ROME 10
10
1Jeiheinaolan, ü-mongjang me yoonge teihpu hüyange Kahwangte taowe yoppuwa iman yinlak jingne ngohnang. 2#Rom 9.31.Hangjingne Kahwang jingne iman lahnyikpu ngohnang she taowe iman jeng saki phanang, hüpoi iman lahnyikpuwe wangngai tampu yenang. 3#Rom 1.17.Hangjingne iman-e Kahwang khakshupupa yeshingpe yoi nying nyingke tüopa hüone yampu jingne, iman-e yoi nying nyingke Kahwang khakshupupa phangte yepei. 4#Gal 3.24; Rom 3.22; 7.1-4.Hangjingne aoyinne ütinglak moilante tingtampu phalak jingne Khrista-a ngaokhüm ükümpa ngohnang.
Yinyepuwa Moilan Jingne
5 #
Lev 18.5; Neh 9.29; Eze 20.11,13,21; Rom 7.10. Hangjingne “aowe ngaokeng me ngohpu khakshupu linglakei I tüopa linge üyin ngohlak, she Mosawe nyan.” 6#Hin 30.12-13; Rom 9.30.Hüyangpoi üting lakpupa jing khakshupupawe hüke inang; “Nang mongjang me tah i, ao wangdang te ongpu oklak?” hatüowa Khrista yeitaine, 7yejema-a, “Ao lakjing yenangpu kahsa te yulak?” (tüowa, Khrista lipu mepu yah yene). 8#Hin 30.14.Hüpoi hatüowe hanghe inang? Ngaowa nang ü-o me, nang ju hüyange nang mongjang me ngohnang tüowa, toman-e nyüopu ütinglakpu ngao; 9#Mt 10.32; Lk 12.8; Lam 16.31.hangjingne, nange nang juwe Jesuwa Youngwanpa she janma-a, hüyange nang mongjang me Kahwange I lipu mepu yange yene tam she mengma-a, nang yinlak. 10Hangjingne üjaopa ne menglak jingne kahtawe mongjange mengnang, hüyange yinyepu tüolak jingne juwe Iye jannang. 11#Isa 28.16; Rom 9.33.Hangjingne ngaolaiye inang: “Aowe Ite menglakei I wüotüone yetamlak.” 12#Rom 3.22,29; Gal 3.28; Kol 3.11; Lam 10.36.Hangjingne Jehudilan hüyange Greeklan nipa me hango yoi yoi yenang, hangjingne Youngwanpa ja muh üshei tangte Youngwanpa ngohnang, hüyange Ite tongpu üsheite I hakpa. 13#Joel 2.32; Lam 2.21.Hangjingne, “Aoyinne Youngwanpa min me nyiklakei I yinlak.”
14Hüpoi aote iman-e yemeng Ite hangke nyiklak? Hüyange ao jeng iman-e yejai Ite hangke menglak? Hüyange konnyüopa ütam-e imante nyüopu yenangma-a, iman-e hangke jailak? 15#Isa 52.7.Hüyange iman shon yeteima-a, kahtalanne hangke konnyüolak? Nyanne ngohpuke: “Pungao ümei jeng mongmeilak ngaolan yah peipalan ya hangke shemei yüoma!” 16#Isa 53.1; Jn 12.38.Hüyangpoi pungao ümeite iman üsheiye mengpu ne yeje. Hangjingne, Isaiawe inang, “Youngwanpa, toman mepu Iye hanghe jaiyapeih tüote aowe ütinglakpu?” 17Tüokhei ütinglakpuwa jaipu mepu pei, hüyange jaipuwa Khrista ngao mepu pei. 18#Tüo 19.4; Kol 1.6,23.Hüyangpoi taowe tong: Iman-e manjai pu a? Ütingme iman-e jai; hangjingne,
“Iman ngaowüng kahtoknyu üshei yete,
hüyange iman ngaolan kahtoknyu üküm ngoiye tai.”
19 #
Hin 32.21; Rom 11.11,14. Üne-o taowe tong, Israel lanne yeshingpu a? Üwangne Mosa-e inang,
“Hanghepa jatli ne yenang hatüowe taowe numan müktakne tamlak;
juteih yenangpu jat-e taowe numan mongshih ngaine tamlak.”
20 #
Isa 65.1; Rom 9.30. Hüyange Isaiawe yeonge mongyonge inang,
“Aoyinne tao yeyam iman-e tao tüo;
hüyange aoyinne ü-jeng yetong, imante tao ü-nying nyingke ütahte ngai hüo.”
21 #
Isa 65.2. Hüpoi Iye Israel lante tüo inang, “Ngao yejaipu hüyange longetanpa lante nyihlao hipak taowe peiye tamlak jingne yak lanyangki.”
Currently Selected:
ROME 10: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
