Genesis 43
43
Jakob erningit aipanganik ingergavut Egiptenemut.
1Kangnartoksoarle oᴋumaidlarpoᴋ nuname.
2Kaᴋᴋôjaksaniglo, Egiptenemit tikkiutijamingnik nungutsingmatta, atâtangata oᴋautivait: Amma ingergaleritse, nerᴋiksagalânik pissiniutivluta.
3Tagva Judab oᴋautivâ oᴋarlune: Angut taimna ilungertumarikpoᴋ uvaptingnut, oᴋarlune: Kênara takojaksaringilase, kissiane nukase illagigupsiuk.
4Taimaimat, nukavut uvaptingnut illaurᴋogungne attersaromavogut taununga nerᴋiksanik pisiniutivlutit.
5Illaurᴋongikungnele, attersaromangilagut taununga, angut taimna oᴋarmat uvaptingnut: Kênara takojaksaringilase, kissiane nukase illagigupsiuk.
6Israêlele oᴋarpoᴋ: Sôᴋ taimak ajortomik pivisingâ, angut taimna ᴋaujitigapsiuk nukaᴋarnipsingnik sulle?
7Kiovât: Angutib taipsoma aperᴋutigiluarpâtigut illavullo, oᴋarlune: Atâtase sulle inôvâ? Sulle nukaᴋarᴋisê? Kaujitipavut tagva, sorlo apertsormattigut. Kanorle ᴋaujijungnarᴋitâ oᴋarniarmat: Nukase tamaungartisiuk?
8Judablo atâtane Israêle oᴋautivâ: Inôsuktoᴋ uvamnut illaurᴋoguk, tagva parngnaileromavogut ingergalutalo, inôrᴋovluta toᴋolerᴋonatalo uvagullo igvillo ᴋitorngavullo.
9Uvanga akkisartoromavara, aggamnit pijomajaksarivat. Illingnut uttertingikupko ijîkpit sângangnut pitilugo, inôsera nâvlugo passijaksaujutigijomavara.
10Taimak utterᴋeangatuinalungikupta, maggoertorluta utterêrajarpogut.
11Tagva atâtangata Israêlib oᴋautivait: Taimaitsariaᴋarpat, imailioritse: Nunab pingita annernarnerpât illanginik pôpsingnut illijivluse, angumut taipsomunga pilliutinik neksaritse: mingoarutegalâmik erngautaujagalâmiglo, tauvluᴋutinik, kutsomiglo, saunanik, saunâlungniglo.
12Kênaujaniglo aipainginik naksaritse, taipkoa pôpsingne ᴋallipautivlutik uttersimajut naksarmivlugit; tammartoᴋarnerpallaingmat.
13Nukase illagisiuk, parngnailerluselo ingergalermititse angumut taipsomunga.
14Gûdible ajugaᴋangitub nâpkigijautilise angutib taipsoma sângane, ᴋatangutise Benjaminelo illaurᴋojauniartilugik illipsingnut! Uvangale ᴋitorngairutiguma, ᴋitorngairutivunga.
15Tagva angutit tâpkoa tiguvait pilliutiksatik, kênaujallo naksarpait maggoertorlutik, Benjaminelo illagivlugo parngnailerput, ingergavullo Egiptenemut, Josefelo tikkipât.
16Josefible takogamigit Benjaminelo illagijangat, pimaklertoᴋotine oᴋautivâ: Angutit ukkoa itertikit iglomut, nergjutiniglo toᴋotsivlutit nerᴋiksaliorit, ᴋetteralersiumik nerriᴋatiginiarmanga.
17Taimailiorporlo angut, Josefib oᴋausingit maliklugit, angutit itertilugit Josefib iglunganut.
18Tâpkoale sivôralerput, Josefib iglunganut itertitauleramik, oᴋarpullo: Kênaujat taipkoa sivorngane pôptingnut uttersimajut pivlugit itertipâtigut tamaunga, opaluigomavluta pidlaromavlutalo, kivgaurᴋovluta tâpsomunga uvagullo siuterᴋortojoᴋotivullo.
19Tagva Josefib pimaklertoᴋotinga sâvigivlugo oᴋauseᴋarvigivât iglub pângane,
20Oᴋarlutik: Angajoᴋâng-ai? Sivorngane tamaungarapta nerᴋiksanik pissiniarluta,
21Siniktarvingmut tikkidluta pôvut ᴋellarudjâraptigik, sunaubva, illûnata attunit kênaujavut pôptingne ᴋallipautivut, kênaujavut ilangersimalungitut; tamakkoa naksarpavut.
22Kênaujaniglo aipainginik naksarpogut, nerᴋiksanik pisiniaromavluta. Nallovogut kia kênaujavut pôptingnut illimangâgit.
23Kiovait: Ullapirᴋsauteᴋaritse sivôraniaraselo. Gûdipse atâtapselo Gûdingata pilliutinik tunitjivigivâse pôpsingnut; kênaujase pivakka. Tagva Simeon anitipâ tâpkonunga.
24Josefiblo iglunganut itertipait imermiglo ᴋaitsivoᴋ, ittikamingnik ubvarᴋovlugit, siuterᴋortojoᴋotingillo nerripkarpait.
25Tâpkoale pilliutiksat âᴋiksorpait Josefe tikkitsiarivlugo uvlub ᴋetterarningane, tussaramik tagvane nerrijuksaunermingnik.
26Josefe iglomut itermat, piliutit neksartatik tâpsomunga âpait iglomut pâmangavigivlugo.
27Tâpsomalo apertsorpait ᴋanoengitsiarmangâta, oᴋarlune: Atâtase îtoᴋ oᴋautigijase ᴋanoengitsiarᴋâ? Sulle inôvâ?
28Kiovât: Kivgat atâtavut ᴋanoengitsiarpoᴋ, sulle inôvoᴋ. Okkovlutiglo pâmangavigivât.
29Josefiblo takosarlune nukane Benjamin, anâname erninga, takovâ oᴋarlunelo: Tâmnauvâ nukase oᴋautigijase uvamnut? Oᴋarivorlo: Gûdib saimarlitit, ernîk!
30Josefelo anisârpoᴋ, illumigut nukane nagligidlaramiuk, ᴋeaviksarsiorlunelo sinigvingminut iterpoᴋ ᴋealarmelo tagvane.
31Ermikamele anivoᴋ nunuvlunelo oᴋarpoᴋ: Nerᴋiksamik ᴋaitsileritse!
32Kaitsivullo tâpsomunga ingmikut, taipkonungalo ingmikut, Egiptenemiunullotauᴋ ingmikut, Egiptenemiut Ebrêerit nerriᴋatigijaksaringimagit, Egiptenemiunut tamanna maᴋojungnarmat.
33Ingerᴋovaillo tâpsoma sânganut, angajukleᴋ angajuklioninga maliklugo, nukardlerlo nukardlioninga maliklugo. Tamanna pivlugo tataminiadlarput.
34Nerᴋiksaniglo âtsivut Josefib sânganit taipkonunga, Benjamin âtsivigivlugo illangita piksangit tellimairtorlugit; imerpullo imermik nâmaksivlutik illagivlugo.
Currently Selected:
Genesis 43: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
