Pi zi tiki 15
15
Alaw a za bonu gaini Abram
1Asakalni wazagai hanɗa, EPIƊ-ƊAI a miɗini wiini Abram war wala zi siŋki maini nɵa: Abram, ku huna kai, aga mu za aŋ gamar na wiiku, vrakku aga a za abai lai. 2Abram a wiyini seŋ: Epiɗ-ɗai Alaw, n'aga ku saŋa ɗa a maɗa? Mu mrafuna ahiya kai, bulumŋa ɗa a hinafuna tini Eliyazar na Damaskus par koo.
3Abram a muɗa: Tala, ku saŋa pinziba kai, n'aga a mula bulumŋa hanɗa a ktai arbaɗi nagai na war dalamŋa. 4Nɵa EPIƊ-ƊAI a miɗini maini nɵa: Zaw kai, ni n'aga a mula bulumku ɗa, aga ku waŋ ku tuku mal. 5A kaŋsi anene, a miɗini: Tala hlai n'amai ɗa, pɵa meeɵek na warni ɗa, na ɓa ku kiɗa aŋ pɵaŋ ya ɗa, asakal a miɗini: Pinzibaku aga a za maini hanɗa ɵa lai. 6Abram a tika yimini midini Alaw, hanɗa a pɵa burini aŋ jre-ɗikat.
7A miɗini: Mu ta n'EPIƊ-ƊAI, na mu yumukusi edi war Ur na wiiɗi Kaldekai par, aŋ suku afti hanɗa aŋ wiiku. 8Abram a zilbaŋ: Epiɗ-ɗai Alaw aga mu sɗa ɓa aga mu navaŋ sini a maɗa? 9EPIƊ-ƊAI a miɗini: Ku piyitiŋa ahi ɵai na gunai buza hu, hiiki na buza hu, adime na buza hu, mokokurai ktai gaini ahi dere n'agwi ktai lai. 10Abram a payasi wazagai hanɗa paŋ, a ɓasaŋ arba kal-kal kal-kal, a mula gal na sulu paŋ mini marni ca ca, amma a ɓurwa wazagai zi ɗufli ɗa kai. 11Bagasakai a niyasi azumai midini wazagai zi fiɗi hanɗa, amma Abram a birgaŋ. 12Won hlai na futi te nawa li, weseŋ n'abai a yima Abram, hunai n'abai gaini gegeŋ na tikiɗim a wasi azumai midini Abram. 13EPIƊ-ƊAI a miɗini wiini Abram, ku yimaŋ muduku ɓa: Pinzibaku ɗa aga e simni aŋ jak midini afti na wiiɗi kai. Aga e bindiɗi aŋ bagakai, aga e siɗiɗi gir arɗi haa buza miya puɗu. 14Amma aga mu zitiɗi sariya wiini pinziba na e ɗi ka aŋ bagakaiɗi ɗa, aga e niyisi edi midini aftini par gaini wazagai tiɗi viya. 15Tuku aga ku mra, ku hala piɗi tamaiku war ɵeɗ, aga e puku warɗi wuli zi muluk 16War pinziba n'ag'aŋ puɗu, pinzibaku aga e wiyisi won na, buri meefeŋ na wiiɗi Ammonitekai a va amai pulmuɗuk kai ba. 17Won hlai na futi te nawa li, war gegeŋ, tili afu n'abai a na ya gaini elesni afu lai a vugasi arbani galni wazagai n'e fiɗiŋ ɗa. 18War mefeŋ ni, EPIƊ-ƊAI a za bonu gaini Abram a miɗini: Afti hanɗa aga mu saŋ sini pinzibaku, sini ra n'Egipte par haa sini ra n'abai na Öfrata par. 19Kenitekai, Kenezitekai, Kadmonitekai, 20Hititekai, Perizitekai, Refayitekai, 21Amoritekai, Kanaaniyakai, Girgazitekai gaiɗi Yebuzitekai lai.
S'ha seleccionat:
Pi zi tiki 15: MUSGUM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964