Genesis 46
46
Jakokut nûput Egiptenemut.
1Israele tagva aularpoᴋ perᴋutine tamaita neksarlugit. Bersêbamullo tikkiname, ômajomik tunerguserpoᴋ atâtame Isaab Gûdinganut.
2Gûdiblo Israêle oᴋarvigivâ takotitjutikut unnuarme, oᴋarlune: Jako, Jako! Kiovorlo: Tamânêpunga.
3Oᴋautivâlo: Uvanga Gûdeovunga, atâtavit Gûdinga; sivôranak, attersartuksaugavit Egiptenemut, tagvane inugasaksoangortitsomagapkit.
4Uvanga attersarᴋatigijomavagit Egiptenemut, uvangalo amma uttertitsomârivagit tamaunga, Josefiblo aggane ijîngnut illijomârpait.
5Tagva Jako aularpoᴋ Bersêbamit; Israêliblo erningita atâtatik Jako, ᴋitorngatiglo, nuliatiglo, ᴋemuksiutivait ᴋamutinut aksaloalingnut Faraub tujûtigijanginut ᴋemuksiutigijaksanginut.
6Tiguvaillo nergjuteᴋotitik perᴋutitiglo pisiarijatik nuname Kânaaneme, Egiptenemullo pivut, Jakolo kinguvângillo ilûnatik:
7Ernine, ernimelo erningit, paninelo, ernimelo paningit, kinguvânelo tamaita Egiptenemut illagivait.
8Tamadja Israêlib kinguvângita Egiptenemut tikkitut attingit: Jakolo erningillo: Jakob erninga angajukleᴋ Rubene.
9Rubenib erningit: Hanoᴋ, Pallu, Hetseron, Karmi.
10Simeonib erningit: Jemuel, Jamin, Ohad, Jakin, Sugar, Saulelo, arnab Kânaanemiub erninga.
11Levib erningit: Gerson, Kagat, Merari.
12Judab erningit: Ger, Onan, Sela, Peres, Sera. Gerelo Onanelo toᴋovuk nuname Kânaaneme. Peresib ernîgik: Hetseron Hamulelo.
13Isassarib erningit: Tola, Puva, Jobe, Simeron.
14Sebulonib erningit: Sered, Elon, Jaleel.
15Tâpkoangovut Leab ᴋitorngangit, erniarijangit Jakomut Mesopotâmiame, paningalo Dina. Inuit ilûnatik, ernît panîllo katilugit, 33ovut.
16Gadib erningit: Sifion, Haggi, Suni, Esbon, Eri, Arodi, Areli.
17Asserib erningit: Jimna, Jesua, Jesui, Beria, najangalo Sera. Beriable ernîgik: Heber Malkielelo.
18Tâpkoangovut Silpab ᴋitorngangit, Labanib tunijangata paniminut Leamut. Tâpkoa Jakomut erniarivait: inuit 16.
19Rahelib Jakob nuliangata ernîgik: Josefe Benjaminelo.
20Josefelo Egipteneme ernertârpoᴋ Manassemik Efraimiglo, Asnatib, ajoᴋertuijub Onemêtub Potiferab paningata, erniarijâgingnik tâpsomunga.
21Benjaminib erningit: Bela, Beker, Asbel, Gera, Naman, Eigi, Ros, Mupim, Hupim, Arde.
22Tâpkoangovut Rahelib ᴋitorngangit, erniarijangit Jakomut, katilugit inuit 14.
23Danib erninga: Husim.
24Naftalib erningit: Jatseel, Guni, Jetser, Sillim.
25Tâpkoangovut Bilhab ᴋitorngangit, Labanib tunijangata paniminut Rahelemut. Tâpkoa erniarivait Jakomut, katilugit inuit 7.
26Inuit tamaita Jakob Egipteneliarᴋatingit, uviningata kinguvângit (erningita nuliangit kissêta pinagit) — tâpkoa tamaita katilugit 66ovut.
27Josefiblo ernîgik, Egipteneme erniarijaujuk tâpsomunga, maggôvuk. Jakokut, Egiptenemut tikkitut, tamaita katilugit 70ovut.
28Jakoblo Juda sivunermigut tilivâ Josefemut, apᴋomik Gosenemut unertutjerᴋovlugo sivunermigut. Nunamullo Gosenemut tikkiput.
29Tagva Josefe anujerᴋojivok, ᴋemukserlunelo paungarpoᴋ Gosenemut, atâtane Israêle pâriartorlugo. Takûtilermanik, ᴋongasingagut erᴋipâ ᴋeaᴋitârlune ᴋongasingane.
30Israêlelo Josefemut oᴋarpoᴋ: Mâna toᴋoleromavunga, kênat takogapko, sulle inôjotit.
31Josefiblo ᴋatangutine atâtamelo inuᴋotingit oᴋautivait: Majorarniarpunga Farao ᴋaujititsomavlugo, oᴋautijomavaralo: Katangutikka atâtamalo inuᴋotingit nunamit Kânaanemit uvamnut tikkiput;
32Angutillo taipkoa mianersijôvut, nergjuserigamik; saugaᴋotitiglo tuktuvaᴋotitiglo perᴋutitiglo tamaita neksarpait.
33Farauble ᴋairᴋokpase apertsorluse: Sumik inôgutiksarsijuteᴋarᴋisê?
34Tagva oᴋartuksauvose: Kivgatit nergjutinik mianersijeovogut sorusioniptingnit mâna tikkidlugo, uvagullo sivorlivullo, nunaᴋarᴋovluse Goseneme; saukanik mianersijut ilûnatik Egiptenemiunut maᴋojugijaungmatta.
Currently Selected:
Genesis 46: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
