LAMPULAN Süowang
Süowang
Lampulan Toishao wa Pungao Ümei Luk yelakpe taipu ngohnang. Tüopa tepu ükengnyuwa hangke Jesu pheite üwangne woipalante Yaha Üjaowe woipu phei I jeng pungao ümei Jerusalem me, Judea hei Samaria üshei me, hüyange kahtoknyu üküm ngoiye (1.8) ponge yanne tam tüopa ilak jingne nyan. Hatüowa Jewish kahtalan yo me ükong wang hüyange kahtoknyu nopu jingne ütinglakpu ükong wange tai.
Lamputoi -a meitam lümne tamyange nyoijing jalunne taipu Jesu jeng Pungao Ümei ponge tampu hüyange bumeinok ükong wange taipulan ngenang.
(1) Jesu wangte ongphei me Jerusalemme khristanlan taishenge wangpu; (2) Palestine ülao nyoilante jalunpu, hüyange (3) Mediterranean kahtoknyu te Rome ngoiye sheyong she jalunpu.
Lamputoi me ükengnyu ne lingeyahpuwa Yaha Üjao toishao denga nyih me Jerusalem me mengpalan tangme üngan phei aope pei hüyange tüopa laitep me ngaipu shemin lamphe me yelakpe bumeinok hüyange tüopa mepu woipalan wongnangne tamme woipu ngenang. Üwangne ngohpu khristanlan ngaolan-a üken phe me konnyüopu nyanne angpu me, hüyange tüopa konnyüopu üngan wonga üwangne mengpalan üyin me hüyange bumeinoklan phei shüppe jempu me lampu toiye hüonang.
Ngohpulan Ükengnyu
Saki jingne tümtapu 1.1-26
(a) Jesu ükümpa ngaokeng hüyange janpu 1.1-14
(b) Judas nanleipa 1.15-26
Jerusalem me saki phapu 2.1—8.3
Judea hei Samaria me saki phapu 8.4—12.25
Paul toishao 13.1—28.31
(a) Üwangpa missionary yintaipu 13.1—14.28
(b) Jerusalem me taisho ne jempu 15.1-35
(c) Nishepupa missionary yintaipu 15.36—18.22
(d) Lümshepupa missionary yintaipu 18.23—21.16
(e) Jerusalem me, Kaisarea me, hüyange Rome me Paul phowe angpa ne 21.17—28.31
Currently Selected:
LAMPULAN Süowang: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.