4. Mose 26
26
1säd de Har to Moses un Eleasar, däm Priesta Aaron sienen Sän: 2Talt aule Mana en de gaunze Jemeent von Israel, waut 20 Joa un doaräwa sent, no äare Volkjsgruppen enjedeelt, aul dee, dee en Israel toom Kjrich fäich sent. #4Mo 1,2-47 3Moses un de Priesta Eleasar unjarechten an em Jordantol en de moabitische Stap jäajen Jericho, 4daut see aul dee waut 20 Joa un doaräwa wieren, talen sullen, soo aus de Har Moses daut jesajcht haud. Un dit wieren de Famieljes von Israeliten, waut ut Ägipten jetrocken wieren:
5Ruben, Israel sien Ieeschtjebuarna. Ruben siene Säns wieren: Henoch, von däm de Henochita aufstaumen; Palu, von däm de Paluita aufstaumen; #(5-50) 1Mo 35,23-26; 46,8-27; 1Chr 4,1—8,40 6Hezron, von däm de Hezronita aufstaumen; Karmi, von däm de Karmita aufstaumen. 7Daut sent de Famieljes von Ruben, un äare Zol wia 43.730. 8Palu siene Sän wia Eliab. 9Un Eliab siene Säns wieren Nemuel, Datan un Abiram. Daut sent dee Datan un Abiram, dee von de Vesaumlunk jewält wieren, oba sikj en Korach siene Baund jäajen Moses un Aaron stalden, aus see sikj dän Harn jäajenaun stalden. #4Mo 16,1.12 10Un de Ieed reet äa Mul op un schlukt an met Korach toop opp, aus de Baund storf, wiels daut Fia 250 Mana vebrend un see to een woarnendet Tieekjen worden. 11Oba Korach siene Säns storwen nich aula.
12Simeon siene Säns no äare Gruppen no: Jemuel, von däm de Jemuelita aufstaumen; Jamin, von däm de Jaminita aufstaumen; Jachin, von däm de Jachinita aufstaumen; 13Serach, von däm de Serachita aufstaumen; Schaul, von däm de Schaulita aufstaumen. #1Mo 36,13 14Daut sent de Famieljes von Simeon, 22.200.
15Gad siene Säns no äare Famieljes wieren: Zifjon, von däm de Zifjonita aufstaumen; Hagi, von däm de Hagita aufstaumen; Schuni, von däm de Schunita aufstaumen; 16Osni, von däm de Osnita aufstaumen; Eri, von däm de Erita aufstaumen; 17Arod, von däm de Arodita aufstaumen; Areli, von däm de Arelita aufstaumen. 18Daut sent de Famieljes von Gad siene Nokomen, eene Zol von 40.500.
19Juda siene Säns wieren: Er un Onan, dee beid em Launt Kanaan storwen. #1Mo 38,7-10 20Un Juda siene Säns no äare Famieljes wieren: Schela, von däm de Schelanita aufstaumen; Perez, von däm de Perezita aufstaumen; Serach, von däm de Serachita aufstaumen. 21Un Perez siene Säns wieren: Hezron, von däm de Hezronita aufstaumen; Hamul, von däm de Hamulita aufstaumen. #Rut 4,18 22Daut sent de Famieljes von Juda, met eene Zol von 76.500.
23Isachar siene Säns no äare Famieljes no wieren: Tola, von däm de Tolaita aufstaumen; Puwa, von däm de Puwanita aufstaumen; 24Jaschub, von däm de Jaschubita aufstaumen; Schimron, von däm de Schimronita aufstaumen. 25Daut sent de Famieljes von Isachar, eene Zol von 64.300.
26Sebulon siene Säns no äare Famieljes wieren: Sered, von däm de Seredita aufstaumen; Elon, von däm de Elonita aufstaumen; Jachleel, von däm de Jachleelita aufstaumen. 27Daut sent de Famieljes von Sebulon, eene Zol von 60.500.
28Josef siene Säns no äare Famieljes no wieren: Manasse un Efraim. 29Un Manasse siene Säns wieren: Machir, von däm de Machirita aufstaumen. Un Machir haud dän Sän Gilead, von däm de Gileadita aufstaumen. #(29-33) Jos 17,1-6 30Un dit sent Gilead siene Säns: Ieser, von däm de Ieserita aufstaumen; Helek, von däm de Helekita aufstaumen; 31Asriel, von däm de Asrielita aufstaumen; Sichem, von däm de Sichemita aufstaumen; 32Schemida, von däm de Schemidaita aufstaumen; Hefer, von däm de Heferita aufstaumen. 33Hefer sien Sän Zelofhad haud kjeene Säns, bloos Dajchta. Un dee äare Nomes wieren: Machla, Noa, Hogla, Milka un Tirza. #4Mo 27,1 34Daut sent de Famieljes von Manasse, eene Zol von 52.700.
35Efraim siene Säns no äare Famieljes wieren: Schutelach, von däm de Schutelachita aufstaumen; Becher, von däm de Becherita aufstaumen; Tahan, von däm de Tahanita aufstaumen. 36Schutelach sien Sän wia: Eran, von däm de Eranita aufstaumen. 37Daut sent de Famieljes von Efraim, eene Zol von 32.500. Daut sent Josef siene Säns no äare Famieljes.
38Benjamin siene Säns no äare Famieljes wieren: Bela, von däm de Belaita aufstaumen; Aschbel, von däm de Aschbelita aufstaumen; Ahiram, von däm de Ahiramita aufstaumen; 39Schufam, von däm de Schufamita aufstaumen; Hufam, von däm de Hufamita aufstaumen. 40Bela siene Säns wieren: Ard un Naaman, von dän de Ardita un Naamanita aufstaumen. 41Daut sent Benjamin siene Säns no äare Famieljes, eene Zol von 45.600.
42Dan sien Sän met siene Nokomen wia: Schuham, von däm de Schuhamita aufstaumen. Daut sent de Nokomen von Dan met äare Famieljes. 43Aule Famieljes von de Schuhamita hauden een Häa von 64.400.
44Asser siene Säns no äare Famieljes wieren: Jimna, von däm de Jimnaita aufstaumen; Jischwi, von däm de Jischwita aufstaumen; Beria, von däm de Beriita aufstaumen. 45Un Beria siene Säns wieren: Heber, von däm de Heberita aufstaumen; Malkiel, von däm de Malkielita aufstaumen. 46Un Asser siene Dochta heet Serach. 47Daut sent de Famieljes von Asser siene Säns, eene Zol von 53.400.
48Naftali siene Säns no äare Famieljes wieren: Jachzeel, von däm de Jachzeelita aufstaumen; Guni, von däm de Gunita aufstaumen; 49Jezer, von däm de Jezerita aufstaumen; Schillem, von däm de Schillemita aufstaumen. 50Daut sent de Nokomen von Naftali no äare Famieljes, eene Zol von 45.400.
51De gaunze Somm von de utjesochte Mana en Israel wia, 601.730.
52Un de Har räd met Moses un säd: 53Aun dise saust du daut Launt no äare Zolen un Nomes no aus Oafgoot vedeelen. 54Eenen Staum, waut groot es, saust du väl aus Oafgoot jäwen, un eenen Staum, waut kjlien es, weinich; eenen jiedren saul daut no siene Menschen Zol toojedeelt woaren. 55Un doch saul daut Launt derchem Loss enjedeelt woaren; no de Nomes von de Stam no äare Vodasch sellen see äa Oafgoot toojedeelt kjrieen. #(55 un 56) 4Mo 33,54; Jos 14,2 56No daut Loss saust du äa Oafgoot vedeelen, tweschen dee waut väl sent, un dee waut weinich sent.
De Staum Levi un Aaron un Moses äare Famieljes
57Dit es de Somm von de Leviten no äare Famieljes no: Gerschon, von däm de Gerschonita aufstaumen; Kehat, von däm Kehatita aufstaumen; Merari, von däm de Merarita aufstaumen. #2Mo 6,16-25; 4Mo 3,17-20 58Dit sent de Famieljes von Levi: De Libnita äare Grupp, de Hebronita äare Grupp, de Machlita äare Grupp, de Muschita äare Grupp, un de Korachita äare Grupp. Kehat sien Sän wia Amram. #4Mo 13,22; 33,20 59Un Amram siene Fru heet Jochebed, Levi siene Dochta, dee am en Ägipten jebuaren wort. Un see brocht däm Amram Aaron un Moses un äare Sesta Mirjam to Welt. 60Däm Aaron worden Nadab, Abihu, Eleasar un Itamar jebuaren. 61Oba Nadab un Abihu storwen, aus see framdet Fia ver däm Harn brochten. #3Mo 10,1-2 62Un äare Somm wia 23.000, aule Junges un Mana, von eene Moonat un doaräwa. See worden nich met de aundre Israeliten toop jetalt, wiels an kjeen Launt aus Oafgoot mank de Israeliten troff.
63Daut es de Aunzol von de Israeliten, dee Moses un de Priesta Eleasar, em Jordantol en daut Moabita Launt jäajen Jericho, talden. 64Un mank dise Famieljes wia kjeena mea von de Israeliten, waut Moses un de Priesta Aaron, en de Sinai Wiltnis, jetalt hauden. #4Mo 1,1-47 65Wiels de Har haud an jesajcht, see sullen en de Wiltnis utstoawen. Un doa bleef kjeena von an äwa aus Kaleb, Jefune sien Sän, un Josua, Nun sien Sän. #4Mo 14,22-38
Currently Selected:
4. Mose 26: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.