Genesis 18
18
Nâkelab Abraha tikkipâ. Sodomab asseroraksauninga. Abrahab tuksiudjininga.
1Nalekablo saᴋᴋervigivâ Mamrib napârtungine, tupperme pângane iksivatilugo uvlub kiaᴋadlarningane.
2Arloramele takosarlunelo, sunaubva, angutit pingasut takolerpait timiminêtut. Takogamigille, aᴋpangerlune pagreartorpait tupperme pânganit, okkolerlunelo nunamut.
3Oᴋarlunelo: Nâlegaᴋ, ijîngnut saimaneᴋsiguma, kivgat ᴋângerniarnago pît.
4Imermik ᴋaitsijoᴋarniarpoᴋ, ittikaselo ubvarsigik, napârtublo attâne ᴋikkalauritsetôᴋ,
5Niaᴋôjagalâmiglo ᴋaitsijomavunga nakoᴋsijutiksapsingnik, kingorngane ingergalaurniarpose, kivgase apᴋusaralloarapsiuk, Oᴋarput: Taimailiorit, sorlo oᴋaravit.
6Abrahalo tuavidlune tuppermut iterpoᴋ Saramut, oᴋarlunelo: Tuavitit, sanaugaᴋ ôktûtitut pingasutut angitigijoᴋ imermut akkulugo, niaᴋôjaliorit.
7Tuktuvangnullo Abraha aᴋpangerpoᴋ, nochatsiaᴋ piojoᴋ tiguvlugo kivgaminullo tunivlugo; tâpsomalo tuavidlune âᴋiksorpâ.
8Imublo orᴋsuanik imutuinarmiglo nochavinermiglo âᴋiksortaminik ᴋaitsivlune manijivigivait, nerrilermattalo, sanniane nangerpoᴋ napârtub atâne.
9Tagva oᴋautivât: Naûk nuliat Sara? Kiovait: Tamâne tuperme.
10Oᴋarporlo (illangat): Achâgo amma tikkitsomârivunga illingnut nelliutikpat, tagva nuliat Sara erneᴋaromârpoᴋ. Tamanna Sarab tussarpâ tupiub tunuanêtub pânganêdlune.
11Tamarmiglo Abraha Saralo inutoᴋaulerpuk jâreᴋadlarlutik, Saralo arnat ilusinganik atorungnairpoᴋ.
12Taimaimat Sara ingminik ijorivoᴋ oᴋarlune: Ningiongogama, uviniᴋatigêmut ilingajuksaugalloarᴋêk, uigalo îtôngmat?
13Tagva Nâlegaᴋ Abrahamut oᴋarpoᴋ: Sôᴋ Sarab tamanna ijûtigivaûk oᴋarlune: Ernijuksaugalloarᴋingâ ningiongojungâ?
14Nâlekamut sumiglônêt ajornartoᴋarᴋâ? Achâgo nalliutikpat tikkitsomârivunga illingnut, tagva Sara erneᴋaromârpoᴋ.
15Sarale misiarpoᴋ oᴋarlune: Ijolaungilanga! sivôragame. Oᴋarporle: Taimaingilaᴋ, ijorpotit.
16Angutit tagva nikkoviput tagvangat, sângalerlutiglo Sodomamut; Abrahablo illagivait ᴋannijâromavlugit.
17Tagva Nâlegaᴋ oᴋarpoᴋ: Abrahamut piniaromârtamnik angigutjijuksaugalloarᴋêk;
18Abrahamit nunaᴋatigêksuit pitsartudlartut pijomârmatta, nunaᴋatigêksuillo nunamêtut ilûnamatsiatik tâpsomûna saimausertaujomârmatta?
19Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.
20Nâlegarlo oᴋarpoᴋ; Sodomamiut Gomorramiullo pivlugit niplianeᴋ angijôngmat, ajortuliningillo sugaluluadlarmatta,
21Tamanna pivlugo aᴋᴋaromavunga takosarlugit, taimailiormaringmangâta, sorlo nipliaviogama, taimailiungimangâtalônêt; ᴋaujijomavara.
22Angutîglo taipkoa sangulerpuk Sodomamut ailerlutik; Abrahalo noᴋangalerpoᴋ Nâlekab sângane.
23Abrahablo sâgiarpâ oᴋautivlugolo: Idluartut asserorᴋassiutijomavigît idluitut asserorlugit?
24Iglugasaksoarne tamakkonane idluartoᴋangikune 50nik! Tâpkoatauᴋ asseroromavigît iglugasaksuillo issumagijungnairomanagit idluartut 50 tagvanêtut pivlugit?
25Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?
26Nâlegaᴋ oᴋarpoᴋ: Idluartut 50 nagvârupkit iglugasaksoarne Sodomame, tagva iglugasaksuit tamaita issumagijungnairomavakka tâpkoa pivlugit.
27Abrahab kiovlune oᴋautivâ: Takuit, oᴋarasuarpunga Nâlekamut, ivjotuinaugalloartunga argjatuinaugalloarlungalo:
28Idluartut tallimanik ikkinersaungikunik 50nit, tâpkoa tallimat pivlugit iglugasaksuit ilûnaita asseroromavigît? Oᴋautivâ: Tagvane 45 nagvârupkit, asseroromangilakka.
29Ammalo oᴋarvigivâ oᴋarlune: Tagvane 40 nagvârtaungikunik? Oᴋarporlo: 40 pivlugit taimailiorvigijomangilakka.
30Oᴋarporlo: Ningarniarnaktôk, Nâlegaᴋ, amma oᴋarmigama sulle: Tagvane 30 nagvârtaungikunik? Oᴋarporle: Tagvane 30 nagvârupkit taimailiorvigijomangilakka.
31Oᴋarporlo: Takuit, illerasungnanga oᴋarasuarpunga Nâlekamut. Tagvane 20 nagvârtaungikunik? Kiovorle: 20 pivlugit asseroromangilakka.
32Oᴋarporlo: Ningarniarnaktôᴋ, Nâlegaᴋ, tamattomanênaᴋ oᴋarniarama sulle: Tagvane tellimaujortut nagvârtaungikunik? Oᴋarporle: Tallimaujortut pivlugit asseroromangilakka.
33Tagva Nâlegaᴋ aularpoᴋ, Abrahamut oᴋarêrame, Abrahalo utterpoᴋ nunagijaminut.
Currently Selected:
Genesis 18: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
