Exodus 14
14
Faraub Israêlikut udlapait. Faraokut ippivut imânut.
1Nalekablo Mosese oᴋarvigivâ, oᴋarlune:
2Israêlikut oᴋarvigikit sangulerᴋovlugit tangmârlutiglo Pi-Hakirotib nalâne, Migdolib imarbiublo akorngangne, Baal-Zefonib nalâne; tâpsoma sângane tangmârtuksauvose imarbiub kiglingane.
3Farao oᴋalârmat Israêlikut pivlugit: Tamarsimavut nuname, sunaᴋajuitub apᴋutiksairutivait.
4Faraublo ômatinga mangaititsomavara udlanerᴋovlugo tâpkoninga; opigijaujomavungalo Faraokut sorsuktuksarsoaᴋutingitigullo, Egiptenemiut tukisitsiarᴋovlugit uvangaugama Nâlegak. Taimailiorput tagva.
5Egipteniblo ataninga oᴋautijaungmat inuit ᴋemâsimangmata, Faraub ômatinga ikajortingitalo ômatingit ablatsangorput inungnut, oᴋarpullo: Sôk taimailiorᴋitâ, Israêlikut aularᴋogaptigik kivgartornermit uvaptingnik?
6ᴋamutinelo aksaloalîk unatautîk atuinarutipâ inuᴋotinelo ilagivait,
7ᴋamutillo aksaloalît piojut 600 ilagivait, ᴋamutillo aksaloalît tamaita Egiptenemêtut, atunit ᴋemukserteᴋarlutik.
8Nâlekablo Faraub Egiptenib atanertangata ômatinga mangaitipâ, tâpsomalo Israêlikut udlapait. Israêlikulle anisimalauᴋput aggangnut ᴋotsiktunut.
9Egiptenemiulle udlapait, Faraub ᴋamutingit aksaloalît unatautit horselît, horsenelo ikimajungit, sorsuktuksarsoaᴋotingillo, angulugillo tangmârtersimajut imarbiub kiglingane, Pi-Hakirotib erᴋâne, Baal-Zefonib nalâne.
10Faraolo ᴋaglilermat, Israêlikut ijitik arlortipait, sunaubvalo, Egiptenemiut malikpait; kapiasudlalerpullo, Israêlikullo Nâlegak nipliadlarvigivât.
11Mosesemullo oᴋarput: Iluviksaᴋangimat Egipteneme aularutivitigût sunaᴋajuitome toᴋorᴋovluta? Sôk taimailiorvigivitigût, aularutiluta Egiptenemit?
12Tamannaungilâk oᴋauserijavut ilingnut Egipteneme, oᴋarluta: Pagvisarniaratigut, Egiptenemiulle kivgartortuinarlavut? Egiptenemiut kivgartorlugit nakornersaungmat toᴋojuksaunermit sunaᴋajuitome.
13Mosesiblo inuit oᴋautivait: Sivôraniarase! ᴋikartuinaritse! Nâlekablo piuliklerninga nalonaijarniartanga uvlome pivluse takoniarlugo; Egiptenemiut takojase uvlome takojungnainiarapsigik isoᴋangitomut.
14Nâlegak sorsulârmat pivluse, ilipselo nippangerniarpose.
15Nâlekablo Mosese oᴋautivâ: Sôk ᴋaigarsukᴋêt uvamnut? Israêlikut ingergarᴋokit:
16Igville ajaupiat isautileruk, aggatillo isakit imarbiub ᴋollânut, aviktilugolo: Israêlikullo imarbiub ᴋerᴋagôrtuksauvut panertokut.
17Uvangalo, ahâk, Egiptenemiut ômatingit mangaititsomavakka, malerᴋovlugit tâpkoninga: uvangalo nertortauniksarsijomavunga Faraokut, katimagajoksoaᴋotingitigullo ilûnnaitigut, ᴋamutingitigullo aksaloaliktigut unatautiktigut, horsenelo ikimajungitigut.
18Egiptenemiullo misigijuksauvut uvangaugama Nâlegak, nertortauniksarsimaguma Faraokut, ᴋamutingitigullo aksaloaliktigut unatautiktigut, horsenelo ikimajungitigut.
19Gudiblo engelinga, Israêlikut tangmârtertut sivuningitigut ingergasôk, nûpok, kinguninginullo aivlune; nuvujarlo nappajok nûgivok sivuninginit nangeriartorporlo kinguninginut.
20Aivorlo Egiptenemiut tangmârtertut Israêlikullo tangmârtertut ᴋerᴋanut akornganut; nuvujauvorlo tâdlarlarmelo ipkonunga, unnuarmele ᴋaumaivok ukununga: ipkua ukkua ᴋanitanganut pijungnarᴋonagit unnuak nâvlugo.
21Mosesiblo aggane isaktipait imarbiub ᴋollânut; Nâlekablo imak tinitipâ unnangârsoakut unnuak nâvlugo, imarbiglo panertungortipâ, imallo aviktauvut.
22Israêliblo ᴋitorngangit imarbiub ᴋerᴋagut ingergavut panertokut: imaᴋsuillo avalugivait talerpiata tungâgut saumiatalo tungâgut.
23Egiptenemiullo udlapait maliklugillo imarbiub ᴋerᴋanut, Faraub horsingit, ᴋamutingillo aksaloalît unatautit, horsenelo ikimajungit.
24Uvlârarsukullo pigârtib pigârvingane, Nâlekab Egiptenemiut sorsuktuksoaᴋotingit takonârpait nappajomit ikomamit nuvujamillo, siorniortipaillo Egiptenemiut sorsuktuksarsoaᴋotingit,
25ᴋamutingillo aksaloalît aksaloangejarlugit, pêtorᴋovlugit: Egiptenemiut oᴋarᴋovlugit: Israêlikunit ᴋemâlerta, Nâlekab sorsugutigingmagit Egiptenemiunut.
26Nalekablo Mosese oᴋautivâ: Aggatit isakit imarbiub ᴋollânut, imaksuit uttilerᴋovlugit Egiptenemiut ᴋamutingillo aksaloalît unatautit, horsinelo ikimajungit ullutjautilugit.
27Mosesiblo aggane isaktipait imarbiub ᴋollânut, imarlo utterivok uvlâk nuilertilugo pivigivaktaminut; Egiptenemiullo ᴋemânnasuarpât: Nâlekablo Egiptenemiut ajaktorpait imarbiub ᴋerᴋanut.
28Imaksuillo uterput, ulliklugillo ᴋamutit aksaloalît unatautit, horsenelo ikimajut, Faraublo sorsuktuksarsoaᴋotingit ilûnnaita tâpkoninga maliktut imarbingmut; atautsemiglônêt amiakoᴋangilak.
29Israêlikulle ingergavut panertokut imarbiub ᴋerᴋagut; imaksuillo avalugivait talerpiata tungâgut saumiatalo tungâgut.
30Taimâk Nâlekab Israêlikut piulivait uvlorme tâpsomane Egiptenemiut agganginit; Israêlikullo Egiptenemiut toᴋungajut takovait imarbiub sikjangane.
31Israêlikullo takogivât piniarnersoak Nâlekab piniarnerijanga Egiptenemiune, inuillo Nâlegak sivôragivât, okperilugolo Nâlegak, kivgangalo Mosese.
Currently Selected:
Exodus 14: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Exodus 14
14
Faraub Israêlikut udlapait. Faraokut ippivut imânut.
1Nalekablo Mosese oᴋarvigivâ, oᴋarlune:
2Israêlikut oᴋarvigikit sangulerᴋovlugit tangmârlutiglo Pi-Hakirotib nalâne, Migdolib imarbiublo akorngangne, Baal-Zefonib nalâne; tâpsoma sângane tangmârtuksauvose imarbiub kiglingane.
3Farao oᴋalârmat Israêlikut pivlugit: Tamarsimavut nuname, sunaᴋajuitub apᴋutiksairutivait.
4Faraublo ômatinga mangaititsomavara udlanerᴋovlugo tâpkoninga; opigijaujomavungalo Faraokut sorsuktuksarsoaᴋutingitigullo, Egiptenemiut tukisitsiarᴋovlugit uvangaugama Nâlegak. Taimailiorput tagva.
5Egipteniblo ataninga oᴋautijaungmat inuit ᴋemâsimangmata, Faraub ômatinga ikajortingitalo ômatingit ablatsangorput inungnut, oᴋarpullo: Sôk taimailiorᴋitâ, Israêlikut aularᴋogaptigik kivgartornermit uvaptingnik?
6ᴋamutinelo aksaloalîk unatautîk atuinarutipâ inuᴋotinelo ilagivait,
7ᴋamutillo aksaloalît piojut 600 ilagivait, ᴋamutillo aksaloalît tamaita Egiptenemêtut, atunit ᴋemukserteᴋarlutik.
8Nâlekablo Faraub Egiptenib atanertangata ômatinga mangaitipâ, tâpsomalo Israêlikut udlapait. Israêlikulle anisimalauᴋput aggangnut ᴋotsiktunut.
9Egiptenemiulle udlapait, Faraub ᴋamutingit aksaloalît unatautit horselît, horsenelo ikimajungit, sorsuktuksarsoaᴋotingillo, angulugillo tangmârtersimajut imarbiub kiglingane, Pi-Hakirotib erᴋâne, Baal-Zefonib nalâne.
10Faraolo ᴋaglilermat, Israêlikut ijitik arlortipait, sunaubvalo, Egiptenemiut malikpait; kapiasudlalerpullo, Israêlikullo Nâlegak nipliadlarvigivât.
11Mosesemullo oᴋarput: Iluviksaᴋangimat Egipteneme aularutivitigût sunaᴋajuitome toᴋorᴋovluta? Sôk taimailiorvigivitigût, aularutiluta Egiptenemit?
12Tamannaungilâk oᴋauserijavut ilingnut Egipteneme, oᴋarluta: Pagvisarniaratigut, Egiptenemiulle kivgartortuinarlavut? Egiptenemiut kivgartorlugit nakornersaungmat toᴋojuksaunermit sunaᴋajuitome.
13Mosesiblo inuit oᴋautivait: Sivôraniarase! ᴋikartuinaritse! Nâlekablo piuliklerninga nalonaijarniartanga uvlome pivluse takoniarlugo; Egiptenemiut takojase uvlome takojungnainiarapsigik isoᴋangitomut.
14Nâlegak sorsulârmat pivluse, ilipselo nippangerniarpose.
15Nâlekablo Mosese oᴋautivâ: Sôk ᴋaigarsukᴋêt uvamnut? Israêlikut ingergarᴋokit:
16Igville ajaupiat isautileruk, aggatillo isakit imarbiub ᴋollânut, aviktilugolo: Israêlikullo imarbiub ᴋerᴋagôrtuksauvut panertokut.
17Uvangalo, ahâk, Egiptenemiut ômatingit mangaititsomavakka, malerᴋovlugit tâpkoninga: uvangalo nertortauniksarsijomavunga Faraokut, katimagajoksoaᴋotingitigullo ilûnnaitigut, ᴋamutingitigullo aksaloaliktigut unatautiktigut, horsenelo ikimajungitigut.
18Egiptenemiullo misigijuksauvut uvangaugama Nâlegak, nertortauniksarsimaguma Faraokut, ᴋamutingitigullo aksaloaliktigut unatautiktigut, horsenelo ikimajungitigut.
19Gudiblo engelinga, Israêlikut tangmârtertut sivuningitigut ingergasôk, nûpok, kinguninginullo aivlune; nuvujarlo nappajok nûgivok sivuninginit nangeriartorporlo kinguninginut.
20Aivorlo Egiptenemiut tangmârtertut Israêlikullo tangmârtertut ᴋerᴋanut akornganut; nuvujauvorlo tâdlarlarmelo ipkonunga, unnuarmele ᴋaumaivok ukununga: ipkua ukkua ᴋanitanganut pijungnarᴋonagit unnuak nâvlugo.
21Mosesiblo aggane isaktipait imarbiub ᴋollânut; Nâlekablo imak tinitipâ unnangârsoakut unnuak nâvlugo, imarbiglo panertungortipâ, imallo aviktauvut.
22Israêliblo ᴋitorngangit imarbiub ᴋerᴋagut ingergavut panertokut: imaᴋsuillo avalugivait talerpiata tungâgut saumiatalo tungâgut.
23Egiptenemiullo udlapait maliklugillo imarbiub ᴋerᴋanut, Faraub horsingit, ᴋamutingillo aksaloalît unatautit, horsenelo ikimajungit.
24Uvlârarsukullo pigârtib pigârvingane, Nâlekab Egiptenemiut sorsuktuksoaᴋotingit takonârpait nappajomit ikomamit nuvujamillo, siorniortipaillo Egiptenemiut sorsuktuksarsoaᴋotingit,
25ᴋamutingillo aksaloalît aksaloangejarlugit, pêtorᴋovlugit: Egiptenemiut oᴋarᴋovlugit: Israêlikunit ᴋemâlerta, Nâlekab sorsugutigingmagit Egiptenemiunut.
26Nalekablo Mosese oᴋautivâ: Aggatit isakit imarbiub ᴋollânut, imaksuit uttilerᴋovlugit Egiptenemiut ᴋamutingillo aksaloalît unatautit, horsinelo ikimajungit ullutjautilugit.
27Mosesiblo aggane isaktipait imarbiub ᴋollânut, imarlo utterivok uvlâk nuilertilugo pivigivaktaminut; Egiptenemiullo ᴋemânnasuarpât: Nâlekablo Egiptenemiut ajaktorpait imarbiub ᴋerᴋanut.
28Imaksuillo uterput, ulliklugillo ᴋamutit aksaloalît unatautit, horsenelo ikimajut, Faraublo sorsuktuksarsoaᴋotingit ilûnnaita tâpkoninga maliktut imarbingmut; atautsemiglônêt amiakoᴋangilak.
29Israêlikulle ingergavut panertokut imarbiub ᴋerᴋagut; imaksuillo avalugivait talerpiata tungâgut saumiatalo tungâgut.
30Taimâk Nâlekab Israêlikut piulivait uvlorme tâpsomane Egiptenemiut agganginit; Israêlikullo Egiptenemiut toᴋungajut takovait imarbiub sikjangane.
31Israêlikullo takogivât piniarnersoak Nâlekab piniarnerijanga Egiptenemiune, inuillo Nâlegak sivôragivât, okperilugolo Nâlegak, kivgangalo Mosese.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.