Yeremi-aq 21
21
Zedeki-a Dûng É Dang Lé Garai Gasang He-ngìk Pyâm É Hkyô
1Hkóhkâm Zedeki-a èq, Malikiya é yhang zo Pashura eq Mase-a é yhang zo hkyangjong Zehpani-a lé, Yeremi-aq chyáng nhang kat é hkûn, haû Yhûmsîng Garaî chyáng mai Yeremi-aq chyáng mungdang lé jé ri. Yhángnhik gi, yhang lé, 2“Babelon hkóhkâm Nebuhkatneza, ngá-mòq lé majan lé zân nyi ri; yhang gi, ngá-mòq chyáng mai taû ló byùq sháng gàq, haû Yhûmsîng Garai gi, laî ló bê hkûn kut é su, ngá-mòq lé maúhpo múzó kut byi âbe; ngá-mòq é matú haû Yhûmsîng Garai lé bo dûng tôngbán byi laq.” ga taî akô.
3Nghut kôlhang, Yeremi-aq gi, yhángnhik lé, “Zedeki-a lé ló taî kyo keq; 4Isira-elaq é Garai Gasang, haû Yhûmsîng Garai shî su ga taî ri; ‘Wàhkûm shinggan má núngmòq lé lóm tô é Babelon hkóhkâm eq Babelon byu pé lé núngmòq majan zan râ ga, núngmòq é lòq má chung tô é gyè zan zè pé èq, Ngò, núngmòq lé taû htim bê nghut mù, yhángmòq lé wà gùng má zîng to nhâng râ nghut lhê. 5Ngò yhang, nhikmó nhikjum gyai yo mù, lhâm tô é lòq eq wúm bo é lòqbú èq núngmòq lé lhom htîm sat râ nghut lhê. 6Ngò gi, wà shî má nyi é byù eq shigu gaunyhaû pé lé sat pyám râ nghut lhê; haú pé gi, gyùq chiq hpo mó wúm èq shi byùq kôrâ nghut lhê. 7Haû Yhûmsîng Garai shî su ga taî pyo ri; hau htâng, Ngò gi, Yudaq hkóhkâm Zedeki-a, yhâng é zaugun wuì eq, wúm soq mai le, shâm mai le, mùtmó gyó é mai le, shí wâ má nyi myìt gyó tô é bang lé, Babelon hkóhkâm Nebuhkatneza é lòq má le, yhángmòq lé sat pyám nau é, yhángmòq é gye pê é lòq má le, àp byî pyám râ nghut lhê. Hkóhkâm haû gi, yhángmòq lé sham èq sat pyám râ nghut lhê; yhang gi, yhángmòq lé, shogyo nhikmyin hkyô, myìt wú nô hkyô eq ha bûn é hkyô tûn shit râ a nghut.’ gâ ri.
8Hau htoq agó, shiwa byu pé lé le shî su nghû taî kyo keq; ‘Haû Yhûmsîng Garai taî le, wú keq; Ngò gi, núngmòq é hí má, chyungxe duì hkyô eq shi byùq râ hkyô lé hpông to byî lhê. 9Shí wâ má nyi tô é sû ó yùq le, shâm, mùtmó gyó é eq wúm gyó é mai shi byùq râ nghut lhê. Nghut kôlhang, núngmòq lé lóm tô é Babelon byu pê chyáng htoq ê mù, yhûmsing gùng ê àp pyâm é sû ó yùq le, chyungxe lùt râ nghut lhê; yhángmòq gi, chyungxe wó lùt kôrâ nghut lhê. 10Ngò gi, wà shî lé, ge é hkyô a kut byî é za, a ge é hkyô kut râ matú myìt hpyit to bê; Ngò gi, wà shî lé, Babelon hkóhkam é lòq má àp pyám râ nghut mù, yhang gi, haú lé myî èq nyhê hkyô pyám râ nghut lhê ga haû Yhûmsîng Garai taî pyo ri.’ gâ ri.
11Hau htoq agó, Yudaq hkóhkam é yhûm bang lé, ‘Haû Yhûmsîng Garaî é dang lé gyo keq. 12Dawiq yhûmbyù wuì ê, núngmòq lé haû Yhûmsîng Garai shî su ga taî ri;
nàp wuì târâ ràp-rá hkyô chûng keq;
lú zo huî é sû lé, zìk zo zìk shuq su é lòq mai hkyi xe yù keq;
haû a nghut jáng, núngmòq kut é agè ashop hkyo é yánmai,
Ngá é nhikmó-yo hkyô jé mù,
ó yùq le a wó sat é myi su nyé nyî râ nghut lhê.
13“Ngá-mòq lé ó wó htuqhtíng râ lhú?
Ngá-mòq é nghêhkaû jowò má ó wó wâng râ lhú?” ga taî é,
langhkaû mâ é lùqgòk bùm má nyi é Yerusalem ê,
Ngò gi, núngmòq lé htuqhtíng râ nghut lhê ga haû Yhûmsîng Garai taî pyo ri.
14Ngò gi, núngmòq é hkyîzó lòqzó eq gíngdán é eq rajung za,
mara dam byi râ nghut lhê.
Ngò gi, núngmòq é yòso mó lé myi tuq kat râ nghut mù,
haû gi, núngmòq é lhînghkyùq mâ é jung hkangmó lé nyé jôm pyám râ nghut lhê ga haû Yhûmsîng Garai taî pyo ri.’ nghû keq.” ga tû taî ri.
Currently Selected:
Yeremi-aq 21: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.