ROME 15
15
Nang Yeje Eiha Mongmeine Tamtüoh
1Teman aoyin ütinglakpu me wong nange ngoh yoi nying nyingke mongmeilak jingne yeje, hüpoi wong yenangpe ye-ok-yeshang palante jamponglak yang. 2Teman kahta liliye yoi yupi meilak jingne hüyange wongnange tamlak jingne I mongmeine tamhah. 3#Tüo 69.9.Hangjingne Khristawe-o yoi nying nyingke mongmei ne yetam, hüpoi nyanne ngohpuke: “Aowe nangte yaowele iman-e yaowelepu üte yei.” 4#Rom 4.23-24; 1 Kor 9.10; 2 Tim 3.16.Hangjingne nün-okpu kaiye hüyange ngaolai mepu toloimei kaiye monghümpu tüolak jingne üshong hipak me hanghe nyan, tüolan teman-e shingeyahlak jingne nyan. 5#Rom 12.16; 1 Kor 1.10; 2 Kor 13.11; Phi 2.2; 4.2.Sha-a nün okpu hüyange toloimei Kahwange numan jawe japhei, Khrista Jesu phei mong ja ne menge, 6hüke hei ja ne mengyange Youngwanpa Jesu Khrista hüyange Ipa Kahwang müktishiwa tamlak jingne numan-e lingtüoh.
Yinhulan Hei Jehudi Moini Jingne Pungao Ümei
7Tüokhei hangke Khristawe numan yah hüke numan-e Kahwang müktishiwa jingne jawe ja yahtüoh, 8Puyimlante Kahwange janyangpu ütingme ngailak jingne, hüyange Kahwang ngaotingme ngohnang she hüolak jingne Jehudilan shaoshanpa ne Khrista meng she taowe inang; 9#Tüo 18.49; 2 Sam 22.50.hüyange I shüpshe jingne yinhulanne Kahwang müktishiwalak jingne; nyanne ngohpuke:
“Tüokhei taowe Yinhulan yo me nangte yihlupu phanang,
hüyange taowe nang min me lokning.”
10 #
Hin 32.43. Üne-o hüke inang,
“Yinhulan, Kahwang jing kahtalan phei mongmei tüoh.”
11 #
Tüo 117.1. Üne-o hüke inang,
“Yinhulan, üsheiye Youngwanpate yihlutüoh;
hüyange kahta üsheiye Ite yihlutüoh.”
12 #
Isa 11.10; Mt 12.21. Üne-o Isaia inang,
“Jesse yalah ngailak,
Iye yinhulan tangme wanglam lamlak;
Ime yinhulanne monghümlak.”
13Sha-a numan Yaha Üjao üngan me monghümpuwe maalak jingne, monghümpu Kahwange mengpu me mongmei hei chingmei üsheiye numan maatam tüoh.
Paul-e Mongyongpu Phei Nyanlakne Ngaipu
14Ü-jeiheinaolan, numan yoi nying nyingke shemei she hüyange sheshingpuwe maawe, jawe jate teiheng nang she, taowe yoi nying nyingke numante monghümnang. 15Hüpoi ülam ja me numante teihne tamhulak jingne, Kahwange üte phapu shüpshe kaiye, taowe mongyong puphei numante nyan. 16#Lam 9.15.Yinhulan yo me Khrista Jesu shaoshanpa ne menglak jingne; Kahwang pungao ümei nyüopu me taowe dopu ja leye phanang, tüowe yinhulanne dopu yah oklak jingne, Yaha Üjaowe jaowetam. 17Tüokhei Kahwang toijengme ü-müktishiwa Khrista Jesu me tao otalak ngohnang; 18#Rom 1.5; Lam 15.12; 21.19.Ü-kaiye yinhulanne ngao jailak jingne, Khristawe lingpu ngaolak jingne tao mong yeyongpe yengoh ok, hanghepa me Iye ngao hei toi me ling, 19#Lam 19.11; 2 Kor 12.12.yepinlakpa wong hüyange yashan yali kaiye hüyange Yaha Üjao ünganwong kaiye, tüokaiye Jerusalem mepu Ellirikam ngoiye Khrista Pungao Ümei nyüopu taowe shoteki. 20#2 Kor 10.15-16.Hüke mihlingpu nyoijing tangme yelinglak jingne, ümeken me Khrista jeng manjai, tüome pungao ümei konnyüolak ü müktakpe ngoh; 21#Isa 52.15.hüpoi nyanne ngohpuke,
“Aoyin tangte I jeng ngaolan manpei iman-e ngelak,
hüyange aoyinne manjai iman-e shinglak.”
Rome Te Peilak Jingne Paul-e Tümpu
22 #
Rom 1.13. Tüojingne tao numan tangte peilak mapu hipak lep-iye tienpu ngohyangki. 23#Lam 19.21; Rom 1.10-11; 15.32.Hüpoi sha-a tüolan kahtokme ütoi linglak yenangpuwe, hüyange wangpeng yeonge numan tangte peilak jingne teihngohpu jingne; 24#Rom 15.28.tao aope Spainte tailakei numan hüolak she, hüyange numan phei hüowe ja me toloimei phei me numan-e tao lünge tam külak she monghüm nang. 25#Lam 19.21; 24.17; 15.31.Hüpoi sha-a, üjaopalan shaoshanlak jingne tao Jerusalem te tainang. 26#2 Kor 8.1-5; 9.2; 1 Thes 1.7-8.Hangjingne Macedonia hei Akhaia bumeinoklan ne Jerusalem me ngohpu bumeinok üjaolan yo me toinanpalan jingne jampu shaiye phahah she tüm. 27#1 Kor 9.11.Iman-e tüopa meinangki she teih, hüyange ine ima-a imante pheeisea shümlak ne iman ngohnang. Hangjingne Yinhulanne iman mepu yaha meitam ja ke muh yahma-a, iman-e iymei jingne wongpong toishaowe-o imante-o shaoshanlak wongpong. 28#Rom 15.24.Tüokhei taowe tüopa toi tümyange, hüyange tüopa ülick imante meimeiye phünne phayang pheime, tao numan ne jampu kaiye Spainte tailak. 29#Lam 19.21.Hüyange aope tao numan tangte peilakeih, Khrista moiman wangngoipu phei tao peikülak she taowe shing.
30Jeiheinaolan, okpupa Jesu Khrista hüyange Yahawe phapu yayeng kaiye, taowe numante üjingne Kahwangte yeonge yoppu me omkei she tongnang, 31#2 Thes 3.2; Rom 15.25-26; 2 Kor 8.4; 9.1.tüokaiye Judea me yemengpalan mepu tao yin oklak jingne, hüyange Jerusalem me taowe shaoshanpu üjaolan-e yah oklak jingne, 32#Rom 1.10; Lam 19.21.hümme nakshih Kahwange mongpune mengma-a tao numan tangte mongmeiye maawe peikülak, hüyange numan phei ngoiye teishin puphei mongmeilak. 33#2 Kor 13.11; Phi 4.9.Chingmei Kahwang numan üshei phei ngohtüoh. Amen.
Currently Selected:
ROME 15: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
