Yeremi-aq 29
29
Shúm Zûng Hui Bang Lé Hun É Laiká
1Laiká shî mâ é dang pé gi, shúm zung é mai nyi myìt tô é sûwún wuî, hkyangjông pé, myìqhtoî pé eq Yerusalem wà mó mai Nebuhkatneza èq Babelon wà mó shut shúm byû dông shuî ló huî é gótû shiwa byù bànshoq lé, Yerusalem wà mó mai myìqhtoi Yeremi-aq hun kat é dang nghut lhê. 2Laiká haû gi, Hkóhkâm Yehoi-ahkin eq yhâng nu, Yudaq eq Yerusalem wà mó mâ é u-nuk pé eq ushuq pé, zui saí lòqmú kung bang eq ajung jûng é làksima pé lé, Yerusalem wà mó mai shúm byû dông shuî ló byùq é htâng má kâ é nghut ri. 3Yeremi-aq gi, laiká haú lé, Yudaq hkóhkâm Zedeki-a èq Babelon má nyi é Hkóhkâm Nebuhkatneza chyáng nhang kat é, Shahpan é yhang zo Elasa eq Hiliki-a é yhang zo Gemari-a nhik é lòq má àp byî kat é nghut ri. Laiká má kâ tô é gi,
4“Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai gi, Yerusalem wà mó mai Babelon shut chyup shuî ló nhang é shúm byu pé bànshoq lé shî su ga taî ri; 5‘Yhûm pé saí mù, nyì keq; hkyâm pé saí mù, haû mâ é ashi pé zo keq. 6Myi byi myi yû kut mù, yùqzo byìzô pé hkû keq; yhángmòq le yùqzo byìzô pé hkû mù, byù du wó lhoqmyo kó sháng gàq, yùqzô pé lé myi yû byi mù, byìzô pé lé myi ló nhâng keq. Byù du hkâ lhoqyôm nhâng kó. 7Núngmòq lé chyup shuî ló nhang é wà má nguì ngón hkyô eq nyì ngón yùqyò hkyô hô mù, wà hau é matú Yhûmsîng Garaî chyáng kyûdung byi keq; hkâsu mù gâ le, wà haû nyì ngón yùqyò jáng, núngmòq le nyì ngón yùqyò kôrâ nghut lhê.’ gâ ri. 8Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; ‘Núngmòq chyáng nyi é myìqhtoi pé eq bùt hpyit bang lé, hkâ-mhaú zô yù nhâng kó. Núngmòq myàng nhâng nau é yhupmòq lé hkâjíng kó. 9Ngá é myìng lang luî, núngmòq lé mhaû é myìqhtoi htoi byî é bang nyi lhê; yhángmòq lé Ngò nhang kat é a nghut.’ ga haû Yhûmsîng Garai taî pyo ri.
10Haû Yhûmsîng Garai shî su ga taî ri; ‘Babelon wà mó má nyhit xê zàn byíng jáng, Ngò gi, núngmòq lé lé kum râ nghut mù, Ngò danghtum htûm tô é lé lhoqdìk râ nghut luî, núngmòq lé shí jowò má shuî taû lò râ nghut lhê.’ gâ ri. 11Haû Yhûmsîng Garai taî pyo é gi, ‘Hkâsu mù gâ le, núngmòq é matú Ngò htung to byî é hkyô lé Ngò sê lhê; núngmòq lé lhoqhtên pyám râ a nghut é za, Ngò gi, núngmòq nyì ngón yùqyò râ matú htung to byî é htoq agó, myòqbyù hkyô jòq é htângnùng lhê é matú le htung to byi bê nghut lhê. 12Núngmòq gi, Ngo lé wùt kôrâ nghut mù, Ngá chyáng kyû lé dung kôrâ nghut lhê; haú hkûn, Ngò gi, núngmòq é dang lé gyo byi râ nghut lhê. 13Núngmòq gi, núngmòq é i-myìt nhiklhum bànshoq èq Ngo lé hô kô é nghut jáng, núngmòq, Ngo lé myang hô kôrâ nghut lhê.’ gâ ri. 14Haû Yhûmsîng Garai taî pyo é gi, ‘Ngo lé, núngmòq èq myang hô kôrâ nghut mù, Ngò gi, núngmòq lé shúm zung é mai shuî taû lò râ nghut lhê. Ngò gi, núngmòq lé, byù myû bànshoq bâng chyáng mai le, Ngò, núngmòq lé hkat hâng kat é jowò pé mai le shuî tsîng yù mù, Ngò, núngmòq lé shúm zûng nhang é jang mai, núngmòq lé shí jowò má shuî taû lò râ nghut lhê.’ gâ ri; haû gi, Yhûmsîng Garai taî pyo ri.
15‘Haû Yhûmsîng Garai gi, Babelon wà mó má ngá-mòq é matú myìqhtoî pé nyì nhang ri.’ ga núngmòq taí kôrâ nghut lhê. 16Nghut kôlhang, Dawiq é hkóhkâm tángmyhâng má zung é hkóhkâm hpó eq, wà shî má nyi myìt tô é byù bànshoq nghut é, núngmòq eq rahá shúm zung é a bo huî é núngmòq é a-myû gu-mang wuì eq séng luî, haû Yhûmsîng Garai shî su ga taî ri. 17Gè gè yhang, haû Wum-o a-tsam dìk shoq bò Sû Yhûmsîng Garai shî su ga taî ri; ‘Ngò gi, yhángmòq lé, shâm, mùtmó gyó é eq wúm gyó é èq htim nhâng râ nghut mù, a ge zo loshoq bùp byùq é hkohúm-shi pé su dùt byùq nhâng râ nghut lhê. 18Ngò gi, yhángmòq lé, shâm, mùtmó gyó é eq wúm gyó é hkyo èq châng hkat mù, myìdàm htoq mâ é mîngdán bànshoq má chaq pyâm é hui nhâng luî, Ngò, yhángmòq lé hkat hâng kat é mîngdán bànshoq má, yhángmòq lé, nhîng pyám hkyô, gyùq chiq hpo alhô agàn, rhoî dang taí jang eq lùmù gànsâng jowò kut pyám râ nghut lhê.’ gâ ri. 19Haû Yhûmsîng Garai taî pyo é gi, ‘Hkâsu mù gâ le, yhángmòq gi, yhángmòq chyáng Ngò nhang kat é Ngá é duìnhâng zoshâng myìqhtoî pé lé adàm dàm taí nhang é dang nghut é, Ngá é dang pé lé a gyo kut bekô nghut ri. Shúm zung é bang núngmòq le, a gyo kut bekô nghut ri.’ gâ ri; haû gi, Yhûmsîng Garai taî pyo ri.
20Haû mù, Yerusalem wà mó mai Babelon wà mó shut nhang kat é shúm byû núngmòq bànshoq bang gi, haû Yhûmsîng Garaî é dang lé gyo keq. 21Ngá é myìng lang luî núngmòq lé mhaû é myìqhtoi htoi byî é, Kolai-a é yhang zo Ahap eq Mase-a é yhang zo Zedeki-a nhik eq séng luî, Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; ‘Ngò gi, yhángnhik lé, Babelon hkóhkâm Nebuhkatneza é lòq má àp byî pyám râ nghut luî, yhang gi, núngmòq é myòq hí má yhang, yhángnhik lé sat pyám râ nghut lhê. 22Yhángnhik é yánmai, Babelon wà mó má nyi é Yudaq mau mâ é shúm byû bànshoq bang gi, “Haû Yhûmsîng Garai gi, Babelon hkóhkam èq myi má nyhê sat é Zedeki-a eq Ahap nhik lé su, nang lé kut sháng gàq.” ga nhing dang taí kôrâ nghut lhê. 23Hkâsu mù gâ le, yhángnhik gi, Isira-elaq a-myû má ashop dik é hkyô kut bekô nghut ri; yhángnhik gi, yhángnhik é yhûmkyochâng é myiwe lú bekô nghut ri; yhángnhik gi, Ngò pying tô é le a nghut é za, Ngá é myìng lang luî, mhaû taí bekô nghut ri; Ngò gi, haú hkyô lé sé mù, haú hkyo é sàksé nghut lhê.’ gâ ri.” gâ ri; haû gi, Yhûmsîng Garai taî pyo ri.
Shemai-a É Matú Danglù
24Nehelam byù Shemai-a lé taî kyo aq; 25“Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su ga taî ri; nàng gi, Yerusalem wà mó má nyi é byù bànshoq lé le, Mase-a é yhang zo hkyangjong Zehpani-a lé le, gótû hkyangjông pé bànshoq lé le, náng é myìng mai laiká pé tsing ká byî kat mù, Zehpani-a lé, 26‘Haû Yhûmsîng Garai gi, nang lé, haû Yhûmsîng Garaî é yhûm má wú gon râ matú, Yehoi-ada é jowò má hkyangjong wò htaî hun to bê nghut ri. Haû mù, nàng gi, yhûmsîng myìqhtoi nghut lhê ga wû wún é sû lé, kyum hut hkup eq jòqtoq tui pê èq tuî lhûng to râ dùt lhê. 27Haû nghut le wá, nàng gi, núngmòq chyáng yhûmsing gùng lé myìqhtoi nghut lhê ga mhaû é, Anahtot wà byù Yeremi-aq lé, haî mù a tân pyâm é lhú? 28Yhang gi, gyai myáng shirâ nghut lhê mù, yhûm pé saí luî, nyì keq; hkyâm pé saí mù, haû mâ é ashi pé zo keq ga, ngá-nhúng lé Babelon má danglù hun kat é nghut ri mhaî.’ ga taî ri.” nghû àq.
29Nghut kôlhang, hkyangjong Zehpani-a gi, myìqhtoi Yeremi-aq lé laiká haû nghap kyô ri. 30Haú hkûn, haû Yhûmsîng Garaî é mungdang Yeremi-aq chyáng jé é gi, 31“Shúm zûng bang bànshoq lé danglù shî su nghû hun kat àq; ‘Nehelam byù Shemai-a eq séng luî, haû Yhûmsîng Garai shî su ga taî ri; Shemai-a gi, yhang lé Ngò a nhang é nghut kôlhang, núngmòq lé myìqhtoi htoi byi mù, núngmòq lé, mhaû é dang lùmjíng nhâng bê nghut é yánmai, 32haû Yhûmsîng Garai shî su ga taî ri; Ngò gi, gè gè yhang, Nehelam byù Shemai-a eq yhâng é awùt ashîn pé lé mara dam byi râ nghut lhê. Yhâng é byu pé rayùq le nyi myìt to râ a nghut é htoq agó, yhang gi, Ngá é byu pê é matú Ngò kut byi râ nghut é gè hkyô pé lé le myàng râ a nghut; hkâsu mù gâ le, yhang gi, Ngo lé gumlau toq é dông hko kyo bê nghut ri ga haû Yhûmsîng Garai taî pyo ri.’ gâ ri.” ga taî ri.
Currently Selected:
Yeremi-aq 29: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.
