LUK 12
12
Thilnu Lakah Thiamthihnâk
(Mat 10.26-27)
1Chu liauah, mi zapi tam tak lamh chukmâk rê hen an hawng a pûm rawh chun, Jisu nih a masa chem hen a ṭhiruai tla sinah, “Farisai tla thilnu perpetnâk lakah chun a thiamthih u. 2Langlo ding hen thuh zeikhawm a um lo; theihlo ding hen pheh zeikhawm a um lo. 3Churuangah mûi ah nan sim mi zawng kha chêu ah an theih lai le, in kardang sung ah nâ ka ah nan thusim kha in tlûnah a chuan hen an phuang lai.
Ṭih Ding Mi Chu
(Mat 10.28-31)
4“Chun, hâwi le tla, ka nan simh na, taksa thah hen, chu nûnah zei dang khawm ti kho lo rawhtu tla chu ṭih lah u. 5Sikhawmsele, nan ṭih ding mi chu âu me si ka nan simh na lai; thah nûn khawm ah Gehena ah lawnh khonâk thuneitu Pathian chu ṭih u; asi, ka nan simh na, amah tak chu ṭih u.
6“Phâisenphittê panga assaria#12.6 Assaria khat chu denari mun leiruk ṭhen hen mun khat tluk asi. nih hen an zuar tâwn lo mazei? Sikhawmsele, an lakah pakhat khawm Pathian nih a relh dahlo. 7Nan samzâi tla tiang khawm hi rêl ver asi. Ṭih lah u; phâisenphittê tam tak ngâk hen nan sung dauh asi.
Thlarau Thenhlimh Simsâwitu Chu Ngaihdam Kho Asi Lo Zia
(Mat 10.32-33; 12.32; 10.19-20)
8“Chun, ka nan simh na, mi le mâika ah hawng ka ṭanhtu zawng Pathian vânmifial tla mâika ah Minung Fapa nih a ṭanh bâk lai. 9Sikhawmsele, mi le mâika ah hawng ka phehtu chu Pathian vânmifial tla mâika ah pheh asi bâk lai.
10“Chun, Minung Fapa simsâwitu zawng chu ngaihdam piak asi lai; Thlarau Thenhlimh simsâwi lam chu ngaihdam piak asi lai lo.
11“Chun, pumhnâk in ah mi tla, lal tla leh hotu tla mâika ah an kalpi na tikah chun, ‘Zeitin me, zei thu me ka sâng lai, zei thu me ka sim lai,’ ti hen lawksawng lah u; 12a tik takah chun nan sim ding mi chu Thlarau Thenhlimh nih a nan simh na lai,” a ti.
Minei  Tahṭhimhnâk
13Mi zapi lakah mi âunih mawh Jisu sinah, “Sîntirtu, ka u sinah kan pa nih hawng kan rauh mi ro hawng ka ṭhenh bâk ding hen simh,” a ti.
14Sikhawmsele, anih nih chun a sinah, “Minung, nannih tlûnah âunih me lâirêltu ah leh sum ṭhenhtu ah hawng ka siam?” a ti. 15Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.
16Chun, an sinah tahṭhimh thu a sim le, “Minei âumawh thungâi a bâwngmal le; 17chun a ruat le, ‘Zeitin ka ti lai aw? Ka mîm-le-fâng siahnâk ka nei lo,’ a ti. 18Chun, tihin ka ti lai; ka fângbâwk ka siat lai le, lian dauh hen ka sak lai le; chunah chun ka fâng leh ka neih zawzawng ka pumh lai. 19Chun, ka thlarau sinah, ‘Thlarau, kum tam tak rangah neih tam tak na khawng mi hi; a dîn le, ei hen bâr le, lâwptlo tak hen um rawh ka ti lai, a ti. 20Sikhawmsele, Pathian nih a sinah, Mi â, tuzân hin na thlarau an lâk piak awt asi; na thil timhtuah tla kha âu tâ me si lai rawh ne?’ a ti. 21“Mah rangah neih khawng hen, Pathian leiah khawng lo mi chu, chu hâwi chu asi tâwn,” a ti.
Pathian Zumhnâk
(Mat 6.25-34)
22Chun, ṭhiruai tla sinah, “Churuangah ka nan simh na, Zei me ka ei lai aw?’ ti hen nan nungnâk thu leh, ‘Zei me ka fenh hen ka aih lai aw?’ ti hen nan taksa thu lungkham lah u. 23Ei ding ngâk hen nungnâk a sung dauh asi, nipuan ngâk hen taksa a sung dauh asi. 24Langâk tla hi dawn nik u, fâng an tuh lo, an ât lo, pang leh fângbâwk tla khawm an nei lo; sikhawmsele, Pathian nih a châwm; nannih chu vâ tla ngâk hen chun nan sung-û dauh asi. 25Nannih lakah lawksawng ruangah âunih me mah dung dâwng#12.25 ‘Dawng’ khat chu inchi 17.5 tluk asi. khat hen a sap kho? 26Hi tê men nan ti kho lo mi, zei rangah me thil dang nan lawksawng tâwn? 27Tuktin pâr ṭhang zia hi ruat nik u; rian an ṭuan lo, lâ khawm an kher lo; sikhawmsele, ka nan simh na, Solomon a rokualnâk zawzawng hen â thuam mi men hi bang tuktîn pâr pakhat tluk khawm hen thuamh hen a um lo. 28Chuvachun, mâng belh, tusûn ah nung, a thâituan ah lungthu kâ ah tih nawlh ding men Pathian nih chu tluk rak hen a thuamh chun, aw nannih lung tâwm tla; chu ngâk chun nipuan an pêk khun na lai!
29“Chun, nan ei ding tla, nan din ding tla hâwl lah u; lawksawng hen um lah u. 30Laikulh phun kip nih chubang zawzawng chu an hâwl tâwn asi; chubang chu nan Pa nih nan herh ti a theih ko ruangah. 31Amah Ram hâwl dauh u, chun chubang thil tla khawm chu a nan pêk sap na lai.”
Ro Umnâk Zawngah Thinlung A Um Zia
(Mat 6.19-21)
32“Murui tâwm tla, lâu lah u; ram an pêk na mi hi nan Pa lawmhkâng tak asi. 33Nan neih zawzawng zuar ule, mipâm tla sinah pêk u; vân ah mifîr kal lonâk ah, rûlchawn nih a râwk lonâk ah chun, tangka sâwngkhâwi li kho lo tla, neih vei kho lonâk ah nan ro khawng u. 34Nan ro umnâk kip ah nan thinlung khawm a um awt ruangah.”
To-aw Râlring Kumza Hen
A Um Mi Thu
35“Nan tâisâwm sâwm zet hen, nan khâwnvâr khawm alh kumza hen um u; 36chun, mi nih an pu lâwinâk puai ei a hawng lâwi tikah inkhâr a hawng kik kâ hen, awng piak sawm kho ding hen an ngâk kumza hâwi hen um u. 37An pu a hawng kal tikah ngâk kumza hen a muh na mi to-aw tla chu an thaw a suak. Thungâi tak hen ka nan simh na, anih nih chun a tâi a sâwm lai le, anmah tla buh dûm hen a totir na lai le, an eibâr a timhtuah lai. 38Zân lâi ah mawh thawk tikah mawh hawng kal hen, chu hâwi hen a hawng muh chun, chu to-aw tla chu an thaw a suak lai. 39Sikhawmsele, hi hi theih u, mifîr a hawng tik ding in dâwngpu nih theih sele, a vêng lai le, a in a pemhtir lai lo. 40Nannih khawm râlring kumza hen um u, nanna râlring lo tikah Minung Fapa a hawng kal awt ruangah,” a ti.
To-aw Zumhkâi Leh Zumhkâi Lo Mi Chu
(Mat 24.45-51)
41Chun, Peter nih, “Lalpa, hi tahṭhimh thu hi kanmah cho ma na kan simh, mi zawzawng ma?” a ti.
42Chun, Lalpa nih, “Sum kiltu zumhkâi fing tak a pu nih a tik zawng ah an tingvo buh ṭhen piak ding hen a dawngsung tla lakah hotu ah a siam ding mi chu âu chem me si lai? 43A pu a hawng kal tikah to-aw chubang hâwi ti hen a hawng muh mi chu an thaw a suak lai. 44Dik tak hen, ka nan simh na, a neih zawzawng tlûnah hotu ah a siam lai. 45Sikhawmsele, chu to-aw nih chun a thinlung hen, ‘Ka pu tu ah a hawng tlung tuan lai loh,’ ti hen; to-awnu tla, to-awpa tla vuak sele, din leh ei hen rî sele, 46Chu to-aw pu chu, â râlring lo ni ah, a theih lo liauah a hawng kal lai le, tan nih ah a hawng suah lai le, mi zumhkâilo tla ting hâwi a tingtir lai.
47“To-aw a pu duhzia theih ko na hen râlring lo hen a pu duhzia hâwi khawm tilo mi chu vei tam tak vuak asi lai; 48sikhawmsele, a pu duhzia khawm theihlo hen, vuak tlâk rê hen thil titu chu vei tâwmtê vuak asi lai. Âuzawng tam tak an pêk mi sinah chun tam tak an êng lai; âuzawng tam tak an kiltir mi sinah chun tam dauh an êng lai.
Tik Singsiahnâk
(Mat 10.34-36)
49“Laikulh ah mei thlâk ding hen hawng kasi; tu thawk hen kâng rawh sele ka duh a! 50Sikhawmsele, baptis siding ka nei, chu lîm lânlo chu ka thâw a pit a! 51Laikulh ah remnâk lêngtir ding hen hawng kal mi hen ma nan hawng ka ruat? Silo e, ka nan simh na, ṭhennâk lêngtir ding hen hawng kal kasi dauh! 52Tu thawk hen mi panga dâwngsungkhur khat anna ṭhen lai, pathum nih panih, panih nih pathum an do lai; 53pa nih a fapa, a fapa nih a pa; a nu nih a fanu, a fanu nih a nu; a nînu nih a mo, a mo nih a nînu a do lai,” a ti.
Tik Theihfiangnâk
(Mat 16.2-3)
54Chun, Jisu nih mi zapi sin khawm ah chun, “Thlang leiah sûm a zîng mi nan muh chun, ‘Ruah a sûr awt,’ nan ti sawm tâwn; chun, asi taktê. 55Chun, sim thli lêng nan muh chun, ‘Thâw a sâ awt,’ nan ti tâwn; chun, asi taktê tâwn. 56Nannih mi perpê tla, tual leh vân umzia khawm nan theihthiam mi, zei rangah tûliau thil umzia hi nan theihthiam lo?
Leido Hen Remnâk A Herh Zia
(Mat 5.25-26)
57“Zei rangah me nanmah nih a dik mi chu nan ruat lo? 58Chun, lâirêltu mâika ah na tawhpi mi hen nan kal tikah kal pah hen amah lakah lîmnâk hâwl râm rawh; asi lo chun lâirêltu mâika ah zângrah ko hen an kalpi lai le, lâirêltu nih chun mi tleih hotu an tleihtir lai le, mi tleih hotu nih chun rêng an thlâk sual lai. 59Ka nan simh, lepton#12.59 Lepton khat chu assarion khat mun riat ṭhen hen mun khat tluk asi. tê men na lîm lânlo chu, chunah mi chu na suak rîlmâl lai loh,” a ti.
Sual Rim Lo Chu Veihnâk Asi Zia
S'ha seleccionat:
LUK 12: BCLBV
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bawm Common Language Bible © Bangladesh Bible Society, 2004. All rights reserved.
LUK 12
12
Thilnu Lakah Thiamthihnâk
(Mat 10.26-27)
1Chu liauah, mi zapi tam tak lamh chukmâk rê hen an hawng a pûm rawh chun, Jisu nih a masa chem hen a ṭhiruai tla sinah, “Farisai tla thilnu perpetnâk lakah chun a thiamthih u. 2Langlo ding hen thuh zeikhawm a um lo; theihlo ding hen pheh zeikhawm a um lo. 3Churuangah mûi ah nan sim mi zawng kha chêu ah an theih lai le, in kardang sung ah nâ ka ah nan thusim kha in tlûnah a chuan hen an phuang lai.
Ṭih Ding Mi Chu
(Mat 10.28-31)
4“Chun, hâwi le tla, ka nan simh na, taksa thah hen, chu nûnah zei dang khawm ti kho lo rawhtu tla chu ṭih lah u. 5Sikhawmsele, nan ṭih ding mi chu âu me si ka nan simh na lai; thah nûn khawm ah Gehena ah lawnh khonâk thuneitu Pathian chu ṭih u; asi, ka nan simh na, amah tak chu ṭih u.
6“Phâisenphittê panga assaria#12.6 Assaria khat chu denari mun leiruk ṭhen hen mun khat tluk asi. nih hen an zuar tâwn lo mazei? Sikhawmsele, an lakah pakhat khawm Pathian nih a relh dahlo. 7Nan samzâi tla tiang khawm hi rêl ver asi. Ṭih lah u; phâisenphittê tam tak ngâk hen nan sung dauh asi.
Thlarau Thenhlimh Simsâwitu Chu Ngaihdam Kho Asi Lo Zia
(Mat 10.32-33; 12.32; 10.19-20)
8“Chun, ka nan simh na, mi le mâika ah hawng ka ṭanhtu zawng Pathian vânmifial tla mâika ah Minung Fapa nih a ṭanh bâk lai. 9Sikhawmsele, mi le mâika ah hawng ka phehtu chu Pathian vânmifial tla mâika ah pheh asi bâk lai.
10“Chun, Minung Fapa simsâwitu zawng chu ngaihdam piak asi lai; Thlarau Thenhlimh simsâwi lam chu ngaihdam piak asi lai lo.
11“Chun, pumhnâk in ah mi tla, lal tla leh hotu tla mâika ah an kalpi na tikah chun, ‘Zeitin me, zei thu me ka sâng lai, zei thu me ka sim lai,’ ti hen lawksawng lah u; 12a tik takah chun nan sim ding mi chu Thlarau Thenhlimh nih a nan simh na lai,” a ti.
Minei  Tahṭhimhnâk
13Mi zapi lakah mi âunih mawh Jisu sinah, “Sîntirtu, ka u sinah kan pa nih hawng kan rauh mi ro hawng ka ṭhenh bâk ding hen simh,” a ti.
14Sikhawmsele, anih nih chun a sinah, “Minung, nannih tlûnah âunih me lâirêltu ah leh sum ṭhenhtu ah hawng ka siam?” a ti. 15Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.
16Chun, an sinah tahṭhimh thu a sim le, “Minei âumawh thungâi a bâwngmal le; 17chun a ruat le, ‘Zeitin ka ti lai aw? Ka mîm-le-fâng siahnâk ka nei lo,’ a ti. 18Chun, tihin ka ti lai; ka fângbâwk ka siat lai le, lian dauh hen ka sak lai le; chunah chun ka fâng leh ka neih zawzawng ka pumh lai. 19Chun, ka thlarau sinah, ‘Thlarau, kum tam tak rangah neih tam tak na khawng mi hi; a dîn le, ei hen bâr le, lâwptlo tak hen um rawh ka ti lai, a ti. 20Sikhawmsele, Pathian nih a sinah, Mi â, tuzân hin na thlarau an lâk piak awt asi; na thil timhtuah tla kha âu tâ me si lai rawh ne?’ a ti. 21“Mah rangah neih khawng hen, Pathian leiah khawng lo mi chu, chu hâwi chu asi tâwn,” a ti.
Pathian Zumhnâk
(Mat 6.25-34)
22Chun, ṭhiruai tla sinah, “Churuangah ka nan simh na, Zei me ka ei lai aw?’ ti hen nan nungnâk thu leh, ‘Zei me ka fenh hen ka aih lai aw?’ ti hen nan taksa thu lungkham lah u. 23Ei ding ngâk hen nungnâk a sung dauh asi, nipuan ngâk hen taksa a sung dauh asi. 24Langâk tla hi dawn nik u, fâng an tuh lo, an ât lo, pang leh fângbâwk tla khawm an nei lo; sikhawmsele, Pathian nih a châwm; nannih chu vâ tla ngâk hen chun nan sung-û dauh asi. 25Nannih lakah lawksawng ruangah âunih me mah dung dâwng#12.25 ‘Dawng’ khat chu inchi 17.5 tluk asi. khat hen a sap kho? 26Hi tê men nan ti kho lo mi, zei rangah me thil dang nan lawksawng tâwn? 27Tuktin pâr ṭhang zia hi ruat nik u; rian an ṭuan lo, lâ khawm an kher lo; sikhawmsele, ka nan simh na, Solomon a rokualnâk zawzawng hen â thuam mi men hi bang tuktîn pâr pakhat tluk khawm hen thuamh hen a um lo. 28Chuvachun, mâng belh, tusûn ah nung, a thâituan ah lungthu kâ ah tih nawlh ding men Pathian nih chu tluk rak hen a thuamh chun, aw nannih lung tâwm tla; chu ngâk chun nipuan an pêk khun na lai!
29“Chun, nan ei ding tla, nan din ding tla hâwl lah u; lawksawng hen um lah u. 30Laikulh phun kip nih chubang zawzawng chu an hâwl tâwn asi; chubang chu nan Pa nih nan herh ti a theih ko ruangah. 31Amah Ram hâwl dauh u, chun chubang thil tla khawm chu a nan pêk sap na lai.”
Ro Umnâk Zawngah Thinlung A Um Zia
(Mat 6.19-21)
32“Murui tâwm tla, lâu lah u; ram an pêk na mi hi nan Pa lawmhkâng tak asi. 33Nan neih zawzawng zuar ule, mipâm tla sinah pêk u; vân ah mifîr kal lonâk ah, rûlchawn nih a râwk lonâk ah chun, tangka sâwngkhâwi li kho lo tla, neih vei kho lonâk ah nan ro khawng u. 34Nan ro umnâk kip ah nan thinlung khawm a um awt ruangah.”
To-aw Râlring Kumza Hen
A Um Mi Thu
35“Nan tâisâwm sâwm zet hen, nan khâwnvâr khawm alh kumza hen um u; 36chun, mi nih an pu lâwinâk puai ei a hawng lâwi tikah inkhâr a hawng kik kâ hen, awng piak sawm kho ding hen an ngâk kumza hâwi hen um u. 37An pu a hawng kal tikah ngâk kumza hen a muh na mi to-aw tla chu an thaw a suak. Thungâi tak hen ka nan simh na, anih nih chun a tâi a sâwm lai le, anmah tla buh dûm hen a totir na lai le, an eibâr a timhtuah lai. 38Zân lâi ah mawh thawk tikah mawh hawng kal hen, chu hâwi hen a hawng muh chun, chu to-aw tla chu an thaw a suak lai. 39Sikhawmsele, hi hi theih u, mifîr a hawng tik ding in dâwngpu nih theih sele, a vêng lai le, a in a pemhtir lai lo. 40Nannih khawm râlring kumza hen um u, nanna râlring lo tikah Minung Fapa a hawng kal awt ruangah,” a ti.
To-aw Zumhkâi Leh Zumhkâi Lo Mi Chu
(Mat 24.45-51)
41Chun, Peter nih, “Lalpa, hi tahṭhimh thu hi kanmah cho ma na kan simh, mi zawzawng ma?” a ti.
42Chun, Lalpa nih, “Sum kiltu zumhkâi fing tak a pu nih a tik zawng ah an tingvo buh ṭhen piak ding hen a dawngsung tla lakah hotu ah a siam ding mi chu âu chem me si lai? 43A pu a hawng kal tikah to-aw chubang hâwi ti hen a hawng muh mi chu an thaw a suak lai. 44Dik tak hen, ka nan simh na, a neih zawzawng tlûnah hotu ah a siam lai. 45Sikhawmsele, chu to-aw nih chun a thinlung hen, ‘Ka pu tu ah a hawng tlung tuan lai loh,’ ti hen; to-awnu tla, to-awpa tla vuak sele, din leh ei hen rî sele, 46Chu to-aw pu chu, â râlring lo ni ah, a theih lo liauah a hawng kal lai le, tan nih ah a hawng suah lai le, mi zumhkâilo tla ting hâwi a tingtir lai.
47“To-aw a pu duhzia theih ko na hen râlring lo hen a pu duhzia hâwi khawm tilo mi chu vei tam tak vuak asi lai; 48sikhawmsele, a pu duhzia khawm theihlo hen, vuak tlâk rê hen thil titu chu vei tâwmtê vuak asi lai. Âuzawng tam tak an pêk mi sinah chun tam tak an êng lai; âuzawng tam tak an kiltir mi sinah chun tam dauh an êng lai.
Tik Singsiahnâk
(Mat 10.34-36)
49“Laikulh ah mei thlâk ding hen hawng kasi; tu thawk hen kâng rawh sele ka duh a! 50Sikhawmsele, baptis siding ka nei, chu lîm lânlo chu ka thâw a pit a! 51Laikulh ah remnâk lêngtir ding hen hawng kal mi hen ma nan hawng ka ruat? Silo e, ka nan simh na, ṭhennâk lêngtir ding hen hawng kal kasi dauh! 52Tu thawk hen mi panga dâwngsungkhur khat anna ṭhen lai, pathum nih panih, panih nih pathum an do lai; 53pa nih a fapa, a fapa nih a pa; a nu nih a fanu, a fanu nih a nu; a nînu nih a mo, a mo nih a nînu a do lai,” a ti.
Tik Theihfiangnâk
(Mat 16.2-3)
54Chun, Jisu nih mi zapi sin khawm ah chun, “Thlang leiah sûm a zîng mi nan muh chun, ‘Ruah a sûr awt,’ nan ti sawm tâwn; chun, asi taktê. 55Chun, sim thli lêng nan muh chun, ‘Thâw a sâ awt,’ nan ti tâwn; chun, asi taktê tâwn. 56Nannih mi perpê tla, tual leh vân umzia khawm nan theihthiam mi, zei rangah tûliau thil umzia hi nan theihthiam lo?
Leido Hen Remnâk A Herh Zia
(Mat 5.25-26)
57“Zei rangah me nanmah nih a dik mi chu nan ruat lo? 58Chun, lâirêltu mâika ah na tawhpi mi hen nan kal tikah kal pah hen amah lakah lîmnâk hâwl râm rawh; asi lo chun lâirêltu mâika ah zângrah ko hen an kalpi lai le, lâirêltu nih chun mi tleih hotu an tleihtir lai le, mi tleih hotu nih chun rêng an thlâk sual lai. 59Ka nan simh, lepton#12.59 Lepton khat chu assarion khat mun riat ṭhen hen mun khat tluk asi. tê men na lîm lânlo chu, chunah mi chu na suak rîlmâl lai loh,” a ti.
Sual Rim Lo Chu Veihnâk Asi Zia
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bawm Common Language Bible © Bangladesh Bible Society, 2004. All rights reserved.