1. Mose 45
45
Josef sajcht siene Breeda wäa hee es
1Dan kunn Josef sikj nich lenja hoolen. Got hia emol aula rut, säd hee to siene Deena. Kjeene aundre wieren doa, aus hee siene Breeda weeten leet wäa hee wia. 2Hee hield lud, soo daut de Ägipta daut hieeden, un däm Kjennich siene Lied daut enworden. 3Un Josef säd to siene Breeda: Ekj sie Josef. Läft mien Voda noch? Oba de Breeda kunnen am kjeene Auntwuat jäwen, soo vefieeden un wundaden see sikj.
4Un Josef säd to siene Breeda: Komt häa, dicht bie. Un see jinjen no am. Un hee säd: Ekj sie jun Brooda Josef, dän jie no Ägipten vekoften. #1Mo 37,28 5Habt nich Angst, un siet junt nich selfst doll, daut jie mie hia han vekoft haben. Gott schekjt mie ea aus junt häa, om Läwes to raden. #1Mo 50,20 6Dise Hungaschnoot es nu twee Joa hia, un dee woat noch fief Joa sennen, onen seien ooda arnten. 7Gott haft mie aus daut, waut toom äwajen wia, hia em verut han jeschekjt, soo daut jie un june Famieljes wudden läwen bliewen, opp eenen wundaboaren Wajch. 8Ekj wort nich von junt häa jeschekjt, oba von Gott. Un Gott haft mie hia aus eenen Voda fa däm Kjennich jemoakt, de Har äwa aules waut hee ieejent, un de Gowernia äwa gaunz Ägipten. #1Mo 41,39-43 9Got schwind no mienen Voda un sajcht am: Dien Sän, Josef, sajcht: Gott haft mie toom Gowernäar äwa gaunz Ägipten jemoakt. Komm häa no mie. Lot die nuscht opphoolen. 10Du saust hia en de Goschen Jäajent wonen. Du woascht hia met diene Kjinja un Grootkjinja un Schop un Vee un aules waut du hast dicht bie mie sennen. 11Un ekj woa hia fa die un diene Famielje un aules waut du hast sorjen, daut jie nich gaunz enne Grunt komen. Doa woaren noch fief Joa mea von Hungaschnoot sennen. 12Jie, miene Breeda, kjennen nu met june ieejne Uagen seenen, un du, Benjamin, kaust selfst seenen, daut ekj werkjlich to junt räd. 13Sajcht mienen Voda woo groosoatich ekj hia en Ägipten läw, un aules waut jie jeseenen haben. Got schwind un brinjt mienen Voda häa. 14Dan omoarmd hee sienen Brooda Benjamin un hield. Un Benjamin hield opp siene Schulla. 15Un hee jeef eenen jiedren Brooda eenen Kuss un hield opp an. Un no daut räden siene Breeda met am.
16Un aus de Kjennich hieed, daut Josef siene Breeda jekomen wieren, freid hee sikj, un siene Mana freiden sikj met am. 17De Kjennich säd to Josef: Saj diene Breeda, see sellen sikj reed moaken un trigj no Kanaan gonen, 18un äaren Voda un äare Famieljes brinjen un häakomen. Ekj woa an de baste Jäajent en Ägipten jäwen, un see woaren goot to äten haben. 19Un saj an uk daut see sellen von Ägipten Woages nämen toom dän Voda un äare Frues un aul äare Kjinja häabrinjen. 20Un see sellen nich äwa äare Sachen duaren, wiels see von daut baste von gaunz Ägipten haben woaren.
21Un Jakob siene Säns deeden aus an jesajcht wort. Josef jeef an Woages, soo aus de Kjennich jesajcht haud, un hee jeef an Väarot fa äare Reis. 22Hee jeef eenen jiedren, eenen grootsindoagschen Rock. Benjamin oba, kjrieech 300 Selwastekja un fief grootsindoagsche Rakj. 23Un hee schekjt sienen Voda tieen Äsels, beloden met feine ägiptische Sachen, un tieen Äsels, beloden met Jeträajd, un Äten un waut sien Voda oppe Reis halpen wudd. 24Doamet schekjt hee siene Breeda opp äaren Wajch. Un toom Aufscheet säd Josef: Zankt junt hinjawäajes nich. #1Mo 42,22
25Un see reisden ut Ägipten rut, un kjeemen no äaren Voda Jakob en Kanaan. 26Un see säden to äaren Voda: Josef läft noch, un hee es de Gowernia äwa gaunz Ägipten. Oba Jakob schluach daut sea, un hee kunn daut nich jleewen. 27Oba aus see am aules säden, waut Josef jesajcht haud, un hee de Woages sach, dee Josef jeschekjt haud om am to holen, läwd hee gaunz opp. 28Un Jakob säd: Dit es jenuach! Mien Sän Josef läft noch, un ekj woa han gonen un am seenen, ea ekj stoaw! #1Mo 46,30
Currently Selected:
1. Mose 45: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
1. Mose 45
45
Josef sajcht siene Breeda wäa hee es
1Dan kunn Josef sikj nich lenja hoolen. Got hia emol aula rut, säd hee to siene Deena. Kjeene aundre wieren doa, aus hee siene Breeda weeten leet wäa hee wia. 2Hee hield lud, soo daut de Ägipta daut hieeden, un däm Kjennich siene Lied daut enworden. 3Un Josef säd to siene Breeda: Ekj sie Josef. Läft mien Voda noch? Oba de Breeda kunnen am kjeene Auntwuat jäwen, soo vefieeden un wundaden see sikj.
4Un Josef säd to siene Breeda: Komt häa, dicht bie. Un see jinjen no am. Un hee säd: Ekj sie jun Brooda Josef, dän jie no Ägipten vekoften. #1Mo 37,28 5Habt nich Angst, un siet junt nich selfst doll, daut jie mie hia han vekoft haben. Gott schekjt mie ea aus junt häa, om Läwes to raden. #1Mo 50,20 6Dise Hungaschnoot es nu twee Joa hia, un dee woat noch fief Joa sennen, onen seien ooda arnten. 7Gott haft mie aus daut, waut toom äwajen wia, hia em verut han jeschekjt, soo daut jie un june Famieljes wudden läwen bliewen, opp eenen wundaboaren Wajch. 8Ekj wort nich von junt häa jeschekjt, oba von Gott. Un Gott haft mie hia aus eenen Voda fa däm Kjennich jemoakt, de Har äwa aules waut hee ieejent, un de Gowernia äwa gaunz Ägipten. #1Mo 41,39-43 9Got schwind no mienen Voda un sajcht am: Dien Sän, Josef, sajcht: Gott haft mie toom Gowernäar äwa gaunz Ägipten jemoakt. Komm häa no mie. Lot die nuscht opphoolen. 10Du saust hia en de Goschen Jäajent wonen. Du woascht hia met diene Kjinja un Grootkjinja un Schop un Vee un aules waut du hast dicht bie mie sennen. 11Un ekj woa hia fa die un diene Famielje un aules waut du hast sorjen, daut jie nich gaunz enne Grunt komen. Doa woaren noch fief Joa mea von Hungaschnoot sennen. 12Jie, miene Breeda, kjennen nu met june ieejne Uagen seenen, un du, Benjamin, kaust selfst seenen, daut ekj werkjlich to junt räd. 13Sajcht mienen Voda woo groosoatich ekj hia en Ägipten läw, un aules waut jie jeseenen haben. Got schwind un brinjt mienen Voda häa. 14Dan omoarmd hee sienen Brooda Benjamin un hield. Un Benjamin hield opp siene Schulla. 15Un hee jeef eenen jiedren Brooda eenen Kuss un hield opp an. Un no daut räden siene Breeda met am.
16Un aus de Kjennich hieed, daut Josef siene Breeda jekomen wieren, freid hee sikj, un siene Mana freiden sikj met am. 17De Kjennich säd to Josef: Saj diene Breeda, see sellen sikj reed moaken un trigj no Kanaan gonen, 18un äaren Voda un äare Famieljes brinjen un häakomen. Ekj woa an de baste Jäajent en Ägipten jäwen, un see woaren goot to äten haben. 19Un saj an uk daut see sellen von Ägipten Woages nämen toom dän Voda un äare Frues un aul äare Kjinja häabrinjen. 20Un see sellen nich äwa äare Sachen duaren, wiels see von daut baste von gaunz Ägipten haben woaren.
21Un Jakob siene Säns deeden aus an jesajcht wort. Josef jeef an Woages, soo aus de Kjennich jesajcht haud, un hee jeef an Väarot fa äare Reis. 22Hee jeef eenen jiedren, eenen grootsindoagschen Rock. Benjamin oba, kjrieech 300 Selwastekja un fief grootsindoagsche Rakj. 23Un hee schekjt sienen Voda tieen Äsels, beloden met feine ägiptische Sachen, un tieen Äsels, beloden met Jeträajd, un Äten un waut sien Voda oppe Reis halpen wudd. 24Doamet schekjt hee siene Breeda opp äaren Wajch. Un toom Aufscheet säd Josef: Zankt junt hinjawäajes nich. #1Mo 42,22
25Un see reisden ut Ägipten rut, un kjeemen no äaren Voda Jakob en Kanaan. 26Un see säden to äaren Voda: Josef läft noch, un hee es de Gowernia äwa gaunz Ägipten. Oba Jakob schluach daut sea, un hee kunn daut nich jleewen. 27Oba aus see am aules säden, waut Josef jesajcht haud, un hee de Woages sach, dee Josef jeschekjt haud om am to holen, läwd hee gaunz opp. 28Un Jakob säd: Dit es jenuach! Mien Sän Josef läft noch, un ekj woa han gonen un am seenen, ea ekj stoaw! #1Mo 46,30
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.