ROME 12
12
Kahwangpa Shaoshanpume Üyin
1 #
Rom 6.13,16,19; 1 Pet 2.5. Tüokhei, jeiheinaolan, numan-e yoi püm üyin toidopu ja, üjao hüyange yah oklakne dotüoh she, taowe Kahwang shüpshe kaiye numante hengnang. Tüopa-a numan yahame yoppe khümpu ngohnang. 2#1 Jn 2.15; Eph 4.23; 5.10.Tüopa jin wanglamke tahngoh, hüpoi ümei, yah oklakpa hüyange wangngoipu Kahwang mongpu wanglamke hanghe hatüo tokke shinglak jingne, numan kenmong üla ne mengpu kaiye numan leijei ne tamtüoh.
3Hangjingne shuwe teihyangpu tokte yoi ünyei daowe yonge tahtei, hüpoi Kahwange kahta lilite hanghe meitamme ütinglakpu pha, hatüo phei phinne yoi jeng nünne teihyah she, taowe üte phapu shüpshe kaiye numan yo me kahta pümlep ipute inang. 4#1 Kor 12.12-14; Eph 4.4,16.Hangjingne hangke püm ja me ümük maawe ngohnang, hüyange ümük üshei lingyahpu ja shaha ne yeje, 5#1 Kor 10.17; 12.20,27; Eph 4.25.hüke teman maawe ngohyapoi, teman Khrista me püm ja ngohnang, hüyange kahta liliye jawe japhei ümük japongne menge ngohnang. 6#1 Kor 7.7; 12.4-11; 1 Pet 4.10-11.Temante phapu shüpshe phei phinne hünghao yoi yoi ne menge, hipa hünghao ne mengma-a, teman-e ütinglakpu phei phinne hi-ngao ngaotüoh; 7Yejema-a shaoshanlak hünghao ne mengma-a, teman-e shaoshanpu me phünne phahah; yejema-a aowe nyüonang Iye nyüotüoh; 8yejema-a aowe henglakne ngoh, Iye hengpu phatüoh; aowe mongonge pha, Iye mongong monglepu phei phatüoh, aowe wanglam lamnang Iye yak yengaipe wanglam lamtüoh; aowe yayeng shüpshe hüo Iye mongmei sheiye hüotüoh.
Ütingpa Khristan Wanglam
9Khakwangpu me teiken yah. Hanghe ümeng tüote nuyah; hanghe ümeipa ngoh tüopa tükyah. 10Jeiheinao teikenpu me yeonge meiye teikenyah; wangshüm hüopume jawe ja sheyongpu she teihyah. 11Ngange lingtüoh, hüyange jookpa ne tahmeng. Yaha me lahnyikpu phei; Youngwanpa shaoshan-e ngohyah; 12#Lam 1.14; Rom 5.2; 1 Thes 5.17.monghümpu me mongong tüoh; shanghah shaoshiwante nün oktüoh; yoppu me yelakpe mongjüonge ngohtüoh. 13Üjaopalan wongpong me phatüoh; yinpate yayeng hüotüoh.
14 #
Mt 5.44; Lk 6.28. Numan shangne tampalante moimantamtüoh, moimantüoh hüyange imante tahphoi. 15Aoyin hoongli mongong iman phei hoongli mongmei tüoh; hüyange aoyin shapnang iman phei shaptüoh. 16#Rom 11.25; 15.5; 1 Kor 1.10; 2 Kor 13.11; Phi 2.2; 4.2; Det 3.7; 26.12.Numan jawe japhei kenmong ja ne ngoh yah. Kheyonglak toijeng tahteih, hüpoi innenyaipu kahtalan phei pangyah. “Numan nying nyingke deitahpa she tahteih.” 17#Det 20.22; 2 Kor 8.21; 1 Thes 5.15.Aote-o ümeng nanleiye ümeng tah pha. Kahta üshei phei hanghe ngaoting ngoh, tüopa linglak jingne juteih angyah. 18#Mk 9.50; Rom 14.19.Okma-a nanga kahta üshei phei chingmei me ngohtüoh. 19#Lev 19.18; Hin 32.35; Heb 10.30.Jeiheinaolan, numan nying nyingke phuh tah-hah; hüpoi Kahwang mongshih ngaipu tanne ngohtüoh, hangjingne hüke nyanne ngohnang; “Phuh hahpuwa üjing; taowe leih phalak.” 20#Det 25.21-22; Mt 5.44; Lk 6.27.Hüleima-a, “Nang wepa seanyao ma-a, uhtamtüoh; yenglema-a, yingne tamtüoh. Hangjingne tüo lingwante nange I shangtang me vünloong ngohpu vünhan moijem nang.” 21Ümenge okne tahtam, hüpoi ümeipawe ümeng okne tamtüoh.
Currently Selected:
ROME 12: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
