Lukase 6

Ilinniartit nerᴋiksarsiorninginik Sabbateme. Jêsusib âᴋêninganik agganik toᴋungajunik Sabbateme. Apostelit 12 it ᴋaiᴋojauninginik. Jêsusib oᴋâlaninganik natername.

1Taipsomane Jêsusib perortut sanaugaksat apᴋotigingmagit sabbateme sivorliub tugliane, ilinniartingita sulugainingit nutsulerpait, aggangmingnullo aksaliklugit nerrivait.

2Farisêerille ilangata oᴋautivait: Sôk piniarpise Sabbateme pijaksaungitomîk?

3Jêsusiblo kiovait oᴋautivlugit: Atuarsilaungilasê Dâvidib iliorninganik, kâlerame, illagijangillô?

4Gûdib iglunganut iterame; ᴋakᴋôjat takojaksat tiguvait, nerrilarmelo, ilaminullo tunijivlune; tamakkoa nerrilugit ajoᴋertuijut kissimik perᴋojaugalloarmatta.

5Oᴋautivaillo: Inûb Erninga sabbatemuttauk nâlegauvok.

6Sabbatemele assiane katimavingmut itermat, ajoᴋertuiniardlune, inuᴋarpok tagvane aggalingmik talerpinginik toᴋungajunik.

7Aglangnigle ilisimajut Farisêerillo nautsertorpât, sabbateme âᴋingniarmangâgo, pasitiksaᴋaromavlutik tâpsomunga.

8Issumangille ᴋaujimagamigit, inungmut toᴋungajunik aggalingmut oᴋarpok: Nikovidlutit tamaunga pît. Taimnalo nikovidlune tagvunga pivok.

9Tagva Jêsusib oᴋautivait: Aperivapse, sabbateme sumik sulijuksauvitâ, ajungitomiglônêt ajortumiglônêt; inuk piulivlugolônêt asserorlugolônêt?

10Avatiminêtullo tamaita takosarpait, inuglo tâmna oᴋautivâ: Aggaktit issakit. Taimailiorporlo. Tagva aggangit âᴋiktaulerput iglungititut ᴋanoêtsungnairlutik.

11Tâpkoale ᴋevidlutik issumalulerput; oᴋaᴋatigêlerlutiglo, ᴋanok (Jêsuse) piniaromavlugo.

12Uvlunelo taipkonane ᴋakᴋamut majorarame tuksiariartordlune, unnuak nâvâ Gûdemut tuksiarlune.

13ᴋaulermallo ilinniartine ᴋaiᴋovait, tâpkonangallo 12 it anerivait, tâpkoa tailerdlugittauk Apostelinik:

14Tamadsa (atingit:) Simon, Pêtrusemik taijanga, nukâlo Andrêase; Jakôbuselo Johanneselo; Filippuselo Bartolomêuselo;

15Mattêuselo, Tômaselo, Jakôbuselo, Alfêusib erninga, Simonelo Zelôtesemik taigusilik;

16Jûdaselo, Jakôbusib nukâ, Jûdaselo Iskâriot, pititsijok (Jêsusemik).

17Taipkoa illagivlugit atersâlerpok, naternamut pivlune. Ilinniartigasaillo inugasaksuillo Judêamit illûnânit, Jerûsalemillo, Tirusiblo, Sidoniblo imab sanianêtuk erᴋângnit,

18Tagvane katimajut tussaromavlugo, âᴋiktaujomavlutiglo tâpsomunga ᴋanimasermingnit, anernernullo maᴋojungnartunut kappiasuktitaujut, pijungnaititauvut.

19Inuillo ilûnatik aktorasuarpât; pitsartunek tâpsomangat aningmat, tamaitalo pijungnaitipait.

20Ilinniartinelo ijîngminut takunârpait, oᴋarlunelo: Piloridlarpose aklujose, Gûdib nâlegauvia pigilerapsiuk.

21Piloridlarpose ovane ᴋâktose (Gûdib idluarninganik); ilumertaujomârapse. Piloridlarpose ovane ᴋugviortose, ijoromârapse.

22Piloridlarpose, inuit ômigikpase, avidluselo, suangadlarpaselo, atiselo tainerlukpatigik idluitônerarluse, Inûb Erninga pivlugo.

23ᴋuviasugitse ᴋigertarluselo; akkiksase angidlaromârmat ᴋilangme. Sivorlingitatauk taimailiorivait nelautaijut.

24Kiglormut, kappianamêk akluitose; manigortiksaᴋarungnairapse.

25Kappianamêk peᴋaluartose, kâgomârapse. Kappianamêk ilipse, ovane ijudlartose; ᴋeadlarluse ogguadlaromârapse.

26Kappianamêk ilipse, inuit ilûnatik ânanâmik oᴋautigikpase. Sivorlingitatauk taimailiorivait nalautainerluktut.

27Uvangale oᴋautivapse, nâlektose: Akkerartortise nagligisigik; ômigijise ajungituliviginiarsigik;

28Ilipsingnut oᴋauserluktut saimartisigik; ilipsingnik kiksartitsijut tuksiarutisigik.

29Uluakut erᴋsârtauguvit, igluatauk manileruk, uliksoarniglo aᴋsârtauguvit, ulîttauk pigiliuk!

30Ilingnit sumik tuksiartok, tunitsivigiuk; perᴋutingniglo aᴋsârtauguvit, uterᴋojaksaringilat.

31Sorlo ilipse piniarviojomagapse unungnut, taimâktauk piniarvigisigik.

32Nagligijise nagligijatuarigupsigik, ᴋanok ᴋujagijaunagarpisê? Idluituttauk nagligijitik nagligivait.

33Pitsiartipsingnullo pitsiaᴋattarupse, ᴋanok ᴋujagijaunajarpisê? Idluituttauk taimailiutsainarivut.

34Ilipsingnut utertitsilârniartut attarsiakitatuarigupsigik, ᴋanok ᴋujagijaunajarᴋisê? Idluituttauk attartortitsingmatta idluitunut, taimaikuarênik utertitsiviojomavlutik.

35Tamanna pivlugo ômigijise naglingniarsigik; pitsiarluselo attarsiaᴋisititse, sumik nerriugutiginago; akkiksase angidlaromârpok tagva, ᴋotsingnerublo ᴋitorngarijomârpâse. Tâpsoma avagingmagit ᴋujalingitut kasêtullo.

36Tamanna pivlugo nâpkinigitse, sôrlo Atâtase nâpkiniktôngmat.

37Pasiklerniarase, tagva pasijaunianginivose. Erᴋartuiniarase, tagva erᴋartortaunianginivose. Issumaᴋarveᴋarungnairitse, tagva issumaᴋarviojungnairivose.

38Tunijititse, tagva tunitjiviojomârivose. Oktûmik tattatomik, nimnitersimajomik, amigangitomik, ulipkitârtomik kinermiligomârpâse. Oktûtipsingnut ôktortaujomârivose.

39Adsiujuniglo oᴋautivait: Tautungitub tautungitok apᴋotâgut tessiorungnarpaûk? Tamarmik itersamut katangniangilâk?

40Ilinniartok ajoᴋertortiminit anginersaungilak; ajoᴋertortimitut-ikune, tâgva nâmaksivok.

41ᴋatangutivît ijingata sukkiutâ sôk takoviûk, ikâk ijingnêtok maluginagô?

42ᴋanorlo ᴋatangutingnut oᴋarungnarᴋêt: Ovatsiaro, ᴋatangutiga, sukkiut ijingnit pêromavara; igvillo nangminek ikâk ijingnêtok malugingipiûk? Takkormôrtotit, ikâk ijingnit pêrᴋâruk; kingorngagut ᴋatangutivît sukkiutâ pêrasuaruk!

43Ajungitomik napârtokangimat, piungitunik paungaᴋartomik; piungitomiglo napârtoᴋanginivok, ajungitunik paungaᴋartomik.

44Napârtut ilûnatik nalonangilat paungamingnit. Paungatannait pêjarniangilait kakilanartunit, paungallônêt katersornianginivait ukpiganit kakilautilingnit.

45Inuk ajungitok ajungitunik sakᴋertitsivok ômatime tattatjutinginit ajungitunit; inuglo piungitoᴋ piungitunik sakᴋertitsivok ômatime tattatjutinginit piungitunit. Omatib tattatjutinginik ᴋanek oᴋajôngovok.

46Sôk Nâlekamik, Nâlekamik taivisingâ, nâlengnagillo oᴋausikkâ?

47Uvamnut pijub oᴋausikkalo tussarlugit nâleklugillo, tâpsoma adsigijanganik ᴋaujititsomavapse.

48Adsigivâ inuk igloliortok; tâpsoma nuna itersaliorlugo illutujomik tungavilerpâ ᴋairtomut. Imerle kutjermat, kôb iglo supivigivâ, aulatjarungnarnagolo, ᴋairtomut tungalermat.

49Tussartuble malingitublo adsigivâ inuk igloliortok, nunamut tungaviktârnago; kôblo akkingmivigidlarmago, iglo tuavidlune ochovok angijomik asserortauvlune.

Currently Selected:

Lukase 6: LIHB08

Highlight

Copy