Lucas 5
5
Ti kjuaxroan ijié kuènté koche
(Mt. 4:18-22; Mr. 1:16-20)
1 #
Mt. 13:1, 2; Mr. 3:9, 10; 4:1. *Ndá ijnko ña̱o kjuákꞌe chꞌin Jesús chrínta ti nda̱ñao Genesaret, la kóchjina nchónhña chojni kꞌuíxitja kícho sin kixin tjinkaon sin tsihin sin itén Díos.
2Ndá kꞌuíkon chꞌin Jesús kixin tjejó yaá ntabarco chrínta ti nda̱ñao. Ndá ti sin itsé koche mé tsíkꞌaxrjexín sin ntiha la kꞌuejó sin tjo̱nemá sin ti nchísén tséya sin koche. 3Ndá chꞌin Jesús kꞌui̱tꞌótjen ijnko ti ntabarco, mé tíha ti ntabarco kuènté chꞌin Simón, ndá chrónoéhe̱ chꞌan ti chꞌin Simón kixin sátsjiko ti ntabarco ti a̱ntsí siín ìnta̱. Ndá kjuákꞌetja̱xi̱n chꞌan nkaya ti ntabarco la kjua̱ko̱he̱ chꞌan kaín ti chojni kꞌuejó chrínta ti ìnta̱. 4A̱ndá ti ó kjuixin nixja chꞌin Jesús, la ndáche chꞌan ti chꞌin Simón:
―Tjiko̱a ti ntabarco í ti tjiá ìnta̱ ni̱nka ndá ité ti nchísén tse̱ya koche.
5 #
Jn. 21:3. *Ndá kjuáte̱he chꞌin Simón, ndáchro:
―Maestro, kjuíchꞌeni ixra̱ kuenté tie la tséhyani ninkehó koche. Kjánchó ti jaha této̱an la tsochrꞌáni ti nchísén ínaá.
6 #
Jn. 21:6. *Ndá xi̱kaha kjuíchꞌe sin, la nchónhña koche itsé sin la ti nchísén la kjuankíxin tinkákꞌichje. 7Ndá kjua sin itja sin kixin chróxrakoa ti sin chꞌeko sin ixra̱ tjejóxehen ti íjnko ntabarco kixin tsjinki̱tsa. Ndá xráka̱o sin ti ntabarco la kjuínchekaón sin koche yóí, hasta chjina chrókꞌuaniánkí ìnta̱. 8Ndá ti ó xi̱kaha kꞌuíkon chꞌin Simón Pedro la kjuákꞌexín chꞌan tochꞌin chꞌan nkayakon chꞌin Jesús la ndáchro chꞌan:
―Ti̱to̱héni, Ìnchéni, kixin jeheni la ijnko chojni chónta nchónhña ijie̱.
9Mé xi̱kaha ichro chꞌan kixin chrakon chꞌan la ko kja̱xin chrakon ti íso sin tjejóko chꞌan kixin xi̱kaha kóhen itsé sin nchónhña koche. 10La kja̱xin Jacobo la ko Juan, xje̱en Zebedeo, nkoko̱a chꞌeko ixra̱ chꞌin Simón, chrakon sin, kjánchó chꞌin Jesús ndáche ti chꞌin Simón:
―Chrakonhña. Senó la koche kꞌuétsé A̱ndá ijie la chojni tsjéyá ―ichro chꞌin Jesús.
11Ndá ti ó kjuíjiko sin ti ntabarco chrínta ìnta̱ la kuíto̱he sin kaín la chréhe̱ sin chꞌin Jesús.
Kuíto̱he jína ijnko chojni chónta chinlepra
(Mt. 8:1-4; Mr. 1:40-45)
12A̱ndá kjuíji chꞌin Jesús ijnko chjasin, ndá ikui ijnko chojni níhi chónta chinlepra. La ti ó kꞌuíkon chꞌan ti chꞌin Jesús la kjuákꞌexín chꞌan tochꞌin chꞌan, chrónòa chꞌan, ndáchro chꞌan:
―Ti tjinkaoan la jína chrókjui̱nchekito̱héni jína.
13Ndá chꞌin Jesús kjuakꞌetja tja ti si̱níhi, la ndáchro:
―Jeén tjínka̱oan. Tito̱ha jína.
Ndá tuénxín kjuìin ti chinlepra la kuíto̱he chꞌan jína. 14#Lv. 14:1-32.*Ndá kꞌue̱to̱an chꞌin Jesús kixin ninkexró tsochenkahya chꞌan. La ndáchro chꞌan:
―Jehó titsjehé ti ncha̱tꞌá la tjánjua ti nkehe tsíkꞌe̱to̱an Moisés kixin xi̱kaha tso̱noexín kaín chojni kixin ó kuito̱ha jína ―ichro chꞌin Jesús.
15Kjánchó a̱ntsí kꞌuixikónohe kaín chojni ti kjuaxroan kjuasin chꞌan, la nchónhña chojni kóchjina sin kixin tsihin sin nkehe tjako chꞌan, la ko tsito̱he sin jína. 16Kjánchó chꞌin Jesús la kꞌuaxrjenta ti kohya chojni la nixje̱he̱ chꞌan Díos.
Kuíto̱he jína ijnko nkexro tsíkꞌen to̱té
(Mt. 9:1-8; Mr. 2:1-12)
17A̱ndá jnko ña̱o kjuákꞌe chꞌan kjuako la ntiha kꞌuejótja̱xi̱n iso ti sin fariseo la ko ti sin tjako ley, tsíkji̱xi̱n sin kaín ti chjasin tjejó Galilea la ko kaín ti chjasin intsí kuènté Judea la ko ti chjasin Jerusalén. Ndá ti kjuachaxin kuènté Díos kjua̱ko̱xi̱n chꞌin Jesús kixin jína nchekito̱he chꞌan chojni jína. 18Ndá ntiha ikui iso chojni tinkátsénkí sin ijnko nkexro tsíkꞌen to̱té tjenkáya ijnko kania. La tjinkaon sin chrókꞌuixenko sin chꞌan ti nchia la chrókjuakꞌe sin chꞌan ti itjen chꞌin Jesús. 19Kjánchó xitjahya tsꞌixehen sin kixin nchónhña chojni síxehen ti nchia. Ndá kꞌui̱tꞌótjen sin chritaón, la koxratꞌo̱ sin ti nchia la ntiha kjuinkaji̱nxi̱n sin ti si̱níhi tjenkáya jnko kania hasta ti itjen chꞌin Jesús. 20Ndá ti ó kꞌuíkon chꞌin Jesús kixin chaxín titekaon sin, la nixje̱he̱ chꞌan ti nkexro níhi, ndáchro chꞌan:
―Xje̱eni, ó kjuixin kjuìihan ti ijie̱ chonta.
21A̱ndá ti sin tjako ley la ko ti sin fariseo mé kjuankíxin ikjo a̱sén sin ndáchro sin: “¿Xá nkexro tíhi kixin chꞌéna a̱sén Díos? Ninkexró xitjahya tsjakjìin iji̱é chojni jehó Díos mé chónta kjuachaxin tsja̱tse̱n tíha.”
22Ndá chꞌin Jesús ó nohe nkehe tjenka̱yáxin sin, la ndáchro chꞌan:
―¿Nkekuènté xi̱kaha tjénka̱yáxinra? 23¿Nkehe a̱ntsí xra̱hya chróndátjan ti nkexro i? ¿Kixin ti ijie̱ chónta chꞌan la ó kjuixin kjuìin, o̱ á a̱ntsí xra̱hya chróndátjan chꞌan: “Tꞌínkatjen sátjia”? 24A̱ndá ijie tsjáko̱xia̱n kixin ti Xje̱en Díos kꞌóna Chojni mé chónta kjuachaxin ntihi chjasintajni tsjakjìin iji̱é chojni.
Ndá kꞌue̱tue̱hen chꞌan ti nkexro tsíkꞌen to̱té#5:24 tsíkꞌen to̱té paralítico, ndáchro chꞌan:
―Tꞌínkatjen, tjatsían ti ka̱ni̱a̱a la sátjia ndo̱a ―ichro chꞌan.
25Ndá tuénxín kꞌuínkatjen ti nkexro tsíkꞌen to̱té nkayakon kaín sin la kjua̱tse̱n chꞌan ti kania kꞌuékjaketákꞌá chꞌan la sákjuí chꞌan ndo̱e chꞌan tinkáchjéhe chꞌan Díos kjuasáya. 26Ndá kaín sin imá chrákon sin la chjéhe sin Díos kjuasáya ndáchro sin:
―Ijie kꞌuíkoni ijnko kjuaxroan ijié ―ichro sin.
Chꞌin Jesús kꞌuéye̱he̱ chꞌin Leví
(Mt. 9:9-13; Mr. 2:13-17)
27Ndá chrꞌéxi̱n kꞌuaxrjexín chꞌin Jesús ntiha, la kꞌuíkon chꞌan ijnko nkexro nchekjènki̱ itꞌin Leví, tjetja̱xi̱n ijnko nchia tjechꞌe cobra. Ndá chꞌin Jesús ndáchro:
―Chréhé ti janhan.
28Ndá chꞌin Leví tuénxín kꞌuínkatjen la kuíto̱he chꞌan kaín nkehe la chréhe̱ chꞌan Jesús.
29Ndá chrꞌéxi̱n chꞌin Leví kjuasin chꞌan ijnko kia ijié ndo̱e chꞌan, kjuikosáyexín chꞌan Jesús la kja̱xin ntiha kꞌuejó itsjé ti sin nchekjènki̱ la ko íso chojni kjonieko sin chꞌin Jesús. 30#Lc. 15:1, 2.*Ndá ti sin fariseo la ko ti sin tjako ley mé kjuankíxin kjonta sin ti sin kꞌuájiko chꞌin Jesús, ndáchro sin:
―¿Nkekuènté ntekoara la ko tꞌiko̱ara ti sin nchekjènki̱ la ko ti sin chónta ijie̱?
31Ndá chꞌin Jesús kjuáte̱he, ndáchro:
―Ti chojni níehña la ticháxie̱nhña sin nkexro tsjajon xro̱a̱n. Jehó ti chojni níhi mé ticháxi̱hin nkexro tsjajon xro̱a̱n. 32Janhan la kꞌuinkakjéyáhya ti chojni jína tjejó. Kꞌuinkakjéyá ti chojni chónta ijie̱ kixin chrókuíto̱he sin ti iji̱é sin la chrókjuinkí sin ti nkehe tjenka̱yáxin sin.
Tjanchankíhi sin kuènté ti niehña chojni kixin tsonixje̱he̱ sin Díos
(Mt. 9:14-17; Mr. 2:18-22)
33Ndá kjuanchankíhi sin chꞌin Jesús, ndáchro sin:
―¿Nkekuènté kixin ti sin kuékꞌajiko chꞌin Juan la nkoya̱xón niehña sin kixin nixje̱he̱ sin Díos, la xi̱kaha ichꞌe ti sin xriko ti sin fariseo, a̱ndá ti sin xriko̱a la inie sin la ko itꞌi sin?
34Ndá chꞌin Jesús, ndáchro:
―¿Xá jína chrókjoniehña ti chojni tsíkꞌeye̱he̱ sin ijnko kia ti na̱xa̱ tjejóko sin ti nkexro tsíkóte̱he ní? Ti na̱xa̱ itjen ti nkexro tsíkóte̱he la xitjahya chrókjoniehña sin. 35Kjánchó tsjixraká ti ña̱o tsotsé chojni ti nkexro tsíkóte̱he la sátsjiko sin chꞌan ndá ti sin tsíkóchjina la tsꞌává sin la í siniehña sin.
36Kja̱xin kjuíncheyóe̱xin chꞌin Jesús, ndáchro:
―Ninkexró tatéhya ijnko ika ni̱xin ndá tjakꞌeñéhe ijnko ika ntaxin kixin ti xi̱kaha la chrókꞌuitjáña ti ika ni̱xin, la ko kja̱xin ti tꞌo̱ ti ika ni̱xin la tso̱yóe̱hya ti ika ntaxin. 37La xitjahya chrókui̱ki̱a chojni ixran ni̱xin ijnko tjua̱xran ó ntaxin kixin ti ixran ni̱xin la chrókótséchje ti tjua̱xran ndaxin ndá chrókꞌuitjáña ti ixran la ko ti tjua̱xran kja̱xin. 38Méxra̱ ti ixran ni̱xin la chrókuikia ijnko tjua̱xran ni̱xin kixin yóí la chrókꞌuitjáñahña. 39La ninkexró ti ó tsjexín ti ixran ntaxin na̱xa̱ chrókóxríhi̱n chrókꞌui ti ixran ni̱xin. Náhí. Tsondáchro kixin a̱ntsí jína ti ixran ntaxin ―ichro chꞌin Jesús.
S'ha seleccionat:
Lucas 5: poeNTplus
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.