Mark 6

1A Yèsu a mdo na auda te pa, a mdo a kokwar bab na. A golahi nenga'a ta dzodzora.

2A pats nshèk va, a mdo, a hüno a nsenda ta te gi njèngè ma Zhiklè. Ndohi kumba man ta tsena'a, ta rzl ta, a ta gaƋa:

A n'ngotsko ma haha tema? Maya haha a n'ngotsko tema? A gi nrkedi ar haha èhèmè?

3Nenga'a ndo mbèzl wof, kra Marie, kramam Jacques a Joses a Jude a Simon ka ɓi Ƌè?

Demamhi nenga'a ta a sam nga ka ɓi Ƌè?

A skwi haha a nslafaƋama ta sak. 4A Yèsu a ngaƋa ta:

Ta slébèrƋè ndo nhadka ma, aman te kokwar bab na ka ɓai. A sam gwoli na, te gi nenga'a tèlèba, ta slèbèrƋè'a azɓai.

5A nga nrkedi ɓai te pa, sèi a mfa ta ri a gèƌ ndohi matakwan kètè, a m'mbel ta. 6A Yèsu a nrzl na, a gèƌ man ta ca a ndav ɓai. A ndo a kokwar, a kokwar, t'hwaƌ kokwar, t'hwaƌ kokwar, a nsenda ta ndohai.

7Te deɓa'a a mbaba ta golahi na 12, a hüno a nzlinde ta, cèw, cèw, a mva ta wuƋai á géƋ mèzhèɓhi ambaɓihia'a. 8A mfa ta ma a gèƋ, aman ta hil skwa a ri a nshèwèlè azɓai, sèi gaƋa staƌ. Da ceda movar a ri ɓai, gozhèm ka ɓai, suli ka ɓai, 9maslaka cèw a va ka ɓai, aman vapeda kotokoroh a sak. 10A ngaƌa ta:

Gi staƌ staƌ man kin Ƌè a pa, vanza a pa, ha pats man kin Ƌè kinè za'a. 11Aman a sam ngiƌè ndohi ta ce kinè azɓai, aman ta tsena ma kinè ɓai, vodo kinè, vatassa lokotor a sak kinè! Aman skwi haha a gi a skwi malwuƌai a sam tenga'a.

12A to do, a ta njè ta ma Zhiklè, aman ndohi ta ngwèƋè ndav ta. 13Ta dzor madzagihi kumba, a ta faƋa ta mbar a gèƋ a ndohi matakwan kumba, a ta mbel ta. 14Bi Hérode a ntsena labar ma Yèsu aman nzlembaƋ henga'a kala a géƋè a gèƋ, a ngaƋa:

Jean Baptiste a nslambaƌkaƌna te va ndohi m'metsa'a, a géƌ nenga'a a gi nrkedi arsa.

15Ndohi ngiƋè ta gaƋa:

Nasa Elie.

Ndohi ngiƋè ta gaƋa:

Nasa ndo nhadka ma ngiƋè.

16Aman Hérode a ntsena'a, a ngaƋa:

Nasa Jean, man i ngelama na gèƋ. Nasa nenga'a man a slambaƋkaƋauda.

17Aman Hérode, nenga'a man a ngso Jean, a ndzawa'a a mfèda a gi dangai, a géƋ Hérodias, ngwoz Philippe, kramam na, man Hérode a mco. 18Aman Jean a ngaƋa na:

Ambaɓai, aman ka co ngwoz kramam ngaya.

19A Hérodias a ngu ndav a géƌ Jean, a woya man a nkeƌa'a. Aman a slaha ɓai. 20Hérode a gi zlau Jean, a suna, Jean ndo nzura'a, ndo nkezla'a. A Hérode a berè'a. Aman a ntsena ma nenga'a, a sun skwi man a gia ɓai, ma Jean ambaba a vata.

21A pats ngiƋè, aman Hérode a hur nyi nenga'a, a ngu skwi n'ndi ngolala a ndohi nenga'a mbibihia'a, a bihi ndohi var, a ndohi mbibihia'a te Galilée. 22A dem Hérodias a mdo na gai, a ngu wai, ambaba Hérode a ndohi ngolala nenga'a. A bai a ngaƋa na dam:

DzhoƋo te ri ga skwi tèlèba man ka woya'a, a i da va ka!

23A ngoƋ a va'a a mbèƋè:

Skwi tèlèba man ka dzhoƋo, i da va ka, ko rèta kokwar-Bi ga.

24Mshkè na auda, dam a ngaƋa na mam na:

I jhèƋè mè?

Mamna a ngaƋa na:

GèƋ Jean Baptiste!

25A dema'a a nvosso va a gai a sam bai, a ndzhoƋo arsa:

I woy a ka vay gèƋ Jean Baptiste a kèlèhèrantanta.

26A ndav bai m'mbeƋ na. Aman a géƋ ma m'mbèƋè nenga'a, a gèƋ ndohi ngolala, a slaha man a ngèƋè ɓai: I vi azɓai. 27A nasa nasa a nzlündo soje nenga'a staƋ, aman da ckoƋi gèƋ Jean Baptiste.

28A nenga'a a mdo a n'ngulkoƌi gèƌ Jean te gi dangai, a mfokoƋa a kèlèhèr, a mva na dem matsa, a nenga'a a mva na mam na. 29A golahi Jean, aman ta tsena'a, ta shkè, a ta zuɓ nckondo nenga'a, a ta ra'a. 30A ndohi sak Yèsu, man ta ɓicko va a sam na, ta ngreda na ma tèlèba, skwi man ta gau, a ma man ta njè ta ndohai. 31A Yèsu a ngaƋa ta:

Vowashkè, ngodokoya, aman nga nzi a géƋ nga; vosok va kètè!

Aman a haha ndohi ngiƋè ta shkè, ndohi ngiƋè ta shkè kumba, a ta ngatsa ri a n'ndi skwi ɓai. 32A to do ta a wurom, a ta woy a ta nzi a géƋ ta.

33Ndohi kumba a ta rka ta, aman ta Ƌè ta, a ta sen ta. Te kokwar tèlèba ta hakaƋi mènè, a ta ha ta a ma, a sam man ta woy a ta Ƌè a pa. 34Aman Yèsu a mshkè auda te wurom, a nrka ndohi rèƋèƋè'a, ta sia te va, aman ta ara tambakihai, man ta ngatsa ndo mɓer ta ɓai. A hüno man a senda ta skwi kumba. 35Aman a pats dakwaƋ, golahi nenga'a ta do a sam na, a ta gaƌa na:

A haha hèshèkèd, pats nkala. 36Zlinde ta a deɓa, aman ta Ƌè a kokwar, a ta shum skwi n'ndai.

37Yèsu a m'mbeƋa ta a ma:

Vava ta skwi n'ndi te ri kinè!

Aman ta gaƋa na:

Nga Ƌè a nga shum movar a suli 2.000, a nga va ta skwi n'ndi Ƌè?

38A nenga'a a ngaƋa ta:

Movar te ri kinè ngama? Vodo a kin wora!

A ta dzhoƋo, a ta menda na:

Zlam, a klèf cèw.

39Te deɓa'a a ngaƋa ta, aman ta Ƌaha va, a ta nzahi a kuza. 40A ta nzahai, ta Ƌaha va, ngiƋè 100, ngiƋè 50. 41A Yèsu a nhul movar zlam a klèf cèw, a mpu di a Zhiklè, a mpshè na ma. Te deɓa'a a ntsaka movar, a mva ta golahi nenga'a, aman ta kezla ta tèlèba. A nkezla ta klèf cèw a ndohi tèlèba.

42Tèlèba ta ndau, a ta ngeza'a. 43A ta hul njèkèƌi movar a njèkèƌi klèf, gaƋagar 12, n'ndha'a. 44Ndohi man ta ndau movar, ngurhi 5.000. 45Tsam tsam te deɓa, Yèsu a mvas ta golahi nenga'a a wurom, aman ta Ƌè a ma nenga'a, a wud woyam, a civèƋ Bethsaida. A nenga'a a nzlinde ta ndohi rèƋèƋèa a deɓa. 46Aman a njèke ta, a mdo na za, aman a tsi rai.

47A dakwaƋ man pats nkala ma, wurom a zhè te ndev woyam mbia'a, a Yèsu te za a géƋ na. 48A nrka aman ta wurr iyam a wuƋai, a kozlar a erƋeka ta a deɓa. Te man a prèk vaƋ a mdo a sam tenga'a, a mdo a géƌ iyam, a woya a ngel ta a pa. 49Aman ta rka'a, a Ƌè a gèƌ iyam, ta huro, ta rka mèzhèɓ skwi ngiƋè, a ta tsu lalau. 50Ta tèlèba ta rka'a, a ta gu zlau. Tsam tsam Yèsu a ngaƋa ta:

Vamana ndav kinè, iyè, kin gu zlau ɓai!

51Te deɓa'a a ndo a sam ta a wurom, a kozlar a njèkeda. Ta rzl ta, a ta huro a vata, 52aman ta sun nrkedi movar matsa ɓai, ndav ta ngwora. 53Aman ta ndika a wud woyam mbia'a, ta shkè a kokwar Génésareth.

54Aman ta jèkeda wurom ma, ndohi ta sun Yèsu langa, 55A ta hakaƌai t'hwaƌ kokwar tèlèba, a ta hüno a ta hulkoƌi ndohi matakwan a sam m'mènè ta, a sam tèlèba man ta tsena'a, man na pa. 56Ko ahngwa ahngwa, man na pa, te kokwar nkèshè'a, te kokwar mbia'a, te dak, ta hulkoƌi ndohi matakwan, a ta pe ta a luma, a ta tsu ria'a, aman a va ta civèƌ, a ta lama na ko ma maslaka na gen ba. A ko wawa man a lama na, a m'mbel na.

Currently Selected:

Mark 6: MAFNT

Highlight

Copy