2. Mose 24

De Bunt woat bestäticht

1De Har säd to Moses: Komm emol nopp no mie, du un Aaron un Nadab un Abihu un 70 Leidasch von Israel. Komt un bät mie aun von een Enjskje auf. #2Mo 28,1; 3Mo 10,1; 4Mo 11,16 2Bloos Moses, un kjeen aundra, saul dicht nom Harn komen. Daut Volkj saul jeedenfauls nich nopp nom Harn komen.

3No däm kjeem Moses ver daut Volkj, un säd an aules waut de Har am jesajcht haud. Un aul daut Volkj stemd doamet en un säd: Aules waut de Har von ons velangt, well wie doonen. #2Mo 19,8 4Moses schreef däm Harn siene Wieed aula opp. Zemorjes jinkj hee tiedich un muak eenen Aultoa unjen aum Boajch. Hee brocht twalw steile Steena, eenen fa jieda Staum em Volkj. #2Mo 34,27; Jos 4,20 5Dan stald hee junge Mana vom Volkj aun, om Brauntopfa ver däm Harn to opfren, un Bolles to schlachten fa daut Opfamol. #Rech 17,7 6De halft von daut Bloot hilt Moses en Kommen, de aundre halft goot hee opp däm Aultoa. 7Dan neem hee daut Buak, en woont hee de Jesazen fa däm Bunt doljeschräwen haud, un laus daut Volkj dee äwalud väa. Daut Volkj auntwuad doaropp: Aules, waut de Har ons väajeschräwen haft, woa wie jehorchen un doonen. 8Dan neem Moses von daut Bloot un sprezt daut äwa daut Volkj, un aus hee daut deed, säd hee: Met dit Bloot es de Bunt jemoakt, dän de Har met junt moakt, nu daut hee junt de Jesazen un Jebooten jeft. #Heb 9,19-22; Mrk 14,24

9Dan jinjen Moses un Aaron, Nadab un Abihu, un de 70 Leidasch vom Volkj opp däm Boajch nopp, 10un see sagen äaren Gott, de Israeliten äa Gott. Unja Gott siene Feet wia waut, aus wan met Safiersteena jelajcht un kloa aus de Himmel. #Hes 1,26 11De bowaschte vom Volkj wieren nich en Jefoa von Gott siene Macht, un see feelden daut Gott doa wia, un see kjrieejen doa to äten un to drinkjen. #2Mo 19,21-22; 33,20-23

12Nochmol säd de Har to Moses: Komm hia no mie oppem Boajch, un wacht hia. Ekj woa die steenane Toflen jäwen, opp woone miene Jebooten un Väaschreften sent, dee jie junt unjarechten sellen. #2Mo 31,18; 2Kor 3,3.6 13Un soo muak Moses sikj reed met sienen Hauntlanga, Josua, om opp däm Gottesboajch to stieen. #2Mo 33,11 14Moses säd de Leidasch, daut see sullen opp de Städ bliewen bat see trigj kjeemen. Aaron un Hur sent hia met junt, säd hee, soo daut wan Oneenichkjeit sull oppkomen, dan kjenn jie no dee gonen. #2Mo 17,12

15Dan jinkj Moses oppem Boajch un eene Wolkj bedakjt däm Boajch. 16Un daut wort oppem Sinai Boajch soo harlich aus de Har selfst es. Sas Doag bleef aules soo, oba aum säwenden Dach roopt hee Moses von enne Wolkj. #2Mo 16,10 17Waut de Israeliten sagen, aus daut opp däm Boajch soo harlich wia aus de Har selfst es, wia soo aus een brennendet Fia. #5Mo 4,24; 9,3; Heb 12,29 18Dan jinkj Moses wieda oppem Boajch nopp un jinkj en de Wolkj nenn. Moses bleef doa oppem Boajch Dach un Nacht, fa 40 Doag. #2Mo 34,28

Currently Selected:

2. Mose 24: PB

Highlight

Compare

Copy