sēnt lok 20
20
1ki ayikin māka, pēyak ēwakwani kisikāwa, mēkwāc ē kiskinohamawāt ayisiyiniwa kihci ayamihēwikamikohk, mina ē kakēskwēt miyo acimowin, kihci ayamihēwiyiniwa asici masinahikēwiyiniwa ki pē otihtik asici anihi kā nikānēyitākosiyit; 2ēkosi ki ayamiik, ē itikot, wihtamawinān: kēko tipēyihcikēwin wēci totaman ohi kēkwaya? ahpo awēna kā miyisk oma tipēyihcikēwin? 3ki naskwēwasimēw māka ē ki itāt, nista pēyak kēkway ki ka kakwēcimitināwāw; ēkosi māka naskwēwasimik. 4opāptaisiwihiwēwin cān, kihci kisikohk ci ki ohcimakaniyiw, ahpo ci ayisiyininahk ohci? 5ēkosi ki ayamiitowak, ē itwēcik, kispin itwēyāki, kihci kisikohk ohci; kita itwēw, tānēki māka ēkā kā ki tāpwētawāyēk? 6māka kispin itwēyaki, ayisiyinināhk ohci; kahkiyaw ayisiyiniwak ki ka pimwapiskaokonawak: cikēmā kēcināowak cān ē okiskiwēhikēwiyiniwiyit. 7ki naskwēwasimēwak māka, ēkā ē kiskēyitahkik itē ē ohcimakaniyik. 8ēkosi cisas ki itēw, namawiya nista ki ka wihtamātināwāw kēko tipēyihcikēwin kā ohci totamān ohi kēkwaya.
9 #
aysāya 5:1
ki ati tasitamawēw māka ayisiyiniwa oma āwēcikan; pēyak nāpēw ki kistikatam sominikistikān, ēkosi ē ki pakitinamawāt kistikēwiyiniwa, ē ki itohtēt kotak askihk kinwēs ē wi itapicit. 10ēkosi ispi wēticipayiyik, atoskēyākana ki isitisahamawēw kistikēwiyiniwa, kita miyikot ē isi minisiwaniyik sominikistikān; māka kistikēwiyiniwa ki pakamawēyiwa, mina pisisik ki sipwētisawēyiwa 11kotaka māka atoskēyākana mina ki isitisawēw: ēkosi ēwakwani mina ki pakamawēyiwa mina nēpēwākāc ki itotawēyiwa mina pisisik ē ki sipwētisawāyik. 12mina māka ēkwa nistwāw ki isitisahamawēw: ēwakwani mina ki miswākanikātēwak, ē ki wayawiwēpinācik māka. 13ēkosi tēpēyitahk sominikistikan ki itwēw, tānisi kē totamān? ni ka isitisawāw kā sākihak nikosis: māskoc kita kosikwēyimēwak. 14māka ispi kistikēwiyiniwak wiyāpamācik: ki ayititowak, ēwakwawa otāpiskamakēw: kiyām nipahātāk, kita ayāyahk tipēyitamowin. 15ēkosi ki wayawiwēpinēwak sominikistikānihk ohci, mina ē ki nipahācik. tānisi māka kā tipēyitahk sominikistikan kē totawāt ohi? 16kita pē natawi nisiwanāciēw ohi kistikēwiyiniwa, ēkosi kotaka sominikistikāniyiw kita miyēw. ispi māka piyēhtahkik, ki itwēwak, pitanē ēkā ikihk. 17#nikamona 118:22māka ki kanawāpamēw, ē ki itāt, kēkway māka oma kā itasinahikātēk,
asini kā ki ātawēyimācik owaskāikēwak, ēwakwāna kā nikānaiht kikētakāhk?
18tahto awiyak takohc kē pahkisinokwē ēwakwani asinia kita pikosin; māka awēna kē pātakoskākokwē, kita pikinataok tāpiskoc pikotiw.
19ēkosi kihci ayamihēwiyiniwak mina masinahikēwiyiniwak ēwakwanima tipaikan ki kakwē otinēwak; māka ki kostēwak ayisiyiniwa: cikēmā ki nisitawinamwak wiyawāw ē ki tasimikocik āwēcikan kā ki wihtamiyit. 20ki nanakaciēwak māka, mina ē ki isitisawācik onatawātāwa, kita kwayaskwātisikāsoyit, kita kācitinācik ot ayamiwiniyiwa ohci, ēkosi māka kita ki pakitinācik o tipēyihcikēwiniyihk mina o maskawisiwiniyihk oyasowēwikimāwa. 21ēkosi ki kakwēcimēwak, ē itwēcik, okiskinohamākēw, ni kiskēyitēnān kwayask ē itwēyan mina kwayask ē isi kiskinohamākēyan, ēkā māka ē otinat awiyak ot itēyitākosiwin ohci, māka tāpwē ē kiskinohamākēyan ot isitwāwin kisēmanito: 22itastēw ci niyanān kita miyāyāhk sisar tipahikēwisoniyāwa, ahpo ci namawiya? 23māka ki nisitawinamwēw o kakayēyisiwiniyiw, ēkosi ki itēw? 24wāpahtaik soniyāwapiskos. awēna oma ot isinākosiwin mina o masinaikāsowin? ēkosi ki itwēwak, sisar. 25ēkosi māka ki itēw, miyihk māka sisar, kā itastēyik kita miyiht sisar, mina kisēmanito, kā itastēyik kita miyiht kisēmanito. 26namawiya māka ki kaskitāwak kita kācitinakik anima itwēwin ē kitāpamikocik ayisiyiniwa: ki māmaskātamwak māka ē isi naskwēwasimikocik, ēkosi ē ki kipitowēcik.
27 #
isihcikēwiniwāwa 23:8
ki pē otihtik māka ātiht sātosiwa, aniki kā itwēcik ēkā kēkway waniskāwin nipowinihk ohci ē ihtakwahk: ēkosi ki kakwēcimik, 28#tiyotaranami 25:5ē itwēyit, okiskinohamākēw, mosis ni ki itasinaamākonān, kispin awiyak nāpēw ociwāma nipiyici, ē wiwiyit, ēkosi ēkā ot awāsimisiyici, kita otinimāt wiwiyiwa, ēkosi kita ot awāsimisikawāt ociwāma. 29ki ihtāwak māka tēpakop ē ociwāmitocik; ēkosi ana nistam ki wiwiw, ē ki nipit māka ēkā ē ot awāsimisit; 30ēkosi wista ana ē askwākēt; 31mina ana kotak ēkwa nisto ki otinēw; ēkosi piyis kahkiyaw aniki tēpakop ki ayawēwak, ēkā māka ē ot awāsimisicik, wistawāw ē ki nipicik. 32iskwayac māka wista ana iskwēw ki nipiw. 33ispi māka waniskāniwaki nipowinihk ohci awēna kē wiwit ohi? cikēmā ē ihtasicik tēpakop ki ayāwēwak ē wiwicik. 34ēkosi cisas ki itēw, kā ot awāsimisimikocik oma aski wiwiwak, mina mēkināniwan wikitowinihk: 35māka aniki kā ispitēyimicik kita ayācik nēma kotak aski, mina waniskāwin nipowinihk ohci, namawiya wikitowak, ahpo wikitaiwēwak: 36mina namawiya kitwām kita ki nipiwak: ayis wici ispitēyitākosimēwak okisikowa; mina okosisimikwak kisēmanitowa, ē okosisimikocik āpisisinowin. 37#ēksatas 3:6māka onipiwak kita waniskānihcik, ahpo mosis ki wāpahtahiwēw, anita ē ātotamihk ē piskokopāhk, ita ē isiyihkātāt kā tipēyihcikēyit, o kisēmanitoma ēprēām, mina o kisēmanitoma aisak, mina o kisēmanitoma cēkap. 38cikēmā namawiya o kisēmanitomimik onipiwa, māka opimātisiwa; wiya kahkiyaw ē pimātisistākok.
39ēkosi ātiht masinahikēwiyiniwa ē naskwēwasimikot ki itik, okiskinohamākēw kwayask ki ki itwān. 40ēkospi ohci māka ki sākwēyimowak awasimē kēkway kita kakwēcimācik. 41ki itēw māka, tānēki wēci itwēcik Christ ēwako tēpit okosisa? 42#nikamona 110:1cikēmā tēpit wiya kēhciwāk itwēw nikamowi masinahikanihk,
kā tipēyihcikēt ki itēw ni tipēyihcikēma, api ni kihciniskihk,
43iyikohk ki isiakwawi kā pakwātiskik kita ot aspisitēsimoniyan.
44tēpit māka ni tipēyihcikēm isiyihkātēw, tānisi māka ēsi okosisit?
45ēkosi ē pētākot kahkiyaw ayisiyiniwa, ki itēw okiskinohamawākana, 46aswēyimikok masinahikēwiyiniwak, aniki kā wi pimohtēcik ē kinwāpēkasākēcik, mina kā sākihtācik atamiskotātowina atātowinihk, mina niyikānēyitākwaniyiki apiwina ayamihēwikamikohk, mina ē nikānēyitākwaniyiki apiwina wihkohtowinihk; 47aniki kā nisiwanācitācik wikiyiwa sikawiskwēwa, kita wāpamihci māka kākinwēs kā ayamihācik; ēwakwanik oki awasimē maci itakimikowin kē ayācik.
S'ha seleccionat:
sēnt lok 20: KKMR
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This Bible text is a transliteration of a corrected edition of the 1908 Western Cree Bible; it is in the public domain.