4. Mose 7
7
De Opfa, aus daut Heilichtum enjesäajent wort
1Aun dän Dach aus Moses de heilje Woninj un waut doatoo jehieed un dän Aultoa met daut Toobehia fa dän, gaunz oppjestalt un enjesaulft un jeheilicht haud, #2Mo 40,9-10.17 2don brochten de Leida von Israel, de väaschte von de Stam, äare Opfagowen. Dit wieren de Leida von de Volkjsgruppen en Israel waut daut Volkj jetalt hauden. 3See brochten äare Gowen von sas bebude Woages un twalf Rinda no däm Harn. Doa wieren emma een Woagen fa twee Leida un een Rint fa jieda Leida. Met dise kjeemen see no de heilje Woninj.
4Un de Har säd to Moses: 5Nemm dise von an un jeff de Leviten dee, soo daut dee bie daut Vesaumlungszelt kjennen jebrukt woaren, fa jiedrem en sienen Deenst. 6Dan neem Moses de Woages un Rinda un jeef de Leviten dee. 7Hee jeef de Gerschonita twee Woages un vea Rinda fa äare Oabeit, 8un hee jeef de Merarita vea Woages un acht Rinda fa äare Oabeit, dee see unja Itamar, Aaron sienen Sän, siene Äwasecht stalden. #4Mo 4,28.33 9Oba hee jeef de Kehatita kjeen Woagen un kjeene Rinda, wiels äare Oabeit met de jeheilichte Sachen wia un see dee opp äare Schulren droagen musten. #4Mo 4,15
10Un aun dän Dach aus de Aultoa enjeweit wort brochten de Leida äare Gowen, un see brochten äa Opfa bat däm Aultoa. 11De Har säd to Moses: Lot de Leida äare Gowen toom dän Aultoa ensäajnen, jieda opp eenen aundren Dach brinjen. #4Mo 1,4-16; 2,3-29 12Aum ieeschten Dach opfad Nachschon, Aminadab sien Sän, vom Staum Juda, siene Gow. 13Un siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 14un doatoo noch een goldna Läpel, waut 120 Graum schwoa wia, voll Weiruak, 15een junga Boll, een Schopsbock, un een eenjoaschet Schop toom Brauntopfa, 16een Kosenbock toom Sindopfa, 17un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es Nachschon, Aminadab sien Sän, siene Gow. 18Aum tweeden Dach opfad Netanel, Zuar sien Sän, de Leida vom Staum Isachar. 19Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 20un doatoo noch een goldna Läpel, 120 Graum schwoa, voll Weiruak, 21een junga Boll, een Schopsbock, un een eenjoaschet Schop toom Brauntopfa, 22een Kosenbock toom Sindopfa, 23un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Netanel, Zuar sien Sän. 24Aum dredden Dach Eliab, Helon sien Sän, de Leida vom Staum Sebulon. 25Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 26un doatoo noch een goldna Läpel, 120 Graum schwoa, voll Weiruak, 27een junga Boll, een Schopsbock, un een eenjoaschet Schop toom Brauntopfa, 28een Kosenbock toom Sindopfa, 29un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Eliab, Helon sien Sän. 30Aum vieeden Dach Elizur, Schedeur sien Sän, de Leida vom Staum Ruben. 31Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 32un doatoo noch een goldna Läpel, 120 Graum schwoa, voll Weiruak, 33een junga Boll, een Schopsbock, un een eenjoaschet Schop toom Brauntopfa, 34een Kosenbock toom Sindopfa, 35un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Elizur, Schedeur sien Sän. 36Aum feften Dach Schelumiel, Zurischadai sien Sän, de Leida vom Staum Simeon. 37Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 38un doatoo noch een goldna Läpel, 120 Graum schwoa, voll Weiruak, 39een junga Boll, een Schopsbock, un een eenjoaschet Schop toom Brauntopfa, 40een Kosenbock toom Sindopfa, 41un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Schelumiel, Zurischadai sien Sän. 42Aum sasten Dach Eljasaf, Deguel sien Sän, de Leida vom Staum Gad. 43Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 44un doatoo noch een goldna Läpel, 120 Graum schwoa, voll Weiruak, 45een junga Boll, een Schopsbock, un een eenjoaschet Schop toom Brauntopfa, 46een Kosenbock toom Sindopfa, 47un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Eljasaf, Deguel sien Sän. 48Aum säwenden Dach Elischama, Amihud sien Sän, de Leida vom Staum Efraim. 49Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 50un doatoo noch een goldna Läpel, 120 Graum schwoa, voll Weiruak, 51een junga Boll, een Schopsbock, un een eenjoaschet Schop toom Brauntopfa, 52een Kosenbock toom Sindopfa, 53un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Elischama, Amihud sien Sän. 54Aum achten Dach Gamliel, Pedazur sien Sän, de Leida vom Staum Manasse. 55Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 56un doatoo noch een goldna Läpel, 120 Graum schwoa, voll Weiruak, 57een junga Boll, een Schopsbock, un een eenjoaschet Schop toom Brauntopfa, 58een Kosenbock toom Sindopfa, 59un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Gamliel, Pedazur sien Sän. 60Aum näajenden Dach Abidan, Gidoni sien Sän, de Leida vom Staum Benjamin. 61Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 62un doatoo noch een goldna Läpel, 120 Graum schwoa, voll Weiruak, 63een junga Boll, een Schopsbock, un een eenjoaschet Schop toom Brauntopfa, 64een Kosenbock toom Sindopfa, 65un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Abidan, Gidoni sien Sän. 66Aum tieenden Dach Ahieser, Amischadai sien Sän, de Leida vom Staum Dan. 67Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 68un doatoo noch een goldna Läpel, 120 Graum schwoa, voll Weiruak, 69een junga Boll, een Schopsbock, un een eenjoaschet Schop toom Brauntopfa, 70een Kosenbock toom Sindopfa, 71un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Ahieser, Amischadai sien Sän. 72Aum alften Dach Pagiel, Ochran sien Sän, de Leida vom Staum Asser. 73Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 74un doatoo noch een goldna Läpel, 120 Graum schwoa, voll Weiruak, 75een junga Boll, een Schopsbock, un een eenjoaschet Schop toom Brauntopfa, 76een Kosenbock toom Sindopfa, 77un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Pagiel, Ochran sien Sän. 78Un aum twalften Dach Ahira, Enan sien Sän, de Leida vom Staum Naftali. 79Siene Gow wia eene selwane Plot, 1.500 Graum schwoa, eene selwane Komm, 800 Graum schwoa no daut Jewicht vom Heilichtum, beid voll wittet Mäl, met Eelj toopjerieet, toom Ätesopfa, 80un doatoo noch een goldna Läpel, 120 Graum schwoa, voll Weiruak, 81een junga Boll, een Schopsbock, un een eenjoaschet Schop toom Brauntopfa, 82een Kosenbock toom Sindopfa, 83un toom Dankopfa twee Rinda, fief Schopsbakj, fief Kosenbakj un fief eenjoasche Schop. Daut es de Gow von Ahira, Enan sien Sän. 84Dit wia de Gow waut de Staumleida en Israel to de Enweiunk fa dän Aultoa jeewen, to dee Tiet aus dee jesaulft wort: twalf selwane Ploten, twalf selwane Kommen, un twalf goldne Läpels. 85Jieda Plot haud 1.500 Graum Selwa un jieda Komm haud 800 Graum Selwa. De gaunze Wicht von de selwane Dinja wia 26 Kilo un 600 Graum no daut Jewicht vom Heilichtum. 86Un de twalf goldne Läpels voll Weiruak hauden jieda 120 Graum no daut Jewicht vom Heilichtum, soo daut de Wicht von daut Golt waut de Läpels hauden, 1.440 Graum wia. 87De Somm von Tieren toom Brauntopfa wia twalf junge Bolles, twalf Schopsbakj, twalf eenjoasche Schop met äare Ätesopfa toop, un twalf Kosenbakj toom Sindopfa. 88Un de Somm von de Tieren toom Dankopfa wia 24 junge Bolles, 60 Schopsbakj, 60 Kosenbakj un 60 eenjoasche Schop. Soo wort de Aultoa enjeweit aus dee enjesaulft wort.
89Aus Moses em Vesaumlungszelt nenn jinkj toom met däm Harn räden, dan hieed hee de Stemm to am räden von tweschen de twee Cheruben opp daut Veseenungs Dakjsel opp de Bundeskjist. Soo räd de Har to am. #2Mo 25,17-22; 29,42; 33,7; 1Sam 3,3-14
Currently Selected:
4. Mose 7: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.