Genesis 17
17
Abralo Sarailo attertârpuk. Anguteojut kippijauvut. Isaaᴋ oᴋautigijauvoᴋ.
1Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.
2Angernera pivlungalo pivlutillo nalautsititsomavara unuksivalliadlartitsomavlutillo.
3Tagva Abra pâmakterpok. Gûdiblo sulle oᴋarvigivâ oᴋarlune:
4Uvangaugama, angernera pivat, nunaᴋatigêksuillo unuktut atâtagijomârpâtit.
5Kingorngane Abramik atteᴋarungnairtuksauvotit, attiksalle tagva Abraha, nunaᴋatigêksoarnut unuktunut atâtaurᴋogapkit.
6Uvangalo unuksivalliadlartitsomavagit inugasaksoangortitsomavlutillo, illingnillo attanersuit pijomârput.
7Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.
8Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.
9Gûdelo Abrahamut oᴋarpoᴋ: Igville perᴋojara nâlegaksarivat, igvillo kinguvâksavillo kingunikkut kingorlerêktut.
10Perᴋojarale nâlagaksarijase pivlunga pivluselo, kingunikkullo kinguvâksatit pivlugit, imaipoᴋ: Anguteojut ilûnatik akunapsingne kippijaksauvut.
11Uvinipse amingata nuvua kippijaksarivase. Tamadja nallunaikutaksaᴋ, illipsingnut angerama.
12Angutearsuit nalliat uvloᴋarpat sittamaujortunik, kippijaksarivase illipsingne kingorlerêngnipsingne; taimaktauᴋ kivgat iglungne inôlersimajut kênaujanullo takorngartanit sunatuinarnit pissiarijaumajut, illapsingnit pingitut (kippijaujariaᴋarput).
13Ilûnatik kippijaksauvut iglungne inôlersimajut kênaujanullo pissiarijaumajut; uvinipsingne angernera saᴋᴋertuksauvoᴋ, angerneᴋ nâksaungitomut ilingajuksaᴋ.
14Angullo kippimaneᴋangitoᴋ kippijaungipat uviningme amingata nuvuagut tâpsoma tarninga pêjartaujomârpoᴋ inôᴋatiminit, angernera tappagingmago.
15Gudelo Abrahamut amma oᴋarivoᴋ: Sarai nuliat Saraimik taijaksarijungnairpat, Sarale tagva attiksanga.
16Pitsartutitsomagapko, tâpsomangat ernermik tunitjivigijomârpagit; pitsartutitsomagapko, inugasaksoangoromârpoᴋ, nunaᴋatigêksuillo attaningit tâpsomangat pijomârput.
17Tagva Abraha pâmakterpoᴋ ᴋungalerlunelo, ômamigullo oᴋarpoᴋ: Angut 100nik jâreᴋartoᴋ ernertârtuksaugalloarᴋâ? Saralo 90nik jâreᴋartoᴋ ernijuksaugalloarᴋâ?
18Abrahalo Gûdemut oᴋarpoᴋ: Kanoᴋtôᴋ Ismaêle inôle sângne!
19Tagva Gûde oᴋarpoᴋ: Ahammarik, Sara nuliat ernermik ernijuksauvoᴋ illingnut, taimna Isaamik atseraraksarivat, angerneralo tâpsomunga nalautsititsomavara, angerneᴋ nâksaungitomut ilingajuksaᴋ, kinguvâksanginullo kingorngagut pijuksanut.
20Ismaêlelo pivlugo tussarivagittauᴋ: Ahâk, pitsartutipara kinguvâksatâᴋattartitsomavaralo unuksivalliadlartitsomavlugolo. Attanernik 12nik ernertâromârpoᴋ inugasaksoangortitsomavaralo.
21Angernerale nalautsititsomavara Isaamut, Sârab erniarijomârtanganut illingunt achâgo nalliutome piviksaujome.
22Oᴋarvigijungnairamiuk, Gûde Abrahamit ᴋongmuarpoᴋ.
23Tagva Abrahab tiguvâ ernine Ismaêle kivganelo tamaita inôlersimajut iglumine, tamaitalo kênaujaminut pissiarijane, Abrahab inuᴋotingit angutiojut tamaita, uviningitalo amingata nuvuatigut kippivait uvlorme taipsomane, sorlo Gûdib oᴋautingmago.
24Abrahalo jâreᴋarpoᴋ 99nik, uviningata amingata nuvua kippijaungmat.
25Ismaêlelo erninga jâreᴋarpoᴋ 13nanik, uviningata amingata nuvua kippijaungmat.
26Uvlorme atausênarme kippijauvuk Abrahalo erningalo Ismaêle.
27Inuᴋotingillo anguteojut ilûnatik iglungane inôlersimajut pissiarijaumajullo takorngartanit kênaujanut kippijaugivut illagivlugo.
Currently Selected:
Genesis 17: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
