ROME 1
1
1 #
Lam 9.15; 13.2; 1 Kor 1.1; 2 Kor 1.1; Gal 1.15. Paul, Jesu Khrista shaoshanpa, lampu ja ne menglak jingne nyikpu, hüyange Kahwang pungao ümei jingne yanne angpu; 2hatüo pungao ümei Kahwange Üjaolai me I hipalan kaiye üshongwante jan; 3hüyange hatüo pungao ümei I Ha jeng ngohnang, ao meime David nokli mepu puh, 4hüyange Yaha Üjao me lipu mepu yange yepu kaiye I Kahwang Üha ngohnang she, ünganne hüowe, hüke Jesu Khrista, teman Youngwanpa; 5#Lam 26.16-18; Rom 15.18; Gal 2.7,9.ao kaiye teman-e shüpshe tüo hüyange lampu ne meng, I min jingne jat üshei yo me ütinglakpu mepu ngaiye ngaojaipu wange tamlak jingne, 6hüyange Jesu Khrista jingne aoyin Kahwange nyikyangki, numan-o omme ngohnang.
7 #
1 Kor 1.3; 2 Kor 1.2; Gal 1.3; Eph 1.2; Phi 1.2; Kol 1.2; 1 Thes 1.2; 2 Thes 1.2; 1 Tim 1.2; 2 Tim 1.2; Tit 1.4; Philem 3; 2 Jn 3. Kahwange kenpu hüyange üjaolan ne mengne nyikpu Rome me ngohpu üshei tangte; teman Üpa Kahwang hüyange Youngwanpa Jesu Khrista mepu numan tangte shüpshe hüyange chingmei ngoh tüoh.
Minyongphawe Yoppu
8 #
Rom 16.19. Üwangne, numan üshei jingne Jesu Khrista kaiye taowe Ü-Kahwang minyong nang, hangjingne kahtok üshei yeme numan ütinglakpu jeng ngaolan jaine tam nangpu. 9Hangjingne Kahwang-a ü-saki, ao te ü-yahawe I Ha pungao ümei shaoshan nang, hüyange yelakpe taowe ü-yoppu me numan omnang. 10#Rom 15.23,32; Lam 19.21.Kahwange mongma-a ngange nehoi sha-a üküm yeme tao numan tangte pei oklak jingne yopnang. 11Numan wongnange tamlak jingne hüyange taowe numante yaha hünghao ütam phalak jingne taowe numan hüohuwe teihnang; 12hatüo ngaowa tüo; hüke numan yo me tao numan phei jamme, teman üsheiye jawe ja ütinglakpuwe, numan hüyange ü-üting lakpuwe teishinlak.
13 #
Rom 15.22. Jeiheinaolan, taowe numante tüo shingne tamhu nangki, hatüowa hipak lep iye taowe numan tangte peilak tüm, hüyangpoi ülamjawe jinte tien nangki. Ülao Yinhulan yomepuke, taowe numan yomepu-o ülick wet-hu nangki. 14#1 Kor 9.16.Greeklan hei Barbarlan ni, hüyange shingemanpalan hei yeshing yemanpu nite tao tangshüoh ngohnang. 15Tüokhei taowe okpu shinne numan Rome me ngohpalan te-o pungao ümei konnyüolak jingne taowe tümme ngohnang.
Pungao Ümei Ünganwong
16 #
1 Kor 1.18,24. Hangjingne tao pungao ümei jingne yewüo; hangjingne ütinglakpalan üshei, üwangne Jehudilante, hüyange Greeklan-o yinlak, pungao ümei me Kahwang ünganwong ngohnang. 17#Rom 3.21; Gal 3.11; Phi 3.9; Heb 10.38; Hab 2.4.Hangjingne Pungao ümeima-a Kahwang khakshupu ütinglakpu mepu ütinglakpu jingne ütahte ngai ngohnang; nyanne ngohpuke, “Ütinglakpuwe khakshuwe ngohpalan ngohlak.”
Kahtanyuha Yeshupu
18 #
Eph 5.6; Kol 3.6. Hangjingne ünu hüyange yejaoyeshapu kahtalan, aoyinne yejaoyeshapuwe ngaoting tien nang, iman phei tüi-e Kahwang mongshih ngaipu wangdang mepu ütahte ngai ngohnang. 19Hangjingne Kahwang jeng hanghe shingne ok, hatüowa imante ütahte ngai ngoh nang; hangjingne Kahwange hatüowa iman tangte ütahte ngai. 20#Tüo 19.1-4.Hangjingne kahtoknyu lingwante muh I jeng mükke ye-ngepulan, minlan, I üküm yenangpu ünganwong hüyange Kahwang nyoingoh hüyange I Kahwang ütingpa she, tüolan-a yaopu toilan kaiye shinge kenting shakke nge ngohnang. Tüokhei iman jingne ümeng winlak yenang; 21#Eph 4.17-18.hangjingne iman-e Kahwang shingyapoi, I Kahwang kih müktishiwa ne yetam yejema-a minyongpu yepha: hüyangpoi iman juteih me jajang japune meng, hüyange iman angsa kenmong nyakke mengne tam. 22Iman-e yoi nying nyingke kentamong tingnang she iye, iman üngapa ne meng. 23#Lam 17.29.Hüyange iman mahlak kahta, awhalan, yinmoklan, hüyange lehkempu (toshitolao) yinmoklan linge, yemah oklak Kahwang müktishiwa leijei.
24Tüojingne iman yo me yoi püm ye-i-yeshe tamlak jingne Kahwange iman mongjang ünuwe yejaopupate phünne pha; 25hangjingne iman-e üleihpa phei Kahwang ngaotingpa leijei, hüyange Yaopa nanleiye yaowe ngaipu toilante yoppe khüm hüyange shaoshan, ao jinjinte moiman! Amen.
26Tüojingne Kahwange yewüopu lengpute iman phünne pha. Hangjingne iman shekolanne jonpu wanglam angyange, hanghepa wanglam ne yeje tüopa jon. 27Hüyange hükemuh netanlane-o sheko phei jonpu wanglam angyange, jawe japhei ünu jonlak kennemong me loonge, netanlan ne netan phei wüolak toijon, hüyange iman-e yoite yoi ümeng küw hanghe tüolak ne ngoh hatüo iman-e tüo.
28Hüyange iman-e iman ütingpa shingemanpu Kahwang me angtamne yejanpu jingne, Kahwange yejepu toi lingne wüopu yenangpu ünu kennemongte iman phünne pha. 29Iman yejaoyeshapuwe maawe ümeng, waupu, nupu, aohüngpu, toilangpu, teelapu, teilopu, hüyange teinupu; iman ngaolo iye jempu, 30hüyange eiha ümeng jeng ngaopu, iman-e Kahwang te nupu, ye-i-yeshepu, naoyampu, otapu, hüyange yongelüopu; iman-e ünyei ümeng linglak jingne juteihpu, nyupalan ngao yejaipu; 31üngapa, ütingyelakpu, mongjang yejhotpu, yeyayengpu, 32Kahwangpa ngaokeng me, aoyinne tüolan jon, lilak wangnang she shingyapoi, iman-e tüolan jonpu shaha yeje, hüyangpoi üne-o tüolan jonpu kahtalante iman-e shupu she teihnang.
Currently Selected:
ROME 1: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
