Genesis 31
31
Jako Labanemit ᴋemâvoᴋ.
1Labaniblo erningita oᴋausingit tussaumavait, oᴋarmatta: Jakob tiguvait atâtapta pingit tamaita; atâtaptalo pinginit makkoninga perᴋutevaksoaᴋalerpoᴋ.
2Jakoblo Labanib kênanga takovâ, sunaubvalo, sivornganetut ilingajungnairtoᴋ ingminut.
3Nâlekablo Jako oᴋautivâ: Utterit atâtavit nunanganut illangnullo; illagijomavagit.
4Tagva Jako tillikliutjivoᴋ Rahelelo Lealo ᴋairᴋovlugik naternamut nergjuteᴋotiminut.
5Oᴋautivaglo: Atâtaptik kênanga takovara, sivornganetut ilingajungnairtoᴋ uvamnut; atâtamale Gûdingata illagivânga.
6Nangmineᴋ ᴋaujimavotik, pitsartunimnut tamainut atâtatik kivgartorapko.
7Atâtaptigle uiverivânga, akkilertaugiaralo tellimaujortorlune ablatsautipâ; kissiane Gûdib asseroitailitipâ uvamnik.
8Oᴋalerangat: Millaktat akkiliusiariniarpattit, — nergjutit ilûnatik millaktanik tagva piaraᴋalerput; oᴋalerangalle: ᴋoppugârtut akkiliusiariniarpattit, — nergjutit ilûnatik ᴋoppugârtunik tagva piaraᴋalerput.
9Taimak Gûdib atâtaptik nergjuteᴋotingit tiguvait, uvamnullo tunivlugit.
10Nergjutillo nuliarvingat nelliutingmat, takosarpunga takovlungalo sinnaktômatilunga: sunaubva, angusaluit nergjutinut nuliartut tagva ᴋoppugârtut millaktallo okkileriallo.
11Gûdiblo engelingata oᴋautivânga sinnaktômatilunga: Jako! kiovaralo: Mânêpunga.
12Oᴋautivângalo: Takosarit takovlutillo: angusaluit ilûnatik nergjutinut nuliartut tagva ᴋoppugârtut millaktallo okkileriallo, tamaita takogapkit, ᴋanoᴋ Labanib iliorvigingmattit.
13Uvanga tagva Gûde Bêteleme (takojat), tagvane nellunaikutaᴋ mingoarpat, tagvanelo angeruteᴋarlutit angervigivarma. Parngnailerit mâna, aularlutillo nunamit ômangat, nunamut inûlervigijarnut utterit.
14Raheliblo Leablo tagva kiovâk oᴋarlutik: Kingormgutijaksanik piksaᴋaralloarᴋinûk atâtamnuk iglungane?
15Takkorngartâktut iliorvigingilâtigûk? aulaigamitiguk; akkivuglo nungupait.
16Perᴋutit tamaita, Gûdib tigujangit atâtaptingnit, uvaguk pivavuk ᴋitorngaptalo. Mânalo tamaine iliortuinarit, sorlo Gûdib oᴋarvigingmattit.
17Tagva Jako parngnailerpoᴋ, ᴋitornganelo nulianelo kamêlinut ingitipait.
18Aularutivaillo nergjuteᴋotine tamaita, perᴋutinelo tamaita pissiarijane, nergjutit nangminerijane Mesopotâmiame pijane, Isaamut atâtaminut nunamut Kânaanemut aijomavlune.
19Labanele aularsimavoᴋ, saugaᴋotine sallijartorlugit; Raheliblo tiglikpait atâtame gûdingoaᴋotingit.
20Jakoblo terliarpâ Labane Siriamioᴋ, oᴋautinginamiuk ᴋemâgame.
21Taimak ᴋemâvoᴋ perᴋutingillo tamaita, aularlunelo kôksoaᴋ ikârpâ ᴋaᴋᴋamut Gileademut torârlune.
22Uvlullo pingajuane Labane oᴋautjaulerpoᴋ, Jako ᴋemângmat.
23Tagva ᴋattangutine illagivlugit udlapâ; uvlullo sevenit ingergarvigerᴋârlugit, anguvâ ᴋaᴋᴋame Gileademe.
24Gûdible Labane Siriamioᴋ tikkipâ sinnaktômatilugo unnuarme, oᴋautivlugo: Udjertulerit, Jako oᴋarviginiarungne, ajungitomit sangurᴋonak ajortomut.
25Labaniblo Jako anguvâ. Jakole tangmârtilugo ᴋaᴋᴋame, Labane ᴋattangutingillo tangmârivut ᴋaᴋᴋame Gileademe.
26Tagva Labanib Jako oᴋautivâ: Sûvlutit terliarpingâ, pannîkkalo aularutivlugik sorlo saviksoarmut aᴋsârnigaujûk?
27Sôᴋ angigutjivlutit ᴋemâvêt terliarlunga oᴋarviginangalo? Kannilârajarpagit ᴋuviasuklunga imgerlungalo, ᴋilautillo ᴋellularaillo atorlugit.
28Ernikkalo pannikkalo kuniklugit perᴋongilarmalônêt. Tamattomane sillaitotut iliorpotit.
29Aggakka sappilungigalloarput pidlarluse, kissiane atâtapse Gûdingata ikpeksaᴋ unnuaᴋ oᴋautivânga oᴋarlune: Udjertulerit, Jako oᴋarviginiarungne, ajungitomit sangurᴋonak ajortomut.
30Kissianele mâna aularomadlaralloaravit, paingudlaravit atâtavit iglunganut; sôᴋ gûdingoaᴋotikka tiglikpigît?
31Jakoble Labane kiovâ oᴋarlune: Sivôragama; panningnik aᴋsârnidlaroaravit.
32Gûdingoaᴋotingnigle nagvârviginiartat inôjuksaungilaᴋ. Kattangutipta takkoane pitit uvamnênertut ᴋennerasuarkit tiguvlugillo. Jakole nallovoᴋ, Rahelib tiglingmagit.
33Tagva Labane iterpoᴋ Jakob tuppinganut, Leablo tuppinganut, kivgâglo arnâk tuppingangnut, nagvâranele. Leablo tuppinganit anivlune iterpoᴋ Rahelib tuppinganut.
34Rahelible gûdingoat tigulugit kamêliblo iksivautaᴋtanganut illivlugit iksivavigingmagit, Labanib tuppeᴋ ilûnât tapsikârpâ tapsêsinanelo.
35Tâmnalo oᴋarpoᴋ atâtaminut: Angajoᴋâma ningarviginiaraninga, nikovitsanginama sângne, arnat ilusingat atorapko. Kennerasuaralloaramelo, gûdingoat nagvângilait.
36Tagva Jako ningalerpoᴋ, Labanelo suangavâ, kiovlugolo Jakob Labane oᴋautivâ: Sumik tammarᴋingâ, sumik idluitulivingâ, udladlaramga?
37Pikka tamaita tapsikârangne, suna iglovit pinga nagvârᴋiûk? Illileruk maunga ᴋattangutima ᴋattangutivillo takkoanut, erᴋartuijôrᴋovlugit akonaptingne.
38Jârit 20 ukkoa illingnênama, saugaᴋotitit tuktungajoᴋotitillo erninerlutsangilat, nergjuteᴋotivillo kattimajut angusalungit nerrilungilakka.
39(Omajoâlungnut) alliktorsimajut âlungilakka illingnut, uvanga tauᴋseriaᴋarpakka; aggamnit saᴋᴋerᴋovatit uvlôtilugo tigliktaujut, unnuangotilugolônêt tigliktaujut.
40Imaipunga: Uvlôtilugo kiangmut sujukpunga, unnuangotilugolo ᴋeujarnermut, siniktailiᴋattarlungalo.
41Taimak jârit 20 ukkoa iglungnêpunga; jârit 14 kivgartorvigivagit pannîkik pivlugik, jârillo pingasojortut nergjuteᴋotitit pivlugit, akkilertaugiaralo tellimaujortoertorlutit ablatsautipat.
42Atâtama Gûdingata illagingipanga, Abrahab Gûdingata, Isaablo sivôragijangata, tagva sunaᴋartinanga aularᴋonajarparma. Gûdible ajulernera aggamalo sullijangit takonâramigit, inerterpâtit ikpeksaᴋ unnuaᴋ.
43Labaniblo Jako kiovâ oᴋarlune: Uvanga ukkoa pannigivâkka, uvanga ukkoa ernerivakka, uvanga kattimajut ukkoa nergjuteᴋotigivakka, takojatit tamaita pigivakka. Pannîkkale ukkoa ᴋanoᴋ piniarvigijungnarpâkkâ uvlome, erningillônêt erniarijangit?
44Attê, angerᴋatigêlauluk uvangalo igvillo kigligiutsijutiksamik uvamnullo illingnullo.
45Tagva Jakob ujaraᴋ tiguvâ nappartilugolo nellunaikutaurᴋovlugo.
46Kattangutinelo Jakob oᴋautivait: Ujarᴋanik kattersoijartoritse. Tagva ujarᴋanik tigusivut ᴋallerêktilugit, ᴋallerêktitallo ᴋângane nerrivut.
47Labaniblo taivait Jegar-Sahadutamik, Jakoble taivait Gâletemik.
48Labanelo oᴋarpoᴋ: Kallerêktitat ukkoa kigligiutsijutiksauvut uvlome uvamnullo illingnullo. Tamanna pivlugo Gâletemik atserarpât,
49Ammalo Mizpamik, oᴋarmat: Nâlegaᴋ udjertorteole uvamnullo illingnullo, ᴋaningiutilârumnuk.
50Pannîkka kapiasuktinajarûngne, ubvalo pannîngma assîgingnik nulianigajaruvit sulle — inungmik uvaptîngnêtoᴋalungilaᴋ, ahâgle, Nâlegaᴋ kigligiutsijeovoᴋ uvamnullo illingnullo.
51Amma Labanib Jako oᴋautivâ: Tagga ᴋallerêktitat ukkoa, taggalo nallunaikutaliaᴋ nappartitara uvamnullo illingnullo;
52Kallêrektitat ukkoa kigligiutsijutiksauvut, nallunaikutaliarlo tamanna kigligiutsijutiksauvoᴋ, uvangalônêt ᴋallerêktitat ukkoa ᴋângeromanginapkit illingnôrlunga, igvillônêt ᴋallerêktitat ukkoa nallunaikutaliarlo tamanna ᴋângeromanginangne uvamnôrlutit idluitomik.
53Abrahab Gûdinga, Nahoriblo Gûdinga, atâtangatalo Gûdinga erᴋartuijôjuksauvoᴋ uvaptîngnut. Jakolo angervikpoᴋ atâtame Isaab sivôragijanga taivlugo.
54Jakolo tunergutiksamik tunitjivoᴋ ᴋaᴋᴋame, ᴋattangutinelo ᴋairᴋovait nerrijartorᴋovlugit. Nerrijarêramiglo siniktarput ᴋaᴋᴋame.
55Labanelo uvlârarsukut makiname, erninelo pannîngnelo kunnikpait saimauserlugillo, tagva Labane aularpoᴋ, nunaminut utterlune.
Currently Selected:
Genesis 31: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
