Yeremi-aq 45
45
Baruk É Matú Danglù
1Yosi-a é yhang zo Yudaq hkóhkâm Yehoi-akim ùp é myí zan zàn má, Neri-a é yhang zo Baruk gi, myìqhtoi Yeremi-aq taî kyô é dang pé lé laiká ding má kâ tô é hkûn, Yeremi-aq gi, yhang lé, 2“Baruk ê, Isira-elaq é Garai Gasang, haû Yhûmsîng Garai nang lé shî su ga taî ri; 3nàng gi, ‘Ngò dingnyé wó ri! Haû Yhûmsîng Garai gi, ngò myìt no nyi é má yón kuq hkyô jàt kat byî ri; ngò gi, iyon lûm yôn byùq mù, ngú myûng byùq bê nghut ri.’ ga taî ri. 4Nghut kôlhang, haû Yhûmsîng Garai gi, nang lé shî su nghû ê taî kyo aq ga ngo lé taî ri; ‘Haû Yhûmsîng Garai shî su ga taî ri; Ngò gi, myìdàm htoq gón mai, Ngò saî tô é lé hpyoq hpyi pyám mù, Ngò hô tô é lé nùt htoq pyám râ nghut lhê. 5Haû mù, nàng gi, náng é matú múzó mó hô shirâ lhú? Haú pé lé hkâhô lo. Hkâsu mù gâ le, Ngò gi, byù bànshoq htoq má hpu jamjau hkyô jé nhâng râ nghut lhê; nghut kôle, Ngò gi, nàng hká e ló kôle, náng lé chyungxe wó hpang lùt nhâng râ nghut lhê; haû gi, Yhûmsîng Garai taî pyo ri.’ nghû àq gâ ri.” ga taî ri.
Currently Selected:
Yeremi-aq 45: znot
Highlight
Share
Compare
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc.