4. Mose 2
2
De Ordnunk von de Gruppen von Israeliten
1De Har räd to Moses un Aaron un säd an: 2Wan de Israeliten daut Loaga oppstalen, saul jieda Grupp fa sikj, bie de Flag von äare Volkjsgrupp, daut Loaga moaken. Dee sellen aula rom daut Vesaumlungszelt, wan uk nich too dicht bie, äare Zelten oppstalen.
3Aun de oostne Sied saul de Flag von daut Häa von Juda stonen un äa Leida Nachschon, Aminadab sien Sän, un de Aufdeelungen doarom. 4De Aufdeelunk waut von däm Staum Juda wia haud 74.600 Mana. 5Biesied dee vom Staum Juda, dee vom Staum Isachar, met äaren Leida Netanel, Zuar sien Sän. 6Daut es eene Aufdeelunk von 54.400 Mana. 7Dan daut näakjste, dee vom Staum Sebulon, met äa Leida Eliab, Helon sien Sän. 8Daut es eene Aufdeelunk von 57.400 Mana. 9Daut gaunze Häa bie Juda met dee Aufdeelungen sent 186.400 Mana. Dise sellen daut ieeschte gonen.
10Aun de siedne Kaunt saul de Flag von daut Häa von Ruben stonen un äa Leida Elizur, Schedeur sien Sän, un de Aufdeelungen doarom. 11De Aufdeelunk, waut von däm Staum Ruben wia, haud 46.500 Mana. 12Biesied dee vom Staum Ruben, dee vom Staum Simeon, met äa Leida Schelumiel, Zurischadai sien Sän. 13Daut es eene Aufdeelunk von 59.300 Mana. 14Dan daut näakjste, dee vom Staum Gad, met äa Leida Eljasaf, Deguel sien Sän. 15Daut es eene Aufdeelunk von 45.650 Mana. 16Daut gaunze Häa bie Ruben met dee Aufdeelungen sent 151.450 Mana. Dee sellen daut tweede rutgonen.
17Daut näakjste, tweschen de aundre Loagasch, sellen de Leviten daut Vesaumlungszelt un de Leviten äa Loaga oppnämen un loosgonen. Soo aus dee em Loaga sent, sellen dee no de Rieej, jieda opp siene Städ un bie siene Flag, wieda gonen. #4Mo 10,17.21
18Aun de wastne Kaunt saul de Flag von daut Häa von Efraim stonen un äa Leida Elischama, Amihud sien Sän, un de Aufdeelungen doarom. 19De Aufdeelunk, waut vom Staum Efraim wia, haud 40.500 Mana. 20Biesied dee vom Staum Efraim, dee vom Staum Manasse met äa Leida Gamliel, Pedazur sien Sän. 21Daut es eene Aufdeelunk von 32.200 Mana. 22Dan daut näakjste es de Staum Benjamin, met äa Leida Abidan, Gidoni sien Sän. 23Daut es eene Aufdeelunk von 35.400 Mana. 24Daut gaunze Häa bie Efraim, met de Aufdeelungen, sent 108.100 Mana. Dee sellen daut dredde rutgonen.
25Aun de nuadne Kaunt saul de Flag von daut Häa von Dan stonen, met äa Leida Ahieser, Amischadai sien Sän, un de Aufdeelungen doarom. 26De Aufdeelunk, waut vom Staum Dan wia, haud 62.700 Mana. 27Biesied dee vom Staum Dan, dee vom Staum Asser, met äa Leida Pagiel, Ochran sien Sän. 28Daut es eene Aufdeelunk von 41.500 Mana. 29Daut näakjste es de Aufdeelunk von däm Staum Naftali, met äa Leida Ahira, Enan sien Sän. 30Daut es eene Aufdeelunk von 53.400 Mana. 31Daut gaunze Häa bie Dan, met de Aufdeelungen, sent 157.600 Mana. Dee sellen met äare Flag daut latste gonen, wan see rutgonen.
32Aules toop wieren doa 603.550 Mana en de israelitische Volkjsgruppen, Aufdeelungen un Armeeen. #4Mo 1,46 33De Leviten worden nich met de Israeliten toop jetalt, soo aus de Har daut von Moses velangt haud. #4Mo 1,48-49 34De Israeliten deeden aules krakjt soo aus de Har daut von Moses velangt haud. Un soo aus see bie äare Flagen daut Loaga oppstalden, soo trocken see uk wieda, een jiedra bie sienen Staum un Volkjsgrupp.
Currently Selected:
4. Mose 2: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
