Luka 13

Tuubugo malla halkugo

1Saa'i man yimɓe woɗɓe wonɓe ton ngecci Yeesu haala yimɓe Galiili ɓe Pilaatu mbarno nde ɓe ɗonno lii'ano Allah kirseteeɗi. 2Yeesu jaabi ɓe: “On tammi Galiili'en man laatino hakke'en ɓuri Galiili'en woɗɓe ngam sarru man heɓi ɓe na? 3Aa'a, mi ɗon wi'a on, to onon boo on tuubaay, on kalkiran on fuu bana non! 4Malla yimɓe sappo e njoweetato ɓe mahdi suudu aynirdu yibbi dow muuɗum'en haa Silowam, mbari ɓe, on tammi ɓe aybuɓe ɓuri yimɓe Urusaliima woɗɓe fuu na? 5Aa'a mi ɗon wi'a on, to on tuubaay, on kalkiran on fuu bana non!”

Balndol ibbi ki rimataa

6Yeesu wolwani ɓe balndol ngo'ol: “Goɗɗo feere woodi ibbi ki o jubi nder ngesa maako, o wari teɓugo ibbe, ammaa o heɓaay. 7Nden o wi'i aynoowo ngesa: Ndaa duuɓi tati mi ɗon tefa ibbe haa ibbi ki'i, ammaa mi heɓaay. Fe'u ki, ngam ɗume ki ɗon usta semmbe lesdi meere?” 8Aynoowo ngesa wi'i mo: “Jaagorɗo, accu ki fahin hitaande nde'e, mi wasan sera maaki, mi rufan koonal. 9Teema hitaande warannde ki riman, to naa non, a fe'a ki.”

Jamɗitinki debbo jiijiiɗo nyannde siwtorde

10Yeesu ɗonno ekkitina nder suudu dewal Yahuudu'en woɗndu nyannde siwtorde. 11Woodino debbo haa ton, marɗo ginnawol baakin duuɓi sappo e joweetati, ginnawol jiiji mo, o ɗon turi, o waawataa daraago. 12Nde Yeesu yi'i mo, o ewni mo, o wi'i: “Debbo, a yamɗitinaama diga jiija ma.” 13O jo'ini juuɗe maako dow hoore debbo, ɗon nii debbo darti, teddini Allah. 14Ammaa ardiiɗo suudu dewal Yahuudu'en ɓerni ngam jamɗitinki goɗɗo nyannde siwtorde, o wi'i mooɓre: “Nyalɗe joweego fuu ɗon ngam huuwugo, ngare nyalɗe man ngam njamɗiton, ammaa naa nyannde siwtorde#Gurt 20:9-10; TT 5:13-14.!” 15Jawmiraawo jaabi mo: “Naafiki'en! Koo moy mooɗon yoofataa ngaari mum malla wamnde mum diga nyaamnirde nyannde siwtorde, ngam o yarnoya ɗum na? 16Debbo mo danygol Ibrahiima, mo Sayɗaanu haɓɓi duuɓi sappo e joweetati, ɗum haanaay o yoofe diga kaɓɓorgol ngo'ol nyannde siwtorde na?” 17Nde o wolwi bana nii, konne'en maako fuu cemti, ammaa mooɓre fuu seyi ngam kuuje tedduɗe ɗe o waɗi.

Balndol gawel citta

(Matta 13:31-32; Markus 4:30-32)

18Yeesu wi'i fahin: “Bee ɗume laamu Allah nanndi? Bee ɗume nanndinanmi ngu? 19Ngu nanndi bee gawel citta, ngel goɗɗo hoo'i, aawi nder jarne muuɗum, ngel fuɗi, ngel laati lekki, haa colli mbaɗi caɓɓe muuɗum'en dow lice maaki.”

Balndol ufnirɗum

(Matta 13:33)

20Yeesu wi'i fahin: “Bee ɗume nanndinanmi laamu Allah? 21Ngu nanndi bee ufnirɗum ɗum debbo hoo'i, waati nder kuroori ɗuuɗndi, haa kuroori man fuu uufi.”

Dammugal paaɗŋgal

(Matta 7:13-14,21-23)

22Yeesu saali berniiji e gure, o ekkitini nde o ɗon yaha Urusaliima. 23Goɗɗo wi'i mo: “Jawmiraawo, yimɓe seɗɗa tan kisata na?” O jaabi: 24“Tiiɗe nastirgo dammugal paaɗŋgal. Mi ɗon wi'a on: Ɗuuɗɓe ngiɗi nastugo, ammaa ɓe mbaawataa.

25To jawmu saare ummake, maɓɓi dammugal, onon boo on lutti haa yaasi, on puɗɗan tappugo dammugal, on mbi'an: Jaagorɗo, maɓɓitanan min! O jaaboto on: Mi anndaa toy iwɗon. 26Nden on puɗɗan wi'ugo: Min nyaami, min njari yeeso maaɗa, a ekkitini dow laabi amin! 27Ammaa o jaaboto on: Ndille, mi anndaa toy iwɗon, onon waɗooɓe halleende#Jab 6:9.! 28On mboyan, on kirƴindiran nyii'e haa ton, yaake on ngi'ata Ibrahiima, Isiyaaku e Yaakubu bee annabi'en fuu nder laamu Allah e onon boo on ngudinaama yaasi#Mat 22:13; 25:30.. 29Yimɓe ngaran diga fuunaaŋge e hiirnaaŋge, woyla#13:29 Woyla malla soɓɓiire e fombina#13:29 Fombina malla hoore-huɗo., ɓe njooɗoto nder laamu Allah ngam ɓe nyaama#Mat 8:11-12.. 30Nden kadi yimɓe aartuɓe cakkititto e sakkitiiɓe boo aartoto#Mat 19:30; 20:16; Mk 10:31..”

Yeesu yurmini Urusaliima

(Matta 23:37-39)

31Wakkati man nden, Farisa'en woɗɓe ngari, mbi'i Yeesu: “Dillu diga ɗo, ngam Hirudus yiɗi mbarugo ma!” 32Yeesu wi'i ɓe: “Njehe, mbi'e doldolnde#13:32 Doldolnde ɗum jammoore ngam goɗɗo leesɗo, ƴoyɗo. man, ndaa: Mi ɗon riiwa ruuhuuji coɓɗi, mi ɗon yamɗitina nyawɓe, hannde e jaŋngo, nyannde tataɓre boo ɗum timmoode kuugal am. 33Ammaa sey mi tokkita laawol am hannde, jaŋngo e faɓɓijaŋngo, ngam haanaay annabiijo maaya yaasi Urusaliima.

34Urusaliima! Urusaliima! A mbari annabi'en, a fiɗi nelaaɓe ɓe Allah neli haa ma bee kaa'e. Nde ɗuuɗɗum mi yiɗino mooɓtugo yimɓe ma, bana no gertogal mooɓtirta ɓikkoy mum les bileeji mum, ammaa on cali. 35Ndaa, suudu mooɗon laatoto wudinaandu. Ammaa mi ɗon wi'a on: On ngi'ataa yam ɓaawoɗon haa saa'i on mbi'ata: Barka laatano garanɗo bee innde Jawmiraawo#Jab 118:26.!”

Currently Selected:

Luka 13: FBDC

Highlight

Copy