2. Mose 25

Väaschreften fa daut heilje Jereetschoft

(2Mo 35,4-9)

1De Har säd to Moses: 2Saj de Israeliten daut see mie sellen Gowen brinjen. Nämt Gowen opp fa mie von jieda eenem, soo aus hee wellich es to jäwen. #2Mo 35,4-7; 1Chr 29,5; Esra 2,68-69 3Dit es waut jie sellen oppnämen, Golt un Selwa un Brons, 4bleiwe, bleiwroode, un kloaroode Woll, goodet Lienzeich un Kosenhoa, 5root jejoawde Bock Ladasch, Seekoo Ladasch, un Akozjeholt; 6Laumpeneelj, Kjriedarie fa de Ensaulwungseelj un fa scheenrikjenden Weiruak, 7Onniks un aundre diere Steena dee aun däm Efod un Broststekj jesat woaren. 8Lot fa mie een Heilichtum jemoakt woaren, daut ekj doa en june Medd wonen kaun. #Hes 37,26-28 9Moak de Heilje Woninj un aules waut doa nenn jehieet krakjt soo, aus ekj die dän Plon jäwen woa. #2Mo 25,40; 26,30; 27,8

De Bundeskjist

(2Mo 37,1-9)

10Jie sellen eene Kjist moaken, dee von Akozjeholt jemoakt es. But dee een un een vieedel Meeta lank, dreevieedel Meeta huach, un dreevieedel Meeta breet. 11Von bennen un von buten sell jie dee met reinet Golt belajen, un aun de bowakaunt eene goldne Leest naun moaken. 12Moakt vea Rinj von Golt, un moakt dee aun de vea Feet von de Kjist naun, twee aun jieda Sied. 13Moakt twee Droagstangen von Akozjeholt un belajcht dee met Golt. #(13-15) 1Kjen 8,8 14De Stangen sellen dan en de Rinj aun de Kjist nenn paussen soo daut jie de Kjist met dee droagen kjennen. 15De Stangen sellen en de Rinj aun de Kjist bliewen. Nämt dee doa nich rut. 16En de Kjist sell jie de Jebooten nenn lajen, dee ekj junt jäwen woa. 17Daut Veseenungsdakjsel fa de Kjist sell jie von reinet Golt moaken, eent un een vieedel Meeta lank un dree vieedel Meeta breet. #(17-22) 3Mo 16,12-15; Heb 4,16; 9,5 18Opp jieda Enj von daut Veseenungsdakjsel saul een Cherub sennen, uk von Golt utjeklopt. 19Dee sellen eent met daut Dakjsel sennen, opp jieda Enj eena. 20De Cheruben äare Jesechta sellen eena nom aundren jerecht sennen, un äare Uagen no daut Dakjsel. Äare Flichten sellen see enne Hecht, äwa daut Dakjsel hoolen. 21Sat daut foadje Veseenungsdakjsel opp de Kjist. En de Kjist sell jie de Jebooten nenn lajen, dee ekj junt jäwen woa; de Bewies daut ekj junt jeleit hab. #2Mo 34,29; 1Kjen 8,9 22Doa tweschen de twee Cheruben, opp daut Veseenungsdakjsel, opp de Kjist met de Jebooten, woa ekj met die toopkomen un met die räden, un die aul miene Jebooten fa de Israeliten jäwen. #4Mo 7,89; 2Sam 6,2

De Desch fa daut jeweide Broot

(2Mo 37,10-16)

23Moakt eenen Desch von Akozjeholt, een Meeta lank, een haulwet Meeta breet un dreevieedel Meeta huach. 24Disen Desch sell jie met reinet Golt belajen. Runtom, aun de Kaunt, saul dee eene goldne Leest haben, 25un dan saul de Desch noch eenen Raunt haben, soo huach aus eene Hauntbreet, gaunz runtom. Runtom dän Raunt sell jie dan noch eene schmocke Leest moaken. 26Moakt vea goldne Rinj un sat eenen aun jieda Akj, wua de vea Feet sent. 27De Rinj sellen dicht aum Raunt faustjemoakt, un sent fa de Droagstangen fa dän Desch. 28Moakt de Stangen von Akozjeholt un belajcht dee met Golt, soo daut jie Stangen haben om dän Desch to droagen. 29Moakt fa disen Desch Schiewen un Schleew, un Kauntjes un Kommen, aula von reinet Golt, dee fa daut Drinkjopfa woaren jebrukt woaren. 30Opp disen Desch sell jie emma daut Broot stonen haben, woont miene Jäajenwuat väastalt. #3Mo 24,5-6

De Laumpenhoola

(2Mo 37,17-24)

31Moakt uk eenen Laumpenhoola. De Foot un daut Meddelstekj sellen von reinet Golt jeklopt un sellen een Stekj met de bloomje Kuffels, de Knoppes un Blieechsels sennen. 32Vom Meddelstekj sellen sas Oarms rutgonen, dree aun jieda Sied. 33Aun jieda Oarm sellen dree bloomje Kuffels sennen, jieda met Knoppes un Blieechsels. 34Aum Meddelstekj sellen vea bloomje Kuffels met Knoppes un Blieechsels sennen, 35eena bie jieda Städ wua een poa Oarms naun komen. 36De gaunza Laumpenhoola met Kuffels un Oarms toop, saul von een Stekj Golt jemoakt sennen. 37Dan moakt säwen Laumpen un sat dee soo doanopp, daut dee aula no väaren dachen. 38De Scheeren toom de Dochten besorjen un de Schatels fa de Scheeren sellen uk von reinet Golt jemoakt. 39Doa sellen 35 Kilo reinet Golt jebrukt woaren fa dän Laumpenhoola un aul daut Toobehia.

40Du saust secha moaken daut aules no däm Plon jemoakt woat, dän ekj die hia oppem Boajch jäw. #2Mo 25,9; 26,30; Apost 7,44; Heb 8,5

Currently Selected:

2. Mose 25: PB

Highlight

Compare

Copy