Har es de Jeist, un wua däm Harn sien Jeist es, es Frieheit. 18Oba nu es de Dakj von onse Uagen jenomen un wie seenen dän Harn en siene Harlichkjeit. Daut es soo aus wan wie en eenen Spieejel kjikjen, un siene Harlichkjeit ons harlicha un harlicha moakt. Daut deit de Har, dee de Jeist es. #2Kor 4,6
Currently Selected:
2. Korinta 3: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.