Mark 5

1A ta ndika a wud woyam mbia'a, a kokwar GaƋara. 2Aman Yèsu a mshkè auda te wurom, a nasa nasa ta zlü gèƋ a ndo ngiƋè man mèzhèɓ ambaɓia'a a ga na. 3Nenga'a a mshkè auda a sam gi dzavihai. Ndo azɓai, man a slaha a ndzawa'a, ko a teɓa züdo. 4A sam ngiƋè, ndzawa'a a teɓa züdo te sak; a nenga'a a ruhda teɓa züdo aussa, a ngesla teɓa züdo te sak, ndo azɓai man a slaha a ngshè'a.

5Nenga'a a njèkeda sam gi dzavi ɓai, a vaƋ a pats a zhè te za, a tsi lalau, a kèlƋè va na a kwa. 6A nrka Yèsu dra, a nhakaƋai, a nkalahai a deɓ sak nenga'a, 7a ntsu lalau, a ngaƋa:

Nga gakaƋa a ka mè, Yèsu! Ka, kra Zhiklè te géƋè'a! I mbaƋa ka a nzlembaƋ Zhiklè, ka gay matakwan ɓai!

8Aman Yèsu a ngaƋa na:

Mèzhèɓ ambaɓia'a, do auda te ndo haha!

9A ndzhoƋo:

NzlembaƋ ngay wa?

10A nenga'a a ngaƌa na:

Nzlembaƌ ga rèƋèƋè'a, aman nga kumba.

A ntsu ria'a a vata:

Kam, kam, ka dzam nga auda a haha ɓai!

11Aman a der za rèwè wodalahi a zhè a ta ndi mandai. 12A madzagihai sa tèlèba ta gaƋa na:

Pre nga a va wodalahi ahngata, a nga Ƌè a va tenga'a.

13A Yèsu a mpre ta. Tsam tsam mèzhèɓhi ambaɓihia'a ta shkè auda, a to do a va wodalahai, a wodalahi ta wush ta a iyam mbia'a. Wodalahi a gi 2.000, tèlè ta bazl ta a iyam mbia'a.

14Ndohi mɓer ta ta hu ta, a to do a kokwar, a ta ngreda ta ma'a. A ma'a a ntsena a ngwai te kokwar mbia'a, a kokwar nkèshèa, a ndohi to do, a ta rka skwia'a. 15Ta shkè a tsagi Yèsu, a ta rka ndo man a matsa madzagi a ga na, a n'nza'a, maslaka a va, a maya te gèƋ; a zlau a ndza ta.

16A tengahi man ta rka skwi man a ga na ndo madzagi sa, a ma wodalahai, ta ngreda ta ndohi ngiƋè man ta shkè. 17Te deɓa'a ta hüno a ta dzhoƋo, aman Yèsu a jcka ta kokwar ta. 18Aman a mdo a wurom, nenga'a man a matsa madzagi a ga na, a ndzhoƋo, a woya man a ta nzi a vna. 19A Yèsu a mva na civèƋ ɓai, aman a ngaƋa na:

Do a gi ngaya, a sam gwoli ngaya, a ka gaƋa ta ma tèlèba, man Bi Zhiklè a ga ka, ara man ka su te va.

20A ndo na, a hüno man a njè ta te kokwar Décapole skwi tèlè man Yèsu a ga na. Tèlèba ta rzl ta. 21A Yèsu a m'men na a deɓa a wud woyam ngiƌè a wurom. Te pa ndohi rèƋèƋè'a ta ɓücko va a tsagi nenga'a. 22Nenga'a a ma iyam. Na haha, bi ngiƋè staƋ te gi njèngè ma Zhiklè a mshkè, nzlembaƋ na Jairus. Aman a rka'a, a nkalahi a deɓ sak Yèsu, 23a ntsu ria'a a vata, a ngaƋa:

Dem ga nkèshèa a woy m'metsai. Washkè, a ka fa na ri ngaya a gèƋ, aman a mbél na, a nzi a nshèffè.

24A nda Yèsu a to do a vna. A ndohi rèƋèƋèa ta dzodzora, ta ndéƋècè'a. 25A ngwoz ngiƋè a zhè, hwaƋ a va, mvi 12. 26Ndohi madzaf ta ga na matakwan kumba, a n'ndeva skwi nenga'a tèlèba, n'nga na dara ɓai, a nherdaha holhola'a. 27Aman a ntsena labar ma Yèsu, a mshkè te deɓa, a n'ndo a ndev ndohi rèƋèƋè'a, a nlama na maslaka nenga'a, 28aman a gaƋa:

Ko man i da lama na maslaka na genè ba, i mbél ga.

29A nasa riasa sam man pombaz a hakaƋauda, a ngwor na, a nenga'a a sun te va na, m'mbela ma te matakwan nenga'a. 30Tsam tsam Yèsu a sun te ndav na, wuƋi kètè kala auda te va nenga'a. A n'ngwode va na a deɓa te ndev ndohi rèƋèƋèa, a ngaƋa:

Nlama na maslaka ga wa?

31Golahi nenga'a ta gaƋa na:

Ka rka ndohi rèƋèƋèa, man ta ndeƋats ka, a ka gaƋa: Nlamay wa?

32A Yèsu a nturƋo va, a wère'a, aman a nrka nenga'a man a gu arsa. 33A ngwoz a ngu zlau, a ngudzau, a sun skwi man a gu te va na. A mshkè, a nkalahi a deɓ sak nenga'a, a ngaƋa na ma zura'a tèlèba. 34Aman Yèsu a ngaƋa na:

Dem ga, ncè-a-ndav ngaya a m'mbel ka ma. Do a gumai! Ka mbela ma!

35Aman a gèƋe dai, ndohi te gi bi gi njèngè ma Zhiklè ta shkè ta gaƋa:

Dem ngaya m'mets na ma. Ka gedka na matakwan a ndo njèngè ma èhèmè?

36Aman Y'èsu, ara man a tsena ɓai, a ngaƋa na bi gi njèngè ma Zhiklè:

Ka gu zlau ɓai, co a ndav genè!

37A mva na civèƋ a ndo ɓai, sèi a Pierre a Jacques a Jean, kramam Jacques, man ta Ƌè a vna. A ta ndika a gi bi gi njèngè ma Zhiklè. 38Te pa, Yèsu a nrka ndohi rèƋèƋèa ta rubai, a ndohi ta kuƋai, a ta tsi lalau. 39A mdo a pa, a ngaƋa ta:

Kin hèzlèwè ar haha èhèmè, kin kuƋ mè? Dema'a m'metsa ɓai, aman a nzhun genè.

40A ta ngwossaha. Te deɓa'a, aman a ndzarka ta tèlèba auda ma, a nda bab a mam dema'a, a ndohi man ta shkè a nda nenga'a, to do a gai, man dema'a te pa. 41A ngso ria'a, a ngaƌa na:

Talitha koumi!

ara ngèƌè:

Bidalai, i gaƋa ka, slambaƋa!

42A nasa nasa dem sa a nslambaƋa, a nƋè. Mvi nenga'a 12. A ta rzl ta kurzla'a. 43A Yèsu a mfa ta ma a gèƋ: Ndo da sun skwi haha ɓai! A ngaƋa ta, aman ta va na skwi n'ndai a dema'a.

Currently Selected:

Mark 5: MAFNT

Highlight

Copy