Versets bíblics populars de John 16

Comparteix

Imaittumik uqautivagaffi uvapkun naammaqupluhi. Nunaum inunginni naglikhaaqtitauniaqtuhi. Ihumaaluktaililuhi akimavaktunga tapkunanga.”

Tamnali Ilumuurnim anirninga tikitkumi taffuma hivulliuniaqtaahi ilumuurnim apqutaanun tamainnun. Inminik uqarunairami, tuhariarumi kihimi uqautjiniaqtuq aahiin uqautiniaqtaahi taimaihinniaqtunik.

Hivun'ngani tukhiajuitpiaqtuhi atipkun: tukhiaritti piqaqupluhi quviahuqupluhilu akhutakjuaq.

Ilumuuqtumiglu uqautigijaraluaffi. Nakuutqijak iliffingnun aullaruma. Aullanngitkuma Ikajuqti qailimainman. Aullarumali tiliniariga tamna iliffingnun. Taffuma tikitkumi inuit kangiqhipkagniarain.

Iliffilu ajuqhaliqtuhi tatja. Ilaani takutqikkuffi uvamnik quviattakhungujuhi uummatiffingni. Talva quviahugunaiqtitaulimaiqtuhi inungnin talvangaanin.” Jesusim malirutini uqautijain uqaqhuni: “Ilumuuqtumik uqautigiffi. Humilliqaak tukhiarvigiguffiuk Angutiga atipkun taffuma tuniniaqtaahi taffuminga.

Ilumuuqtumik uqautigiffi. Iliffi quviahugungnaiqhungujuhi qialuhi. Nunaum inungit quviahukpiaqtillugit. Ilaanilu quviahugungnaiqqaarluhi quviattakniaraluarmiuhi.