Yeremi-aq 24
24
Hkohúm-shi Kyáng Í Kyâng É Hkyô
1Babelon hkóhkâm Nebuhkatneza èq, Yudaq hkóhkâm Yehoi-akim é yhang zo Yehoi-ahkin, Yudaq mâ é zaugun wuì, zui saí lòqmú kung bang, ajung jûng é làksima pé lé, Yerusalem wà mó mai Babelon shut shúm byu pé dông shuî ló byùq é htâng, haû Yhûmsîng Garai gi, ngo lé, haû Yhûmsîng Garaî é noqkuq yhûm hí má tô tô é hkohúm-shi í kyáng tûn shit ri. 2Ra-kyáng má gi, sânghi myhîng é su gyai já é hkohúm-shi bo tô ri; gó-kyáng má gi, ra-tsuí le a réng, zo whuî le a mu é hkohúm-shi bo tô ri.
3Haú hkûn, haû Yhûmsîng Garai gi, ngo lé, “Yeremi-aq, nàng haî myang ri lhú?” ga myî ri.
Ngò gi, “Hkohúm-shi myang ri. Já é hkohúm-shi gi, gyai já ri; a já é hkohúm-shi gi, zo whuî a mù nghut ri.” nghû tû taî é nghut lhê.
4Haú hkûn, haû Yhûmsîng Garaî é mungdang ngá chyáng jé é gi, 5“Isira-elaq é Garai Gasang, haû Yhûmsîng Garai shî su ga taî ri; ‘Shí mau mai, Babelon byu pê é mau má shúm byû dông Ngò nhang kat é Yudaq byu pé lé, shî já é hkohúm-shi dông Ngò sôn yu é nghut lhê. 6Ngò gi, yhángmòq é gè hkyo é matú Ngá é myòqjí èq wú mâgum nyì râ nghut mù, yhángmòq lé shí mau má dum shuî lò râ nghut lhê. Ngò gi, yhángmòq lé, a hpyoq hpyi pyám lô é za rago saî xuq to râ nghut lhê; Ngò gi, yhángmòq lé, a nùt pyám lô é za hô to râ nghut lhê. 7Ngò, haû Yhûmsîng Garai nghut é lé wó sê é i-myìt, yhángmòq lé Ngò kat byi râ nghut lhê. Yhángmòq gi, yhángmòq é i-myìt nhiklhum bànshoq èq Ngá chyáng lhing lò kôrâ nghut mù, Ngá é byu pé dùt luî, Ngò gi, yhángmòq é Garai Gasang dùt râ nghut lhê.
8Nghut kôlhang, Yudaq hkóhkâm Zedeki-a lé le, yhâng é zaugun wuì eq Yerusalem wà mó má nyi myìt gyó tô é bang lé le, shí mau má nyi tô é nghut nghut, Egutuq ming má nyi tô é nghut nghut, haû zo whuî a mù é, a já é hkohúm-shi pé lé su kut pyám râ nghut lhê. 9Ngò gi, myìdàm htoq mâ é mîngdán bànshoq má gyùq chiq hpo dùt râ matú, yhángmòq chyáng ihkyùp mó jé nhâng râ nghut lhê; Ngò, yhángmòq lé hkat pyo hâng kat é jowò hkangmó má, yhángmòq gi, lùmù gànsâng hkyô, gya dang taî kún hpo, nhîng pyám hkyô eq dâkam pyám hkyô dùt kôrâ nghut lhê. 10Ngò gi, yhángmòq eq yhángmòq é îchyí îwâ pé lé ngò byî tô é maumyî mai yhángmòq lé lhoqhtên pyâm é hkûn jé shoq, yhángmòq lé htîm nyì râ shâm, mùtmó gyó hkyô eq wúm pé lé nhang kat râ nghut lhê.’ ga haû Yhûmsîng Garai taî ri.” gâ ri.
Currently Selected:
Yeremi-aq 24: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.