Genesis 36
36
Esauekut.
1Tamadja unipkautsit Esauemik — imaitoᴋ: Edomemik.
2Esauib nuliarivait Kânaanib panningita illangit: Ada, Elonib Hetiterib panninga, Oholibamalo, Anab panninga, Sibeonib Horiterib erngutanga,
3Basmatalo Ismaêlib panninga Nebajotib najanga.
4Adablo Esauemut erniarivâ Elifase; Basmatablo erniarivâ Reguele.
5Oholibamablo erniarivait Jêguselo Jagadlalo Koralo. Tamadja Esauib erningit erniangomajut tâpsomunga Kânaanib nunangane.
6Esauiblo tiguvait nuliane erninelo panninelo iglomioᴋatinelo tamaita, saugaᴋotinelo nergjuteᴋotinelo perᴋutinelo tamaita, Kânaanib nunangane pissiarijane, nunablo assianut nûpoᴋ, nukane Jako ᴋemaklugo,
7Perᴋuteᴋaluaralloarmut nunaᴋatigêgungnangimanik, nunablo tujormiangovigijangata ajorpait nergjuteᴋotingita unurningit pivlugit.
8Taimak Esaue Seirib ᴋaᴋᴋangine nunaᴋalerpoᴋ. Esaue tagva Edome.
9Tamadja Esauib kinguvângit; tâmna Edomiterit Seirib ᴋaᴋᴋanginêtut atâtagivât.
10Tamadjalo Esauib erningita attingit: Elifase Adab erninga Esauib nuliangata; Reguele Basmatib erninga Esauib nuliangata.
11Elifasib erningit tagva: Teman, Omar, Sefo, Gaetam, Kenase.
12Elifasiblo Esauib erningata panervgarivâ Timna; tâpsoma Amalek erniarivâ Elifasemut. Tâpkoangovut Adab kinguvângit Esauib nuliangata.
13Reguelib erningit tagva: Nagat, Sera, Sama, Misa. Tâpkoangovut Basmatib kinguvângit Esauib nuliangata.
14Ukkoale Oholibamab ernerivait Anab panningata Sibeonib erngutangata, Esauib nuliangata: Jêguselo, Jagadlalo, Koralo ernerivait Esauemut.
15Tamadja Esauib kinguvângita angajoᴋângit, Elifasib Esauemut erniangorᴋârtub erningit: angajoᴋâᴋ Teman, angajoᴋâᴋ Omar, angajoᴋâᴋ Sefo, angajoᴋâᴋ Kenase,
16Angajoᴋâᴋ Kora, angajoᴋâᴋ Gaetam, angajoᴋâᴋ Amalek. Tâpkoangovut Elifasekut angajoᴋângit Edomib nunangane; Adab tâpkoa kinguvârivait.
17Ukkoa tagva Reguelib erningit Esauib erningata: angajoᴋâᴋ Nagat, angajoᴋâᴋ Sera, angajoᴋâᴋ Sama, angajoᴋâᴋ Misa. Tâpkoangovut Reguelekut angajoᴋângit Edomib nunangane; Basmatib tâpkoa kinguvârivait Esauib nuliarijangata.
18Ukkoalo tagva Oholibamab erningit Esauib nuliangata: angajoᴋâᴋ Jêguse, angajoᴋâᴋ Jagadla, angajoᴋâᴋ Kora. Tâpkoangovut Oholibamakut angajoᴋângit, Anab panningata, Esauib nuliangata (kinguvângita).
19Tâpkoangovut Esauib kinguvângit, tâpkoangovullo angajoᴋângit. Tamadja Edome.
20Tamadja Seirib Horiterib erningit, nunab inungit: Lotan, Sobal, Sibeon, Ana, Dison, Eser, Disan.
21Tâpkoangovut Seirib erningita Horiterit angajoᴋângit Edomib nunangane.
22Lotanib ernerivak: Horilo Hemalo; Timnalo Lotanib najagivâ.
23Ukkoalo Sobalib ernerivait: Aluan, Managat, Ebal, Sefo, Onam.
24Sibeoniblo ernerivak: Ajalo Analo. Ana tâmnauvoᴋ puilavingmik ônartomik nagvârtoᴋ inuᴋangitome, atâtame Sibeonib siuterᴋortojoᴋotinginik mianersigame.
25Tamadja Anab ᴋitorngâgik: Disonelo Oholibamalo Anab panninga.
26Ukkoalo Disonib ernerivait: Hemdan, Esban, Jetran, Kêran.
27Ukkoa Eserib ernerivait: Bilhan, Savan, Akan.
28Ukkoa Disanib ernerivak: Us, Aranelo.
29Ukkoangovut Horiterit angajoᴋângit: Angajoᴋâᴋ Lotan, angajoᴋâᴋ Sobal, angajoᴋâᴋ Sibeon, angajoᴋâᴋ Ana,
30Angajoᴋâᴋ Dison, angajoᴋâᴋ Eser, angajoᴋâᴋ Disan. Tâpkoangovut Horiterit angajoᴋângit, Seirib nunangane angajoᴋaujut.
31Tamadja attanît attaniojut Edomib nunangane, Israêlikut attaneᴋartinagit sulle:
32Bela, Beorib erninga attaniovoᴋ Edomeme; iglugasaksoaᴋotingit Dinhabamik atteᴋarput.
33Bela toᴋungmat kingorngagut Joba attaniovoᴋ Serab erninga, Busramit pijoᴋ.
34Joba toᴋungmat kingorngagut Husa attaniovoᴋ, Temaniterit nunanganit pijoᴋ.
35Husa toᴋungmat kingorngagut Hadad attaniovoᴋ Bedadib erninga; tâpsoma Midianiterit sâlagivait Moabiterit naternangane, iglugasaksoaᴋotingillo Avitemik atteᴋarput.
36Hadad toᴋungmat kingorngagut Samla attaniovoᴋ, Masrekamit pijoᴋ.
37Samla toᴋungmat kingorngagut Saule attaniovoᴋ, Rehobotemit kôksoarmêtomit pijoᴋ.
38Saule toᴋungmat kingorngagut Baal-Hanan attaniovoᴋ Agborib erninga.
39Baal-Hanan Agborib erninga toᴋungmat kingorngagut Hadar attaniovoᴋ, iglugasaksoaᴋotingillo Pagumik atteᴋarput, nuliangalo Mehetabêlemik atteᴋarpoᴋ Matredib panninga Mesahabib panningata.
40Tamadja Esauekut angajoᴋângita attingit, ingmikut kinguvarêt, ingmikut nunaᴋatigêt ᴋanoᴋ atteᴋartut: angajoᴋâᴋ Timna, angajoᴋâᴋ Alua, angajoᴋâᴋ Jetet.
41Angajoᴋâᴋ Oholibama, angajoᴋâᴋ Ela, angajoᴋâᴋ Pinon,
42Angajoᴋâᴋ Kênase, angajoᴋâᴋ Teman, angajoᴋâᴋ Mibsar,
43Angajoᴋâᴋ Magdiel, angajoᴋâᴋ Iram. Tâpkoangovut Edomiterit angajoᴋângit, nunamingne pigijamingne ᴋanoᴋ nunaᴋartut. Esauelo Edomiterit atâtagivât.
Currently Selected:
Genesis 36: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
