Salmos 28
28
Salmo 28
Sukan ndakuan‑ta'vi o nuu Su'si ma ja ni ndakone'e ya ja jikan‑ta'vi o ma
1Iya Tátnuni, nuu maa ni jikan‑ta'vi sa,
vaa maa ni kúu kuenda tnu'u in toto núkuiñi vava'a,
te chukan kúu ja kúkanu ini ña'a sa maa ni.
Te máko ya'a nuu ña'a ni,
vaa maa sa chi masu nde ndúnaa ña'a sa,
kovaa nuna ndunaa ña'a ni ma
chi sukan‑nka‑ni ka kuu ñayii ni ka ji'i ma,
sukan‑nka‑ni ko kuu sa.
2Te chukan kúu ja nduu nda'a sa ya ndóne'e sa
ichi nuu iyo veñu'u ii ni a,
te jikan‑ta'vi jikan‑ta'vi sa nuu ni a,
te koniniso'o ni ndaka ja ká'an káchi sa a.
3Máko ki'in ni jin xsia'a ña'a ni
nuu jin xsia'a ni ndaka ñayii ka sa'a ja u'vi ma,
ja ndimaa ja u'vi ma ka ñu'u ini i ja jin sa'a i ma.
Te ndaka ñayii ya'a chi ka ka'an i ja ka iyo mani i
ji'in tna'a i ma,
kovaa masu inundija i ja ka ka'an i ma
chi ndimaa ja u'vi ka ñu'u ini i.
4Te ndaka sukan ka sa'a ka kuu i ma
chi maa ni ndakan kuenda nuu i,
te jin ndani'i jin ndatna'a maa i ndaka ja u'vi ni ka yo sa'a i ma.
Te ndaka sukan ni ka yo sa'a, ni ka yo kuu i ma
chi maa ni sa'a ja jin ndando'o jin ndaneni ndaka i.
5Vaa ñatuu ni ka jito va'a i ndaka ja ni sa'a Iya Tátnuni ma
ji'in nda'a ya ma,
te chukan kúu ja másu ndokani‑ka ya i, su'va xnaa ya i.
6Jayiñu'u kóo nuu Iya Tátnuni ma,
vaa ni yo niniso'o ya ja ni jikan‑ta'vi, ni jikan‑ta'vi sa
nuu ya ma.
7Te maa Iya Tátnuni ma taa tnu'u ndee tnu'u ndatnu,
te maa ya kasi ndee kasi ndoso ja ñatuu na ja u'vi ki tna'a ña'a.
Vaa maa in‑ni ya kúkanu ini ini anua sa ya,
te maa ya ni chindee ña'a.
Te chukan kúu ja iyo sii ini xeen ini anua sa ya,
te sii ini xeen jita sa ndáchiñu'u sa Su'si ma.
8Vaa maa Iya Tátnuni ma kua'a tnu'u ndee tnu'u ndatnu
ñayii ñuu maa ya ma,
te maa ya sa'a ja kaku tee ni kaji ya ma,
vaa maa ya ni sunkoo de ja na tatnuni de,
te ko sa'a de ja va'a ma.
9Iya Tátnuni, sa'a ni ja jin kaku ñayii ñuu maa ni ma,
te kua'a ni ja vii ja va'a ñayii kúu ñuu maa ni a
ja ni kundee ni ni ndani'i ni i, te kuenda maa ni ni ka nduu i.
Te maa ni ko koto vava'a i,
te kua'a ni ja jin kaa jin ko'o i ni‑kani ni‑jika.
Currently Selected:
Salmos 28: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
