2. Korinta 4
4
Licht vom Evangelium
1Wiels wie disen Deenst derch Gott siene Jnod jekjräajen haben, woa wie nich mootloos. #1Kor 7,25; 2Kor 3,6 2Met aules waut jeheem un schaundhauft es hab wie nuscht to doonen. Wie haundlen nich hinjarigjsch. Wie loten Gott sien Wuat aus Woarheit stonen. Un jrod wiels wie de Woarheit en Gott siene Jäajenwuat kloa verendach brinjen, kjenn wie doamet ver Gott un däm Jewessen von Menschen bestonen. #2Kor 2,17; 1Tess 2,5 3Wan ons Evangelium noch toojedakjt schient, dan es daut mau bie dee, dee veloaren gonen. #1Kor 1,18 4Dee haft Soton, de Gott äwa dise Welt, met Blintheit jeschloagen, daut see daut dache Licht vom Evangelium, von Christus siene Harlichkjeit, nich seenen kjennen. Christus siene Harlichkjeit likjent gaunz jeneiw Gott. #Heb 1,3 5Wie prädjen nich ons selfst, oba daut Jesus Christus Har es, un wäajen am sent wie june Deena. #2Kor 1,24 6Deeselwja Gott, dee doa säd: Licht saul utem diestren rutdachen, haft sien Licht en onse Hoaten oppdachen loten, daut wie en Christus sien Jesecht seenen woo harlich Gott es. #1Mo 1,3; 2Kor 3,18
De Deenst vom Apostel en Schwakheit un Lieden
7Wie haben disen Schauz oba en ieedne Jefässa. Daut moakt daut kloa, daut dise jeistliche Krauft von Gott kjemt, un nich von ons. #(7-10) 1Kor 4,11-13; 2Kor 11,23-27 8Wie woaren von aule Sieden hoat bedrenjt, oba wie sent nich aum enj. Wie komen en Veläajenheit, oba wie vezoagen nich. 9Wie woaren vefolcht, oba niemols veloten. Wie woaren unjadrekjt, oba komen nich om. 10Wie droagen Jesus sienen Doot emma aun onsem Kjarpa met ons, soo daut Jesus sien Läwen aun onsem Kjarpa uk verendach komen kaun. #1Kor 15,31; Gal 6,17 11Wie, dee doa läwen, sent om Jesus sient haulwen emma en Doodesjefoa, daut Jesus sien Läwen uk aun onsem stoaflichen Kjarpa verendach kjemt. #Reema 8,36; Flp 3,21 12Daut meent dan, daut de Doot en ons wirkjen deit, un en junt daut Läwen. 13Oba wiels wie em Gloowen dän selwjen Jeist haben, soo aus jeschräwen steit: “Ekj jleewd, un doawäajen hab ekj jerät”, soo jleew wie uk, un doawäajen räd wie uk. #Psa 116,10 14Wie weeten, daut dee, dee dän Harn Jesus vom Doot oppwuak, dee woat ons uk met Jesus toop oppwakjen, un ons met junt toop ver sienen Troon stalen. #1Kor 6,14 15Dit passieet aula om junt haulwen. Gott siene Jnod saul emma mea Menschen raden, un de Dank doafäa von väle woat Gott noch rikjelja veharlichen. #2Kor 1,6.11
De Apostel weet opp waut hee hopt
16Doawäajen woa wie nich mootloos. Wan ons Kjarpa uk langsom vefelt, aum ennalichen Mensch woa wie aule Dach nie. #Efs 3,16 17Ons schwoaret, waut wie hia derchmoaken motten, es bejrenst un leicht. Daut veschauft ons waut, waut äwa aule Moten harlich sennen woat un fa emma bliewen. #Reema 8,17-18; 1Pet 1,6 18Wie trachten nich no daut, waut to seenen es, oba no daut, waut nich to seenen es. Wiels waut to seenen es, es fa dise Tiet. Waut oba nich to seenen es, es eewich. #Heb 11,1
Currently Selected:
2. Korinta 4: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.