Yeremi-aq 43
43
1Yeremi-aq gi, yhángmòq é Garai Gasang nghut é, haû Yhûmsîng Garai taí nhang é eq rajung za, shiwa byu pé lé mungdang bànshoq taî kyo jáng, 2Hoshai-a é yhang zo Azari-a, Kare-a é yhang zo Yohanan eq nghutbûn é byù bànshoq bang gi, Yeremi-aq lé, “Nàng mhaû nyi ri! Ngá-mòq é Garai Gasang nghut é, haû Yhûmsîng Garai gi, ‘Egutuq ming má ê nyi byùq râ matú, núngmòq ge ê râ a nghut.’ ga, nang lé lé taí nhang é a nghut. 3Nghut kôlhang, Babelon byu pé gi, ngá-mòq lé sat pyám râ, a nghut jáng, shúm byû dông ngá-mòq lé Babelon wà mó shut shuî ló byùq râ matú, Babelon byu pê é lòq má ngá-mòq lé àp pyám râ ga, Neri-a é yhang zo Baruk èq nang lé shuî lâng nghoq yu é shèq ru nghut lhê.” ga taî bum akô nghut ri.
4Haû mù, Kare-a é yhang zo Yohanan, gyèzaû pé bànshoq eq shiwa byù bànshoq bang gi, Yudaq mau má nyi to râ matú, haû Yhûmsîng Garai hkunmó hkyô é lé jì-no a gyo kó nghut ri. 5Haû mù, Kare-a é yhang zo Yohanan eq gyèzaû pé bànshoq gi, gótû mîngdán bànshoq má lhoqpyo hâng kat huî é mai, Yudaq mau má lo dum taû nyì mù, nyi myìt gyó tô é Yudaq byù bànshoq lé shuî chûng bekô nghut ri. 6Hau htoq agó, yhángmòq gi, chyungxe zúng zau Nebuzaradan mai, Shahpan é yhang shu, Ahikam é yhang zo Gedali-a lé nyhi to byî é, yùqgè, myiwe, zoshâng wuì eq hkóhkam é yhang zo byìzô pé bànshoq lé le shuî chûng mù, myìqhtoi Yeremi-aq eq Neri-a é yhang zo Baruk nhik lé le jâng shuî chung akô nghut ri. 7Haû mù, yhángmòq gi, haû Yhûmsîng Garaî é jì-no a gyo kô é za, Egutuq ming shut wang ló mù, Tahpan-hesi wà má jé akô nghut ri.
8Tahpan-hesi wà má, Yeremi-aq chyáng haû Yhûmsîng Garaî é mungdang jé é gi, 9“Yudaq byu pé myang tô é má lùqgòk mó pé yù mù, Tahpan-hesi wà mâ é, Hpara-uq é hkóhkâm wâng hkum a-nàm, hkyô má jòq é tsohtung gyoro mâ é tso-kyín má myhup to aq. 10Hau htâng, yhángmòq lé, ‘Isira-elaq é Garai Gasang, haû Wum-o a-tsam dìk shoq bò Sû Yhûmsîng Garai shî su gâ ri; Ngò gi, Ngá é duìnhâng zoshâng Babelon hkóhkâm Nebuhkatneza lé nhang kat mù, Ngò myhup tô é lùqgòk haú pê é ahtoq má, yhâng é hkóhkâm tángmyhâng lé tsûng râ nghut lhê; yhang gi, yhâng é hkóhkâm zúm lé lùqgòk haú pê é ahtoq má tsung nghop to râ nghut lhê. 11Yhang gi, Egutuq ming lé lé htim mù, shî âng é bang lé shî nhâng, shúm zûng âng é bang lé shúm zûng nhâng, sham èq sat pyám âng é bang lé sham èq sat pyám, kut râ nghut lhê. 12Yhang gi, Egutuq ming mâ é hparà hpôlhô pê é yhûm pé lé nyhê hkyô pyám râ nghut lhê; yhang gi, hparà hpôlhô pê é yhûm lé nyhê hkyô pyám mù, hparà alhô pé lé yu ló râ nghut lhê. Sau zúng sû gi, yhâng é buhîng mâ é shin lé hpuq pyâm é su, yhang gi, Egutuq ming lé ko hkyô pyâm to luî, ló byùq râ nghut lhê. 13Hau htoq agó, yhang gi, Egutuq ming mâ é buì hpara é yhûm mâ é chyoiyúng zìng pé lé lhoqhkyop pyám luî, Egutuq ming mâ é hparà hpôlhô pê é yhûm pé lé nyhê hkyô pyám râ nghut lhê.’ nghû taî kyo aq.” gâ ri.
Currently Selected:
Yeremi-aq 43: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.