Genesis 41
41
Josefe aulatsijungolerpoᴋ Egipteneme.
1Jarik magguk nângmanik, Farao sinnaktômavoᴋ: kôksoarme nangerdlune.
2Sunaubvalo, kôksoarmit ᴋaᴋivut tuktuvait sepat takominartut ᴋuinijullo, nerrinasuktut iviksoarnik.
3Sunaubvalo, kingorngatigut tuktuvait sepat assingit kôksoarmit ᴋaᴋivut takominaitut sallôjullo, kôksûb sinâne tuktuvait ipkoa sannianêlutik.
4Tuktuvaillo tâpkoa takominaitut sallôjullo nerrivait tuktuvait taipkoa sepat takominartut ᴋuinijullo. Tagva Farao tupalerpoᴋ.
5Sinisingmivlune aipanganik sinnaktômavoᴋ: Sunaubva, sullugainerit sepat nuilerput ivingmit atautsemit angijut silliktullo.
6Sunaubvalo, kingorngatigut nuilerput sulugainerit sepat amitut, uarngnarmut ᴋunorlertut.
7Sulugainerillo amitut tâpkoa êvait sulugainerit taipkoa silliktut angijullo. Tupalerlune Farao malugosulerpoᴋ sinnaktômanerminik.
8Kaulermalle, tarnimigut issumajârpoᴋ, tiliklerporlo ᴋairᴋovlugit aglangnik illisimajut tamaita, sillatujullo tamaita Egiptenemêtut, sinnaktômanerijanelo unipkautigivait tâpkonunga. Kissiane nallonaijaijungnartoᴋalungilaᴋ tamakkoninga Faraomut.
9Tagva imiksaliortit angajoᴋângata Farao oᴋarvigivâ oᴋarlune: Uvlome idluitulinimnik erᴋailerpunga.
10Taipsomane, Faraub kivgângne ningaringmagik, uvangalo ᴋaᴋᴋôjaliortillo angajoᴋângat parngnanairsimavingmut pitilunuk, attanermik udjertortut angajoᴋângata iglunganut;
11Taipsomane sinnaktômavoguk unnuarme atautseme uvangalo taimnalo, attunit sinnaktômanermik ingmigut tukelingmik.
12Tagvanelo illagivavuk inôsuktoᴋ Ebrêereojoᴋ, attanermik udjertortut angajoᴋângata kivganga. Taimna unipkârvigigaptigo, sinnaktômaniptingnik nallonaijaivigivâtiguk, nallonaijaivigivlunuk attunit sinnaktômaniptingnik.
13Sorlolo nallonaijaivigingmattiguk, taimak nalautsivoᴋtauᴋ: uvanga kivgartorvigijamnut uttertitauvunga, imnale nivingarpâ.
14Farao tagva tiliklerpoᴋ Josefe ᴋairᴋovlugo, tuavidlarlutiglo anitipât parngnanairsimavingmit. Sallijaurᴋârdlune annorâtârame, iterpoᴋ Faraomut.
15Faraublo Josefe oᴋarvigivâ: Sinnaktômavunga nallonaijaijoᴋartinago tukinganik: igville tussarpagit oᴋautigijauvlutit, sinnaktômanernik tussartuaruvit, sappinginangne nallonaijarlugo.
16Josefiblo Farao kiovâ oᴋarlunelo: Uvanga pingitunga; Gûdib Farao ajungitunik nallautaiviginiarpâ.
17Faraub tagva Josefe oᴋautivâ: Sinnaktômavunga kôksûb sinâne nangerdlunga:
18Sunaubva, kôksoarmit ᴋaᴋivut tuktuvait sepat ᴋuinijut takominartullo, nerrinasuktut iviksoarnik:
19Sunaubvalo, kingorngatigut ᴋaᴋivut tuktuvait sepat assingit piungitut, takominaitut, sallôjut. Taimak takominaitigijunik takolungitunga Egiptenib nunangane ilûnâne.
20Tuktuvaillo tâpkoa sallûdlartut takominaitullo nerrivait tuktuvait taipkoa sepat sivorlît ᴋoinijut.
21Illumingnullo pitigalloarmagit, malungnalungilat illuanut pititaujut, sivornganetut takominaiput. Tagva tupalerpunga.
22Amma sinnaktômavunga: Sunaubva, sulugainerit sepat nuilerput ivingmit atautsemit silliktut ajungitullo:
23Sunaubvalo, kingorngatigut nuilerput sulugainerit sepat piungitut, amitut, uarngnarmut ᴋunorlertut.
24Sulugainerillo tâpkoa amitut êvait sulugainerit ipkoa ajungitut. Tamakkoa oᴋautigigalloarpakka aglangnik illisimajunut, kissiane nallonaijaivigijungnangilânga.
25Josefib Farao kiovâ: Tamattomingatsainaᴋ Farao sinnaktômavoᴋ. Gûdib Farao nallojungnairtipâ piniaromârnerminik.
26Tuktuvait taipkoa sepat ajungitut tagva jârit sepat, sulugainerillo taipkoa sepat ajungitut tagva jârit. Sinnaktômaneᴋ tâmnatsainauvoᴋ.
27Tuktuvait taipkoa sepat sallôjut takominaitullo, kingorliovlutik ᴋaᴋijut, tagva jârit sepat; tamaktauᴋ sulugainerit sepat amitut uarngnarmullo ᴋunorlertut: sepanik kângnartunik jâreᴋaromârmat.
28Taimaipoᴋ, sorlo Faraomut oᴋarama: Gûdib Farao nallojungnairtipâ piniaromârnerminik.
29Takkuit, jârit sepat akluinartut nalliutijomârput Egiptenemut ilûnânut.
30Kingorngatigullo jârit sevenit kângnartut pijomârput; Egiptenib akluinartoᴋsôninga puigortautilugo; kângnartoᴋsûblo nunamiut nungutsomârpait.
31Akluinartomiglo nuname ᴋaujijungnairomârput kângnartoᴋsoaᴋ pivlugo kingorngagut pijomârtoᴋ, oᴋumailuaromârmat.
32Faraole maggoertorlune taimak sinnaktômangmat, tukeᴋarpoᴋ: Gûdeme tamanna kajusijutaumaringmat, Gûdelo tuavilune taimailiulârmat.
33Taimaimat Faraub angut silatutsiartoᴋ illisimajorlo ᴋennerliuk mâna, aulatsijungortiniarlugolo Egiptenemut.
34Taimailiorlunelo Farao illijingmile pimajiksaminik nunamut, tigulugolo ilûnarsoangita tallimangat Egipteneme, jârit akluinartut nalliutitilugit.
35Jârillo ajungitut nalliutitilugit, nerᴋiksanik sunatuinarnik kattersoilit taipkoa, ᴋaᴋᴋôjaksanik ᴋematuliviliutjivlutik Faraub kamagijaksanginik, nerᴋiksaujunik iglugasaksoarmiunut, torᴋorlugillo.
36Nerᴋiksalle tamakkoa nunamiut piksarijomârpait jârinut sepanut kângnartunut, Egiptenemut pijomârtunut, nunamiut kângmut perlerᴋonagit.
37Oᴋautsit tamakkoa Faraublo kivgangitalo ilûnatik idluarivait.
38Faraublo kivgane oᴋautivait: Nagvârniaralloarᴋitâ angumik ôma assianik, Gûdib anerninganik illumilingmik?
39Josefemullo Farao oᴋarpoᴋ: Gûdib tamakkoa tamaita illingnut nallonairmagit, taimaimat illiktut silatujomik illisimajoᴋangilaᴋ.
40Igvit iglumne aulatsijuksauvotit, inuᴋotimalo ilûnatik oᴋautsitit nâlagaksarivait, attanersûb iksivautanga kissiat pinersaujutigivara illingnit.
41Amma Faraub Josefe oᴋautivâ: Takovat, aulatsijungortigapkit Egiptenemut ilûnânut.
42Faraublo ᴋetterdlermine (naᴋitjut) aggangminit pêrpâ Josefib agganginut illivlugo, annorâtârtilugolo sâtomik, ᴋaᴋortamik, ᴋelaumgujangoarniglo goldeojunik ujamiktilugo.
43Kemukserᴋovâlo ᴋamutiᴋotîngme (aksalloalîk) aipâkikut, nipliavullo sivorngagut: Pâmakteritse! Taimak Egiptenemut ilûnânut aulatsijungortipâ.
44Farauble Josefe oᴋautivâ: Uvanga tagva Farao. Igville perᴋungitarnik aggangminiglônêt ittigaminiglônêt aulatsijoᴋartuksaungilaᴋ Egipteneme ilûnâne.
45Faraublo Josefe atserarpâ: Sapnat-panîamik, nuliaᴋartipâlo Asnatemik, ajoᴋertuijub Onemêtub Potiferab paninganik. Tagva Josefib Egiptene takojartorpâ.
46Josefe jâreᴋarpoᴋ 30nik, Faraub Egiptenib attanertangata sânganut nangeriartorame. Faraomille aularlune ingergalerpoᴋ Egiptenekut ilûnâgut.
47Nunalo amigangiluartunik paungaᴋarpoᴋ jârine taipkonane sepane akluinartune.
48Jârillo sepat taipkoa nalliutitilugit, nerᴋiksat sunatuinait Egiptenemêtut kattersorpait, iglugasaksoarnut pitilugit. Nerᴋiksat, iglugasaksuit nelliata erᴋâne perortut, illuanut pitipait.
49Taimak Josefe ᴋaᴋᴋôjaksanik unuktovaksoarnik ᴋematuliviliutjivoᴋ, imab siorangititut itilugit; kititsungnaisinnalerpait, kititaujungnangimatta.
50Jarit kângnartut nalliuterᴋârtinagit Josefe maggungnik ernertârpoᴋ, Asnatib, Potiferab ajoᴋertuijub Onemêtub paningata, erniaringmagik tâpsomunga.
51Josefiblo angajukleᴋ Manassemik atserarpâ, (oᴋarlune:) Gûdib puigortingmanga siorniornimnik atâtamalo iglunganik ilûnânik.
52Aipanga Efraimik atserarpâ, (oᴋarlune:) Gûdib aglisitingmanga nuname kappiasugvingme.
53Jarillo sepat taipkoa akluinartut, Egiptenemut nalliutijut, nângmatta,
54Jârit sevenit kângnartut nalliutilerput, sorlo Josefib oᴋautigingmagit. Kângnartoᴋsûblo nunat tamaita tikkipait, kissiane Egipteneme ilûnâne nerᴋiksaᴋarpoᴋ.
55Egiptenemiullo ilûnatik kâlermatta, inuit nipliadlarput Faraomut nerᴋiksaᴋaromamut. Farauble Egiptenemiut tamaita oᴋautivait: Josefemut aileritse; sumik perᴋungmase, piniaraksarivase.
56Kângnartoᴋsoarle pidlalermat nunanut tamainut, Josefib ilûnâne ᴋematulivît ᴋaᴋᴋôjaksatalît upkoerpait, pissiaksaᴋartilugo, kângnartoᴋsoaᴋ sugalulualermat Egipteneme.
57Nunanillo tamainit Egiptenemut tikkilerput, niuvervigijomavlugo Josefe, kângnartoᴋsoaᴋ sugaluluarmat nunane tamaine.
Currently Selected:
Genesis 41: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Genesis 41
41
Josefe aulatsijungolerpoᴋ Egipteneme.
1Jarik magguk nângmanik, Farao sinnaktômavoᴋ: kôksoarme nangerdlune.
2Sunaubvalo, kôksoarmit ᴋaᴋivut tuktuvait sepat takominartut ᴋuinijullo, nerrinasuktut iviksoarnik.
3Sunaubvalo, kingorngatigut tuktuvait sepat assingit kôksoarmit ᴋaᴋivut takominaitut sallôjullo, kôksûb sinâne tuktuvait ipkoa sannianêlutik.
4Tuktuvaillo tâpkoa takominaitut sallôjullo nerrivait tuktuvait taipkoa sepat takominartut ᴋuinijullo. Tagva Farao tupalerpoᴋ.
5Sinisingmivlune aipanganik sinnaktômavoᴋ: Sunaubva, sullugainerit sepat nuilerput ivingmit atautsemit angijut silliktullo.
6Sunaubvalo, kingorngatigut nuilerput sulugainerit sepat amitut, uarngnarmut ᴋunorlertut.
7Sulugainerillo amitut tâpkoa êvait sulugainerit taipkoa silliktut angijullo. Tupalerlune Farao malugosulerpoᴋ sinnaktômanerminik.
8Kaulermalle, tarnimigut issumajârpoᴋ, tiliklerporlo ᴋairᴋovlugit aglangnik illisimajut tamaita, sillatujullo tamaita Egiptenemêtut, sinnaktômanerijanelo unipkautigivait tâpkonunga. Kissiane nallonaijaijungnartoᴋalungilaᴋ tamakkoninga Faraomut.
9Tagva imiksaliortit angajoᴋângata Farao oᴋarvigivâ oᴋarlune: Uvlome idluitulinimnik erᴋailerpunga.
10Taipsomane, Faraub kivgângne ningaringmagik, uvangalo ᴋaᴋᴋôjaliortillo angajoᴋângat parngnanairsimavingmut pitilunuk, attanermik udjertortut angajoᴋângata iglunganut;
11Taipsomane sinnaktômavoguk unnuarme atautseme uvangalo taimnalo, attunit sinnaktômanermik ingmigut tukelingmik.
12Tagvanelo illagivavuk inôsuktoᴋ Ebrêereojoᴋ, attanermik udjertortut angajoᴋângata kivganga. Taimna unipkârvigigaptigo, sinnaktômaniptingnik nallonaijaivigivâtiguk, nallonaijaivigivlunuk attunit sinnaktômaniptingnik.
13Sorlolo nallonaijaivigingmattiguk, taimak nalautsivoᴋtauᴋ: uvanga kivgartorvigijamnut uttertitauvunga, imnale nivingarpâ.
14Farao tagva tiliklerpoᴋ Josefe ᴋairᴋovlugo, tuavidlarlutiglo anitipât parngnanairsimavingmit. Sallijaurᴋârdlune annorâtârame, iterpoᴋ Faraomut.
15Faraublo Josefe oᴋarvigivâ: Sinnaktômavunga nallonaijaijoᴋartinago tukinganik: igville tussarpagit oᴋautigijauvlutit, sinnaktômanernik tussartuaruvit, sappinginangne nallonaijarlugo.
16Josefiblo Farao kiovâ oᴋarlunelo: Uvanga pingitunga; Gûdib Farao ajungitunik nallautaiviginiarpâ.
17Faraub tagva Josefe oᴋautivâ: Sinnaktômavunga kôksûb sinâne nangerdlunga:
18Sunaubva, kôksoarmit ᴋaᴋivut tuktuvait sepat ᴋuinijut takominartullo, nerrinasuktut iviksoarnik:
19Sunaubvalo, kingorngatigut ᴋaᴋivut tuktuvait sepat assingit piungitut, takominaitut, sallôjut. Taimak takominaitigijunik takolungitunga Egiptenib nunangane ilûnâne.
20Tuktuvaillo tâpkoa sallûdlartut takominaitullo nerrivait tuktuvait taipkoa sepat sivorlît ᴋoinijut.
21Illumingnullo pitigalloarmagit, malungnalungilat illuanut pititaujut, sivornganetut takominaiput. Tagva tupalerpunga.
22Amma sinnaktômavunga: Sunaubva, sulugainerit sepat nuilerput ivingmit atautsemit silliktut ajungitullo:
23Sunaubvalo, kingorngatigut nuilerput sulugainerit sepat piungitut, amitut, uarngnarmut ᴋunorlertut.
24Sulugainerillo tâpkoa amitut êvait sulugainerit ipkoa ajungitut. Tamakkoa oᴋautigigalloarpakka aglangnik illisimajunut, kissiane nallonaijaivigijungnangilânga.
25Josefib Farao kiovâ: Tamattomingatsainaᴋ Farao sinnaktômavoᴋ. Gûdib Farao nallojungnairtipâ piniaromârnerminik.
26Tuktuvait taipkoa sepat ajungitut tagva jârit sepat, sulugainerillo taipkoa sepat ajungitut tagva jârit. Sinnaktômaneᴋ tâmnatsainauvoᴋ.
27Tuktuvait taipkoa sepat sallôjut takominaitullo, kingorliovlutik ᴋaᴋijut, tagva jârit sepat; tamaktauᴋ sulugainerit sepat amitut uarngnarmullo ᴋunorlertut: sepanik kângnartunik jâreᴋaromârmat.
28Taimaipoᴋ, sorlo Faraomut oᴋarama: Gûdib Farao nallojungnairtipâ piniaromârnerminik.
29Takkuit, jârit sepat akluinartut nalliutijomârput Egiptenemut ilûnânut.
30Kingorngatigullo jârit sevenit kângnartut pijomârput; Egiptenib akluinartoᴋsôninga puigortautilugo; kângnartoᴋsûblo nunamiut nungutsomârpait.
31Akluinartomiglo nuname ᴋaujijungnairomârput kângnartoᴋsoaᴋ pivlugo kingorngagut pijomârtoᴋ, oᴋumailuaromârmat.
32Faraole maggoertorlune taimak sinnaktômangmat, tukeᴋarpoᴋ: Gûdeme tamanna kajusijutaumaringmat, Gûdelo tuavilune taimailiulârmat.
33Taimaimat Faraub angut silatutsiartoᴋ illisimajorlo ᴋennerliuk mâna, aulatsijungortiniarlugolo Egiptenemut.
34Taimailiorlunelo Farao illijingmile pimajiksaminik nunamut, tigulugolo ilûnarsoangita tallimangat Egipteneme, jârit akluinartut nalliutitilugit.
35Jârillo ajungitut nalliutitilugit, nerᴋiksanik sunatuinarnik kattersoilit taipkoa, ᴋaᴋᴋôjaksanik ᴋematuliviliutjivlutik Faraub kamagijaksanginik, nerᴋiksaujunik iglugasaksoarmiunut, torᴋorlugillo.
36Nerᴋiksalle tamakkoa nunamiut piksarijomârpait jârinut sepanut kângnartunut, Egiptenemut pijomârtunut, nunamiut kângmut perlerᴋonagit.
37Oᴋautsit tamakkoa Faraublo kivgangitalo ilûnatik idluarivait.
38Faraublo kivgane oᴋautivait: Nagvârniaralloarᴋitâ angumik ôma assianik, Gûdib anerninganik illumilingmik?
39Josefemullo Farao oᴋarpoᴋ: Gûdib tamakkoa tamaita illingnut nallonairmagit, taimaimat illiktut silatujomik illisimajoᴋangilaᴋ.
40Igvit iglumne aulatsijuksauvotit, inuᴋotimalo ilûnatik oᴋautsitit nâlagaksarivait, attanersûb iksivautanga kissiat pinersaujutigivara illingnit.
41Amma Faraub Josefe oᴋautivâ: Takovat, aulatsijungortigapkit Egiptenemut ilûnânut.
42Faraublo ᴋetterdlermine (naᴋitjut) aggangminit pêrpâ Josefib agganginut illivlugo, annorâtârtilugolo sâtomik, ᴋaᴋortamik, ᴋelaumgujangoarniglo goldeojunik ujamiktilugo.
43Kemukserᴋovâlo ᴋamutiᴋotîngme (aksalloalîk) aipâkikut, nipliavullo sivorngagut: Pâmakteritse! Taimak Egiptenemut ilûnânut aulatsijungortipâ.
44Farauble Josefe oᴋautivâ: Uvanga tagva Farao. Igville perᴋungitarnik aggangminiglônêt ittigaminiglônêt aulatsijoᴋartuksaungilaᴋ Egipteneme ilûnâne.
45Faraublo Josefe atserarpâ: Sapnat-panîamik, nuliaᴋartipâlo Asnatemik, ajoᴋertuijub Onemêtub Potiferab paninganik. Tagva Josefib Egiptene takojartorpâ.
46Josefe jâreᴋarpoᴋ 30nik, Faraub Egiptenib attanertangata sânganut nangeriartorame. Faraomille aularlune ingergalerpoᴋ Egiptenekut ilûnâgut.
47Nunalo amigangiluartunik paungaᴋarpoᴋ jârine taipkonane sepane akluinartune.
48Jârillo sepat taipkoa nalliutitilugit, nerᴋiksat sunatuinait Egiptenemêtut kattersorpait, iglugasaksoarnut pitilugit. Nerᴋiksat, iglugasaksuit nelliata erᴋâne perortut, illuanut pitipait.
49Taimak Josefe ᴋaᴋᴋôjaksanik unuktovaksoarnik ᴋematuliviliutjivoᴋ, imab siorangititut itilugit; kititsungnaisinnalerpait, kititaujungnangimatta.
50Jarit kângnartut nalliuterᴋârtinagit Josefe maggungnik ernertârpoᴋ, Asnatib, Potiferab ajoᴋertuijub Onemêtub paningata, erniaringmagik tâpsomunga.
51Josefiblo angajukleᴋ Manassemik atserarpâ, (oᴋarlune:) Gûdib puigortingmanga siorniornimnik atâtamalo iglunganik ilûnânik.
52Aipanga Efraimik atserarpâ, (oᴋarlune:) Gûdib aglisitingmanga nuname kappiasugvingme.
53Jarillo sepat taipkoa akluinartut, Egiptenemut nalliutijut, nângmatta,
54Jârit sevenit kângnartut nalliutilerput, sorlo Josefib oᴋautigingmagit. Kângnartoᴋsûblo nunat tamaita tikkipait, kissiane Egipteneme ilûnâne nerᴋiksaᴋarpoᴋ.
55Egiptenemiullo ilûnatik kâlermatta, inuit nipliadlarput Faraomut nerᴋiksaᴋaromamut. Farauble Egiptenemiut tamaita oᴋautivait: Josefemut aileritse; sumik perᴋungmase, piniaraksarivase.
56Kângnartoᴋsoarle pidlalermat nunanut tamainut, Josefib ilûnâne ᴋematulivît ᴋaᴋᴋôjaksatalît upkoerpait, pissiaksaᴋartilugo, kângnartoᴋsoaᴋ sugalulualermat Egipteneme.
57Nunanillo tamainit Egiptenemut tikkilerput, niuvervigijomavlugo Josefe, kângnartoᴋsoaᴋ sugaluluarmat nunane tamaine.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.