ROME 9
9
Kahwangpawe Leyangpu Kahtalan
1Khrista me taowe ngaoting inang hüyange yeleih, Yaha Üjao kaiye ü-juteih mongjange ü-phei saki phanang, 2hangjingne ü-mongjang me mongmeng üyong hüyange yelakpu pongpu ngohnang. 3#Woi 32.32.Hangjingne meime ü-jeiheinaolan hüyange ü-jat jingne tao ü-nying nyingke Khrista mepu phoiwümpu tüolakne tao mongteiye ngoh. 4#Rom 3.2; 8.15.Iman-a Israelan; Kahwange yoi ha ne lingetampu, hüyange müktishiwa, hüyange jiengjeppulan, hüyange janpu ngaokeng, yoppe khümpu janpulan; 5hüyange iman pajeiyong mepu üli, hüyange tüolan iman jing; hüyange meime Khrista-a iman mepu ngai; I üshei tangte jinte Kahwange moimanpu! Amen.
6 #
Rom 2.28-29. Hüyangpoi Kahwang ngao jajang japu ne meng she yeje, hangjingne Israel mepu ülilan üshei Israellan ne yeje, 7#Kaht 21.12; Heb 11.18.yejema-a iman Abraham üli ne mengtepuwe iman üshei Ihayim ne yeje: hüpoi, “Isaac mepu numan üli nyiklak.” 8#Gal 3.29; 4.28.Hatüowa hüke ngohnang, meimepu hayimlan Kahwang hayim ne yeje, hüpoi janpulante I hayim üli she inang. 9#Kaht 18.10.Hangjingne hatüo janpu ngaoja ngohnang, “Hakihting hipak me tao peikülak, hüyange Sarahwe netan naha ja puhlak.”
10 #
Kaht 25.21. Hüyange tüo shaha ne yeje, hüpoi kahta ja, hüke teman üpa Isaac-e Rebecca püm yekengpe mengtamwante, 11ha manpuhwante, hüyange ümei yejema-a ümeng hango manlingwante, toishao mepu yeje, hüpoi aowe nyik I mepu, janyangpuke Kahwange mongpuwa yonglak jingne, 12#Kaht 25.23.Iye Rebeccate hüke i, “Jeiyongpawe naolipa shaoshanlak.” 13#Mal 1.2-3.Nyanne ngohpuke: “Taowe Jacobte ken, hüpoi Esaute taowe nu.”
14 #
2 Put 19.7. Hüma-a teman-e hanghe ilak? Kahwangpawe üting ye-ipu a? Hüke aope-o yeje! 15#Woi 33.19.Hangjingne Iye Mosate inang, “Aoyinte taowe shüpshe hüohunang imante taowe shüpshe hüolak, hüyange aoyinte taowe yayenge teipu hüohuwe teihlakei, imante taowe yayenge teihpu hüolak.” 16Tüokhei shemin lamphe, kahtawe teihpu me ngaipu ne yeje, yejema-a ünyei mongpu jingne yeje, hüpoi shüpshe ngohpu Kahwang mepu. 17#Woi 9.16.Hangjingne ngaolaiye Pharaoh te inang: “Nangte ü-ünganwong hüone, hüyange ü-min kahtoknyu üshei yeme ponge teine, tüojingne taowe nang loinetam.” 18#Rom 11.7.Tüokhei Kahwange aote I shüpshe hüohunang Ite hüonang, hüyange ao mongjang wanne tamhu Iye I mongjang wanne tamnang.
Kahwang Mongshihpu Hüyange Shüpshe
19Hüwante nange üte ilak, “Hangne Iye üne-o ümeng phopu? Hangjingne aowe Iye mongpute tienlak?” 20#Isa 29.16; 45.9.Hüyangpoi yeje, O kahta! Kahwang phei tüi-e janpu nanga ao shi? Lingengaipu toiye Lingengaipupate, “Hangne nange tao hüke ling she ilak a?” 21#2 Tim 2.20.Kümp kahtok ü-oun ja mepu, meitam jawe tük shemeipu ja, hüyange meitam jawe ülao tük shemengpu ja she linglak kümpkahtok tangme tükyaopa wong yenangpu a?
22 #
Det 16.4. Kahwange yoi mongshih ngaipu hüone hüyange I üngan shingne tamlak jingne mongyapoi, mahlak jingne tümpu mongshih ngaipu tük Iye laowe tanne okma-a, 23#Rom 8.29.hüyange müktishiwa jingne hanghepa Iye üshongme muh tüm, tüolan shüpshe tükte I müktishiwa toinyu shingne tamlak nün okma-a, hümma-a hanghe? 24#Rom 3.29.Hüyange aoyin Iye Jehudilan yomepu shaha yeje, hüpoi Yinhulan yomepu-o nyik, teman-o tüolan shüpshe tük ngohnang! 25#Hos 2.23; 1 Pet 2.10.Hüke Iye Hosea me-o hüke inang:
“Aoyin ü-kahta ne yeje, taowe imante ‘ü-kahta she nyiklak,’ hüyange ao nyu te yeken, yhate kenpunyu she taowe nyiklak.”
26 #
Hos 1.10. “Hüyange imante ümeken me numan ü-kahtane yeje she iye ngohnang, tüome imante üyin Kahwang halan she nyiklak.”
27 #
Isa 10.22-23; Kaht 22.17; Hos 1.10; Rom 11.5; 2 Ahng 19.4; Isa 11.11. Hüyange Isaiawe Israel jingne hüke üngwünne inang: “Israel hayimlan shangtoi yengching pheih kih-e ngohyapoi, jetohapulan hei yinlak; 28hangjingne kahtoknyu me Youngwanpawe yoi ngao tüm-e hüyange mamshe shohne tamme linglak.” 29#Isa 1.9.Hüyange Isaiawe üshong me ipuke:
“Wangdang ükhong Youngwanpawe temante ülija yetüoh shih ma-a, teman Sodom ke menge ngoh hahshepu, hüyange Gomorrah ke mengne tamyange ngoh hahshepu!”
Israel Ütingyelakpu
30 #
Rom 3.22; 10.6,20; Gal 2.16; 3.24; Phi 3.9; Heb 11.7. Hümma-a teman-e hanghe ilak? Yinhulanne khakshupupa yeyam yapoi, tüopa tüo; hüke khakshupupa hanghepa ütinglakpu mepu ngohnang tüopa tüo. 31#Isa 51.1; Rom 10.2-3; 11.7.Hüyangpoi Israel lanne khakshupupa ngaokeng ja yamyapoi, tüopa ngaokenga yetüo. 32#1 Pet 2.8.Hangne? Hangjingne iman-e tüopa-a ütinglakpuwe yeje, hüpoi toi kaiye yam. Iman “Yashah hüopu long me yashah hüo.”
33 #
Isa 28.16; Rom 10.11. Nyanne ngohpu ke:
“Leiyah, taowe Zion me yashah hüopu long
hüyange tienpu longnyu angnang;
hüyange aowe Ite menglakei I wüotüone yetamlak.”
Currently Selected:
ROME 9: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
