ROME 11
11
Israel Tangme Kahwang Shüpshe
1 #
1 Sam 12.22; Jer 31.37; 33.24-26; 2 Kor 11.22; Phi 3.5. Hümma-a taowe tong, Kahwange yoi kahta yeyahpu a? Hüke aope-o yeje! Hangjingne tao-o Abraham üli, Benjamin nokphong mepu Israellan ja ngohnang. 2#Tüo 94.14; 1 Ahng 19.10.Iye üwangne muh leyangpu kahta Kahwange yewinja. Laingaowe hanghe i, Elijahwe Israel phei tüi-e Kahwangte tongpu jeng nyanpu nange shingya? 3“Youngwanpa, iman-e nangjing hipalan toiyangki, iman-e nangjing wümjonglan pheckke mengyangki, hüyange ü-shaha, towe ngohnang; hüyange iman-e ü-üyin-o yamnang!” 4#1 Ahng 19.18.Hüyangpoi Kahwang mepu Ite hangke janpu shi? “Taowe üjingne Baal shaome ümme yekhümpu haja nyit towe angnang.” 5#2 Ahng 19.4; Isa 11.11; Rom 9.27.Hüke muh sha-apu hipak me-o shüpsheye leyahpu phei shuwe jetohapulan Kahwange towe ngohnang. 6#Rom 4.4.Iye lepuwa shüpshe me yafün lingnang; iman-e hanghe lingyangki tüopa me yeje. Hangjingne Kahwangpawe kahtawe hanghe ling tüopa me yafün yange lepu ne mengma-a, hümma-a shüpshe-a ütingpa shüpshe ne yeje.
7 #
Rom 9.18,31; 11.25. Hüma-a hanghe? Israel-e hanghe yam hatüo yetüo, hüpoi leyangpu lanne hatüo tüo, hüyange topulan mongjang wanne tam; 8#Isa 29.10; Hin 29.4; Mt 13.13-14.hüke nyanne ngohnang:
“Kahwange imante ye-innyaipu yaha,
ye-ngelak mük hüyange yejailak na pha,
hüyange tenyih ngoiye hüke ngohnang.”
9 #
Tüo 69.22-23. Hüyange David-e inang,
“Iman-e hahpu mo iman jingne tün hüyange jhom,
iman yeita shih, hüyange imante shaoshi yateng tamshih!
10Iman-e ye-nge oklakne iman jing mük pomtam shih,
hüyange iman shangpuwe jinte iman tok kokne tam tüoh.”
Yinhulan Yinyepu
11 #
Rom 10.19; 11.14. Tüokhei, taowe tong, mahtam ne iman yashah hüopu a? Hüke aope-o yeje! Hüpoi iman-e ünu ompu jingne iman-e müktakke tamlak jingne yinhulan tangte yinyepu pei. 12Sha-a Israel lanne ünu ompu jingne kahtoknyu jingne hak-hepu yah peipu ne mengma-a, hüyange yaha me iman ye-okpu ngepuwe Yinhulan haklak moiman peitampu ne mengma-a; hümma-a aope Israel khongkümpu omteki she ilakei, moiman hangshin yonglak!
13 #
Lam 9.15. Sha-a numan yinhulante taowe ngaonang. Yinhulan tangte tao teshinne lampune menge, taowe ü-shao shanpu müktishiwa tam. 14#Rom 10.19; 11.11; 1 Kor 9.22.Üpheipu Jehudilanne müktakke tamlak jingne, hüyange tüowe iman ütam yinlak jingne, 15#Lk 15.24,32.hangjingne iman-e yeyahpute leppuwa kahtoknyu phei mongkenhahjiengpu ne mengma-a, iman-e yahpute leppuwa lipu mepu üyin ne mengpu tokte kaiye hanghe ngohlak? 16Üwangpa pelick ü-oun Kahwangte phapune mengma-a, ülao khongkümpu hüke I jing ngohnang: hüyange pee yalahlan Kahwangte dopu ne mengma-a üquilan-o hüke I jing ngohnang.
17Hüyangpoi üqui ütam phakke mengma-a, hüyange nang phao mepu olive peequi ne menge, iman nyoi me nyimyange hüyange iman phei olive pee yalah üyao yahpalan phei om ma-a, hümma-a nang üqui me yonglüowe tahngoh. 18Hüyangpoi nange yongelüoma-a teihtüoyah, üya-a nange püotükpu ne yeje, hüpoi üyawe nangte püotük nang. 19Hüyange nange ine ok. “Tao nyimlak jingne üquilan phakke meng.” 20#2 Kor 1.24.Tüowa üting, iman ütinglakpu yenangpu nanjingne iman phakke meng, hüpoi nanga, nang ütinglakpuwe yongyange ngohnang. 21Tüokhei mongyonge tahngoh, hüpoi nyamme ngohyah: hangjingne Kahwange ütingpa üquilante nehoi yetünma-a numante-o Iye yetünlak. 22Tüokhei Kahwang nyoingoh ümei hüyange mengshipu te leiyah: aoyin lanmah nang iman yete meang sheshi, hüpoi nange Kahwang nyoingoh ümei me yelakpe ngohma-a, nang yekaote I yayeng shüpshelak. Yejema-a nango lange winlak. 23Hüyange Jehudilanne iman-e üting yelak okpu mepu yanma-a, iman-e ümeken me ngohyangki, tüoken nyoi me iman yenetamlak. Hangjingne iman nishe nyimtamlak Kahwang me ünganwong ngoh nang. 24Numan yinhulan-a, phao olive peequi phakke taiteiye ngoh, tüophei me püowetüklak ne wanpu, püowetükke jongpu olive pee me hüppe tampu lenang. Jehudilan-a püowetükke jongpu pee kih-e, hüyange tüopa phakke tai ngohpu pequilan-a yoipe memuh hüppe tamlak Kahwang jingne-o she-o-lak.
Israel Khongkümpu Yinlak
25 #
1 Kor 2.7-10; Eph 3.3-5,9; Rom 9.18; 11.7; Lk 21.24. Hangjingne ü-jeiheinaolan, numan kentamong tingnang she otamaohe ngohlak yang she, yinhulan wangpune mengpu manpei manpei, Israellan tangkhüwe mongjang wanmah she, tüopa lopu ngao taowe numante shingne yetampe ye-anghu; 26#Isa 59.20-21.tüokhei Israellan khongkümpu yinlak; nyanne ngohpuke:
“Yinne tampupa-a Zion mepu ngailak;
hüyange Iye Jacob huhayim mepu yejaoyeshapu üshei yahteilak.”
27 #
Jer 31.33; Isa 27.9. “Aope taowe iman ünulan yahteilakei,
hüwante taowe iman phei tüopa jiengjeppu linglak.”
28Numan yinhulan jing üne, hangjingne iman-e Pungao Ümei yeyahpu jingne Jehudilan-a Kahwangpa wepa. Hüpoi Kahwangpawe leyangpu imanjing pajeiyonglan jingne iman-a I shümpa.
29Hangjingne Iye leyangpu hüyange moimanyangpulan jingne Kahwange yoi kenmong yejeilei. 30Hüke numan yinhulan, lintepu hipak me numan-e Kahwangpate ngao yejai, hüpoi sha-a Jehudilanne ngao yejaipu jingne numan-e Kahwangpa shüpshe tüoteki. 31Tüokih-e muh, numan-e shüpshe tüopu jingne, imane-o Kahwangpa shüpshe tüowe oklak jingne, sha-a Jehudilanne Kahwangte ngao yejai.
32 #
Rom 3.9; Gal 3.22-29. Hangjingne Kahwange iman khongkümpute shüpshe hüowe oklak jingne Iye kahtalan khongküm ngao yejaipupa küpnok me hüng-ang.
Kahwangte Yihlutüoh
33 #
Kol 2.3. Kahwangpa hak-hepuwa hangshin yong! I jing konjong hei shinge manpu hangshin lupu! Iye ngaophün yahyangpuwa aowe iye oklak? I jing tailam-a aowe shingne oklak? 34#Isa 40.13-14; 1 Kor 2.16.Laingaowe ipuke:
“Youngwanpa kenmonga aowe shinglak?
Aowe Ite nyüoweleipu oklak?
35 #
Job 35.7; 41.11. Ite Iye shümme yelak ne
aowe-o Ite ülam ja nehoi jepha man?”
36 #
1 Kor 8.6; 11.12; Kol 1.16; Heb 2.10. Hangjingne sheminlamphe Iye lingengai, hüyange sheminlamphe I jingne I kaiye ngai. Kahwang te jintepu jingne müktishiwatüoh! Amen.
Currently Selected:
ROME 11: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
