ROME Süowang
Süowang
Paul lümshepupa missionary yinkem wante AD 57 me tüopa laitep-a Rome mepu bumeinok te Paul peiye oklak ülam tümlak jingne nyanyangki.
Rome mepu bumeinok te salam phayang phei me hüyange iman jingne Iye yoppu imante iyang phei me, Paul-e “Hangke Kahwange kahtalan-a I phei tinge tam-e ling, pungao ümeiye ütahte ngaitam nang: hatüowa üwang mepu üküm ngoiye ütinglakpu kaiye: (1.17).
Kahtanyuha khongküm, Jehudi hei Yinhulan moiniye, Kahwang phei tinge tamme anglak ngainang, hangjingne moilan ünu phangme jakih-e yei. Jesute ütinglakpu kaiye kahtalan-a Kahwang phei tingtam nang. Ünepupa me Khrista phei shüppe shapuwe üyin üla, tüokaiye Kahwang phei shüppe shapu üla ngainang she Paul-e khoih inang. Mengpalan-a Kahwang phei chingmei ngohnang hüyange tüopa-a Kahwang yahawe ünu hüyange lipu wong mepu lantam nang. Iye tümme ngaopu me Jewish lanne Jesu yeyahpuwa Jesu Khrista shüpshe phangme kahtanyuha khongkümpu yahpeilak Kahwangpawe tümpu ja ne ngohyangki, hüyange Jehudilanne jintepa-a Jesuwa yeyahpe yengohlak she Iye ütinglakpu ngohyangki. Ükümne Paul-e khristan üyin hangke nyoilak, ünyeine eihalan phei kenne teishinpu me hangke ngohlak tüopa jeng nyan. Iye tüolan ngaomük sokali (state) hei eihalante khristan jawe shaoshanpu hüyange juteih ngohlak jeng-a Kahwangte shaoshanpu ja ne yahyangki. Iye nyanpu lai-a yoiye teihpu ngaolan phei hüyange Kahwangte minyong phapu ngaolan phei lakne tamyangki.
Ngohpulan Ükengnyu
Süowang hüyange ngaomük 1.1-17
Kahtawe Yinyelak wongpongne mengpu 1.18—3.20
Kahwangpawe Yinyepu ülam 3.21—4.25
Khrista me üyin üla 5.1—8.39
Kahwange tümpu me Israel 9.1—11.36
Khristan Nyoingoh 12.1—15.13
Tümme ngaopu hüyange palom salam 15.14—16.27
Currently Selected:
ROME Süowang: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.