LAMPULAN 1
1
Yaha Üjao Janpu
1 #
Lk 1.1-4. Üwangpa laitep me, O Theophilus, Jesuwe lingne hüyange nyüone ipu üshei taowe nyan; 2I wangte inpu nyih manngoi manngoi, Iye leye ngaipu lampulante Yaha Üjao kaiye ngaokeng pha. 3I shang pong phei me iman tangte nyih deli ngoiye üyin me ngaiye, Iye Kahwang Ahngching jeng ngaowe, saki maawe phawe yoi nying nyingke imante ngai-e hüo. 4#Lk 24.49.Hüyange iman phei jamme jemme ngohwante, Iye imante ngaokeng phawe i, “Jerusalem mepu tahtai, hüyangpoi Üpawe janpu (hünghao) hanghe numan-e ü-mepu jai, hatüo jingne tanne ngohkei. 5Hangjingne Johnne yengme baptitam, hüyangpoi nyih meiyange yengohpe numan Yaha Üjao me baptilak.”
Jesu Wangdangte Ongpu
6Aope lampulan Jesu phei jamme jem iman-e Ite tong, “Youngwanpa, nange Israelte ahngchinga sha-a pu hipak me nishe phatamlak jeya?” 7Iye imante i, “Hanghepa juwan Üpawe yoi üngan me angnang, tüoyin numan-e shinglak wongpongne yeje. 8#Lk 24.48-49.Hüyangpoi aope Yaha Üjao numan tangte peilakeih numan-e üngan yahlak; hüyange Jerusalem me, hüyange Judea hei Samaria üshei me, hüyange kahtoknyu üküm ngoiye numan ü-saki ne menglak.” 9#Lk 24.50-53.Iye tüolan ngaoyang phei me, iman-e leiye ngohwante, I woi in, hüyange iman mük mepu I wangphomme büange yah.
10Aope iman-e yelakpe I ongpute wangyete nganne lei ngoh, leihu, inkhek-üheng inyange kahta ni iman shongme yong; 11hüyange iman-e i, “Galilee kahtalan, numan-e hangne wangyete nganne yongpu shi? Hatüo Jesu, ao numan mepu wangdang te woi in, numan-e hangke I wangte onge nge, hatüo kih muh I yukülak.”
Judas Nanlei Matthias Le
12Tüophei me Olive she nyikpu kahtang mepu iman Jerusalem te ye; hatüo kahtang Jerusalem phei owe, Sabbath me kemjangpu lam ne hei ngoh. 13#Mt 10.2-4; Mk 3.16-19; Lk 6.14-16.Aope iman Jerusalem ngoi, iman ngohjing ütangpa tüp te iman Peter, John, Jeams hüyange Andrew, Philip hüyange Thomas, Bartholomeo hüyange Mattheu, Alphaeus üha Jeams, Zealot Simon, hüyange Jeams üha Judas ong. 14Iman üshei shekolan phei, hüyange Jesu ünyu Mary, hüyange Inaolan phei, mongja ne sheiyange yoppu me yeonge wongnange yelakpe ngoh.
15Tüopa nyih hei hipak me jeiheinaolan yo me Peter yong (jemme ngohpu ükhong ghoja phei me da jaju ngohyangki), hüyange i, 16#Mt 27.3-10.“Jeiheinaolan, aowe Jesu phopalan te lam hüo, hatüo Judas jeng hanghe Yaha Üjaowe üshong memuh David juwe ngao, hatüo ngaolai ütahte ngailak wongpong ne ngoh yangki. 17Hangjingne I teman yo me ja ne i, hüyange hatüo shaoshanpu me Iye yoi meitam yah.” 18(Sha-a hatüo kahtawe yoi ünu toi ümeeye kahtok ja shak; hüyange shangme shonge yeita, seanyu shüohngai, hüyange üyei ümong üshei shüoh ngai. 19Jerusalem me ngohpulan üsheiye hatüo shinge pei, tüokhei hatüo kahtokte iman ngao me Akeldama she nyik, leppu “Iy Kahtok”.) 20#Tüo 69.25; 109.8.Hangjingne Tüowelaihem laitep me hatüo nyanne ngohnang.
“I ngohjing nuwe wintüoh, hüyange hatüo me ao-o ngohne tahtam; hüyange I toishao mihte yahne tamtüoh.” 21“Tüokhei teman yomepu kahta ja ao Youngwanpa Jesu teman mepu tai hüyange ye-e ngohpu üshei me teman phei omme ngoh, 22Johnne baptipu mepu I teman mepu mantaipu nyih ngoiye tüolan kahta yo mepu ja teman phei I yange yepu saki phapa ne menglak yang.”
23Hüyange iman-e Barsabbas she nyikpu Joseph (Ite Justus she-o nyiknang) hüyange Matthias ni leye ngai. 24Hüyange iman-e yoppe i, “Youngwanpa, aowe kahta lili mongjang shing, hatüo ni yo mepu nange ao le tomante hüopha; 25hatüo shaoshanpu toime meitam yahlak jingne hüyange Judaswe Ite nyingyangpu toite leih yelak jingne tüohyangpu lampu toishao.” 26Tüophei me iman-e imni jingne phongyeng,#Phongyeng: Lai me min nyanyange, Kahwangte yopyange ja toonpu, ao toon tüopa Kahwange mongpu ne meng. hüyange phongyengpu Matthias te hüt, hüyange I lampulan penme ja phei om.
Currently Selected:
LAMPULAN 1: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
