sēnt lok 21
21
1ēkosi ki itāpiw, ē ki wāpamāt māka ayisiyiniwa ē wēyotisiyit ē piciwēpinamiyit omēkiwiniyiwa soniyāwiwatihk. 2ki wāpamēw māka pēyak ē kitimakisiyit sikāwiskwēwa, ē piciwēpināyit ēkota niso osawāpiskosa. 3ki itwēw māka, tāpwē kit itināwāw, awa kitimakisiwi sikawiskwēw awasimē ki pihci wēpinam ispic kahkiyaw wiyawāw; 4cikēmā oki kahkiyaw, ē ayiwākipayiikocik ohci ki pihci wēpinamwak o mēkiwiniwāwa; māka wiya o kwitamāwinihk ohci ki pihci wēpinan kahkiyaw anima kē ohci pimātisit.
5mēkwāc māka atit ē tasitamiyit kihci ayamihēwikamik, tānisi ēsi wawēsicikātēyik miyo asiniya ohci asici pakitināsowina, ki itwēw, 6wiya ohi kā wāpahtamēk, anihi kisikāwa kita otihcipayiwa, ispi ēkā wawac pēyak asini kē iskoniht ē tētāpiskisihk kotaka, ēkā kita niciwēpiniht. 7ēkosi māka ki kakwēcimēwak, ē itwēcik, okiskinohamākēw, tānispi oma kē ihkihk? mina māka tānisi kē isi kiskinawatēyitākwahk ispi ohi wi otihcipayikwawi? 8ki itēw māka, ayākwamisik ēkā kita wayēsimikawiyēk; cikēmā mihcēt kita pē itohtēwak ni wiyowinihk, ē itwēcik, niya Christ: mina pēsonākwan iyikohk: ēkāwiya māka pimitisaokok. 9māka ispi pēhtamēko ē ayaki notinitowina, mina māyakamikisiwina, ēkāwiya sēkisik: cikēmā itastēw oma kita ihkihk pita; māka wiya iskwāyāc namawiya sēmāk kita otihcipayiw.
10ēkosi ki itēw, pēyak ē itaskānēsicik ayisiyiniwak kita mawinēskawēwak kotaka ayisiyiniwa, mina pēyak otēnawiwin kotak otēnawiwin; 11ēkosi kita kihci kikwan mina nanātohk ita notēkatēwin mina sisikotaspinēwina kita ayāwa; ēkosi kihci mākwēyimowina mina kiskinawāci isinamowina kita ayāwa kihci kisikohk ohci. 12māka mwayēs kahkiyaw ohi otihcipayikwāwi, ki ka otitinikowawak, mina ki ka kakwātakihikowāwak ē pakitinikoyēkok māwaciitowinihk mina kipahotowikamikohk, ē itotawikawiyēk kita otiskawiskawāyēkok kihci okimāwak mina oyasowēwak ni wiyowin ohci. 13ki ka kiwētotākonāwāw māka kita ācimikoyēk. 14#lok 12:11,12ēkosi māka kisēyitamok kitēiwāhk, ēkā nikān kita wawēyēyitamēk tānisi kē isi naskwēwasitāyēk; 15cikēmā ki ka miyitināwāw miton asici iyinisiwin, kahkiyaw kā pakwātikoyēkwāw ēkā kita ki nakāskakik ahpo kita āsitētakik. 16ki ka pakitinikowawak māka, ahpo ki nikiikowāwak, kiciwāmiwāwak, ki wakomākaniwāwak mina ki totēmiwāwak; ēkosi atiht ki ka nipaikowāwak. 17kahkiyaw ayisiyiniwak māka ki ka pakwātikowāwak ni wiyowin ohci. 18māka namawiya pēyak kēstakāwāw kistikwaniwahk kita nisiwanātan. 19ki sasipēyitamowiniwahk ki ka paspiāwāwak kit acāhkowāwak.
20ispi māka wāpahtamēko cērosalam ē wāskāskikātēk simākanisak ohci, ēkwa kiskēyitamok o nisiwanāciikowin kisiwāk ē ayāyik. 21ēkwa kiyām aniki cotiaihk kā ayācik wacihk kita itāmowak; mina aniki mēkwāc ēkota kā ayācik kita sipwētēwak; mina ēkāwiya aniki ohpimē kā ayācik kita pihtokēwak ēkota. 22#hāsiya 9:7cikēmā ēwakwani ohi āpēowi kisikāwa, kahkiyaw kēkway kā masinaikātēk kita tipipayik. 23kakwatakisiwak aniki kā kikosēcik mina aniki kā noyawasocik ēkospi kakisikāki? cikēmā kita osami āyimakamikan askihk, mina kisiwāsiwin kita pātakoskākwak oki ayisiyiniwak. 24ē isi kīnāk māka isawēsk kita ohci pahkisinwak, mina kita sipwētaāwak kita awakātikocik kahkiyaw ayisiyiniwa: ēkosi cērosalam kita takoskātamwak cēntailak iyikohk okisikamiwāwa cēntailak ki tipipayikwāwi.
25 #
aysāya 13:10; isikiēl 32:7; coil 2:31; kiskēyihtākohkēwin 6:12,13 ēkosi mina kita ayāwa ē kiskinawācinākwaki kisikawi pisimohk mina tipiskawi pisimohk mina acākosihk; mina askihk ē kotakitācik ayisiyiniwak ē wawānēyitahkik, kihcikami mina kā māmakāaki ē pētakwaki; 26ayisiyiniwak ēkā ē kiskisicik ē isi sēkisicik, mina cikēmā ē pēswēyitahkik anihi kē otihcipayiki askihk: cikēmā kā sokēyitākwaki kisikohk kita waskawipayiwa. 27#tāniēl 7:13; kiskēyihtākohkēwin 1:7ēkwa māka kē wāpamācik iyiniwikosisāna ē pē nokosiyit waskohk kiki maskawisiwin mina kihci kistēyitākosiwin. 28ispi māka ohi māci tipipayikwāwi, tastasāpik, mina opiskwēyik; cikēmā ki pimaciikowiniwāw kisiwāk ē pē ayāk.
29ki wihtamawēw māka āwēcikan; wāpamihk kihci sominātik, mina kahkiyaw mistikwak: 30ispi siyākipakitwāwi, ki wāpahtēnāwāw mina ki kiskēyitēnāwāw kiyawāw kisiwak ēkwa ē ayāk kita nīpihk. 31ēkosi māka mwēhci kistawāw, ispi wāpahtamēko kahkiyaw anihi ē tipipayiki, kiskēyitamok ot otēnawiwin kisēmanito kisiwak ē ayāyik. 32tāpwē kit itināwāw, oki ayisiyiniwak anohc kā pimātisicik namawiya kita mēscipayiwak pātimā kahkiyaw ki tipipayiki. 33kisik mina aski kita sipwēpayiwa; māka nit ayamiwina namawiya kita sipwēpayiwa.
34māka kanawēyimisok, ēkā kitēhiwāwa kita osāmaskinēki micisowin, mina kiskwēpēwin, mina ē isi mikoskatēyitamihk oma pimātisiwin, ēkosi māka ēwakwānima kisikāw kita otihtikoyēk sisikoc tāpiskoc nakwākan: 35cikēmā ēkosi mwēhci kita isi otihtikwak kahkiyaw aniki kā ayācik misiwē askihk. 36māka kiyawāw asawāpik mosak, ē ayamihāyēk, kita tēpakēyitākosiyēk kita paspistamēk kahkiyaw ohi kē otihcipayiki, mina māka kita otiskwawikāpawistawāyēk iyiniwikosisān.
37 #
lok 19:47
tahto kisikāw māka ki kiskinohamākēw kihci ayamihēwikamikohk; ēkosi ē tipiskāyik ki wayawiw, wacihk ē ki natawi ayat ālips waci kā isiyihkātēk. 38kahkiyaw māka ayisiyiniwa wipac kēkisēp ki pē nātik kihci ayamihēwikamikohk kita natotākot.
S'ha seleccionat:
sēnt lok 21: KKMR
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This Bible text is a transliteration of a corrected edition of the 1908 Western Cree Bible; it is in the public domain.