ROME 16
16
Palom Tangte Salam
1Cenkhrea bumeinok mepu shaoshannyu#Deacon she-o ngelak teman nyanao Phoebe, taowe numante shingne tamnang. 2Youngwanpa minme üjaolan-e meimeiye yahpuke numane-o yahtüoh. Hüyange hanghe me yhawe numan mepu jampu wongpongne menglakei, üshei me numan-e yha püoyah, hangjingne yhawe kahta maapute hüyange üte-o jamnang.
3 #
Lam 18.2. Khrista Jesu me ü-phei jam-e toilingpalan Priska hei Aquila te salam shonnang. 4Iman-e ü-üyin jingne yoi üng shan, hüyange ü-shaha yeje, hüpoi Yinhulan bumeinok üsheiye imante minyongpu phanang. 5#1 Kor 16.19.Hüyange iman nokme jempu bumeinokte salam shonnang. Taowe kenpu Epaenetus, ao Asia me üwangne Khrista te meng, Ite ü-salam shonnang. 6Mary, aowe numan yo me ngange toiling Ite salam shonnang. 7Üpheipu hüyange ü-phei jam-e küpnok me angpalan Andronikas hei Junias, aoyin lampulan yo me minngaipalan ne hüyange ü-shao memuh Khrista me ngoh, imante salam phanang. 8Youngwanpa me taowe kenpu Ampliatas te salam shonnang. 9Khrista me toman jam-e toilingpalan Urbanus hei taowe kenpu Stachys te salam shonnang. 10Khrista me kahta ümei Apelles te salam phatüoh. Aristobulus noksalante-o salam shonnang. 11Tenok Herodion te salam shonnang. Youngwanpa me Narcissus nokte salam shonnang. 12Youngwanpa me toi lingpalan Tryphena hei Tryphosa te salam shonnang. Youngwanpa me yeonge ngange lingpu taowe kenpu Persis te salam shonnang. 13Youngwanpa me leyangpu Rufus hei tomni ünyu te salam shonnang. 14Asyncritas, Phlegon, Hermes, Patrobas, Hermas, hüyange iman phei ngohpu jeiheinaolan te salam shonnang. 15Philologus, hei Julia, Nereus hei Inao shekonyu, hüyange Olympas hüyange iman phei ngohpu üjaolan üsheite salam shonnang.
16 #
2 Kor 13.12; 1 Thes 5.26; 1 Pet 5.14. Numan jeihei nao hei jeiheinao ni üjao om teihüp puphei salam teipha yah. Khrista bumeinoklan üsheiye numante salam shonnang.
Ükümpa Hengpu
17 #
Gal 1.8-9; 2 Thes 3.6,14; 2 Jn 10. Jeiheinaolan, numan-e hanghepa konnyüopu shange yahteki tüopa kaiye aoyinne juteih yoi yoi hüyange yashah hüopu ngaine tamnang imante leiye angyah, hüyange iman mepu lüppe yetüoh she taowe numante tongnang. 18Hangjingne tüokihpu kahtawe teman Youngwanpa Khrista shao yeshanpe yoi seanyu hei shannang; hüyange iman yohpu hei meipu ngao kaiye ümeng yenangpulan kenmong lowe tamnang. 19#Rom 1.8; 1 Kor 14.20.Hangjingne numan ngao jaipu ngaolan jeng kahta üsheiye jaiteki. Tüokhei tao numante mongmeinang, hüpoi taowe numan hanghe ümei ngoh tüome konnangpu, hüyange hanghe ümeng ngoh tüome lantaakke ngohne tamhu nangki. 20#1 Kor 16.23; 2 Kor 13.14; Gal 6.18; Phi 4.23; 1 Thes 5.28; 2 Thes 3.18; Ütah 22.21.Chingmei Kahwange numan yaphang me satan lokne tamlak.
Teman Youngwanpa Jesu Khrista shüpshe numan phei ngohtüoh.
21 #
Lam 16.1. Ü-phei jamme toilingpa Timothy-e salam shonnang; hüke muh üpheipu Lucius, Jason, hei Sosipater lanne numante salam shonnang.
22Tao, Tertius,#Paul yaknyanpa. Nyanpu lili Paul-e ngaowe tamwante Iye nyan Youngwanpa shaoshan pume aowe tüopa lai nyannang, numante salam shonang.
23 #
1 Kor 1.14. Ü-yinpa hüyange bumeinoklan üshei jemhümpu nok Gaiuswe numante salam shonnang. Chingnyu ngin angpa Erastus hei toman ünao Quartus numante salam shonnang.
24(Teman Youngwanpa Jesu Khrista shüpshe numan üshei phei ngohtüoh. Amen.)
Yihluwe Yoppe Tümpu
25Kahwangte müktishiwapu phahah! Taowe nyüopu pungao ümeike, Iye numan ütinglakpu me mongne tamphalak, hüyange lintepu jinme yengaipe lowe angpu Üting ütahte ngaipu kih; 26hüpoi sha-a, tüopa üting hipalanne nyanpu kaiye ütahte ngaiteki tüokaiye kahta lanne menglak hüyange ngao jailak; hüyange jintepu Kahwang ngao kaiye jatlan üshei te shingne tamteki.
27Jesu Khrista kaiye, kentamong tingpu Kahwang shahate, Ite jin jinte müktishiwa tüoh! Amen.
Currently Selected:
ROME 16: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.