Mbombo tsa Vapositili 14
14
ɄPaulo nʉ Balinaba vilʉmbɨlɨla mu Ikoniyo
1Ʉkʉ kʉ Ikoniyo, tsyavombiike tsitsilya itsyavombiike kʉ Antiokiya. ɄPaulo nʉ Balinaba viingye mu lisinagogi lya Vayahudi, vakalʉmbɨlɨla kʉ maka ikulongwi tsa Yɨɨsʉ. Avaanu vongosu siitso, aVayahudi paninie na vatava Vayahudi, vakamwɨdɨka ʉYɨɨsʉ.#14:1 Ʉlwandʉlʉ ʉlʉnge lwa lʉkɨndɨ ʉlʉ lwita, Jyahʉmye ʉkʉ kʉ Ikoniyo, vakiingila paninie mu lisinagogi lya Vayahudi. Ʉkʉkongana nʉ mwʉ vaalʉmbɨlɨlye, ɨkɨpʉga ɨkɨvaha ɨkya Vayahudi nɨ kya Vayunaani vakɨɨdɨka. 2Lɨno aVayahudi vaninie ʉwʉ vaabeelile ʉkʉmwɨdɨka ʉYɨɨsʉ vakatengʉla ʉkʉvasunda avaanu avatava Vayahudi, ʉkʉta vavaviipile avɨɨdɨki. 3Ndajɨve ewo, ʉPaulo nʉ Balinaba vakataama isigono syongosu kʉ Ikoniyo, valɨkʉvavʉʉla avaanu ɨkulongwi jya Ntwa ʉYɨɨsʉ Kɨlɨsiti kɨtsila kʉdwadwa. Vaalʉmbɨlɨlaga ikulongwi tsa lʉhʉngʉ lwa Yɨɨsʉ kʉ vaanu. ɄNtwa ʉYɨɨsʉ aavoniaga ʉkʉta amamenyu ga veene ga lweli, kʉ nzɨla jya kʉvapa amaka ga kʉvomba isidego ni simanyilo syongosu. 4Pwʉ lɨno, avaanu va vʉtsenge ʉwa vɨɨgavile pavɨlɨ, avange valɨkʉvɨɨdɨka aVayahudi avaabeelile ʉkʉmwɨdɨka ʉYɨɨsʉ, avange valɨkʉvɨɨdɨka avapositili.
5Kʉ vʉmalɨlo, aVayahudi avaabeelile ʉkʉmwɨdɨka ʉYɨɨsʉ, avalongotsi va veene, paninie na vaanu avatava Vayahudi avɨɨmile navo, vakɨɨdɨngʼana ʉkʉvabuda ʉPaulo nʉ Balinaba kʉ nzɨla jya kʉvatika na maganga. 6ɄPaulo nʉ Balinaba wʉ vapʉliike ʉlwɨdɨngʼano ʉlwa, vakanyilila kʉ kɨlʉnga ɨkya kʉ Likaoniya. Wʉ valɨ ʉkʉ, vakalʉta kʉ vʉtsenge ʉwa Lisitila nʉ wa Delibe, na mu vʉtsenge wa mu wiipi. 7Apaveetsaga ʉpwʉ vaalʉtaga, vaavalʉmbɨlɨlaga avaanu ɨLivangɨli.
ɄPaulo mu Lisitila
8Mu Lisitila, mwalemwo ʉmuunu mpamato ʉvɨ aale ndema ʉkʉhʉma iholwa, isilʉnde sya mwene nasyagele sigende lʉsiku. 9Wʉ ʉPaulo alɨ pa kʉlʉmbɨlɨla, namwene ʉmuunu ʉntamu ʉjwa aataamile baaho alɨkʉmpʉlɨhɨtsa. ɄPaulo akandola, akavona ʉkʉta alɨ nʉ lwɨdɨko ʉluweesa ʉkʉmponia. 10ɄPaulo akatotsa ɨlimenyu akata, “Inamuka! Wɨɨme ni silʉnde syako!” Pwʉ ʉmuunu ʉlya akɨɨma ngʼaningʼaani, akatengʉla ʉkʉgenda.
11Ɨkɨpʉga kya vaanu avaalʉndamiine palya, wʉ valolile ʉmwʉ ʉPaulo amponehiitse ʉmuunu ʉlya, vakooveela mu nzovele jya veene jya Kɨlikaoniya vakata, “Ɨmingʉlʉve gɨtwikye mu sihwani sya vaanu!” 12Vaatengwe ʉkʉmwɨlanga ʉBalinaba ɨlitaawa lya lingʉlʉve lya veene lipamato, vakata vɨ Zeu. ɄPaulo vakampa ɨlitaawa ɨlɨ Helume,#14:12 Zeu … Helume Mu mingʉlʉve gya Vayunaani ʉZeu lyale lyʉ lingʉlʉve ɨlivaha ʉkʉlʉtɨɨlɨla ɨmingʉlʉve ɨgɨnge gyoni. ɄHelume lyale lingʉlʉve ɨlyahɨlɨkaga kʉ vaanu ikulongwi ʉkʉhʉma kwa Zeu na kʉ mingʉlʉve ɨgɨnge. manya ʉPaulo vɨ aale ntsosi siitso. 13Apoonu pa kwɨsajɨla kwa Zeu paale kʉnzi kʉ vʉtsenge. Pwʉ ʉnteeketsi va Zeu akaleeta pa ndyango gwa vʉtsenge, igida ivɨlɨ itsʉ vaswaliitse isamba inya vʉlʉva. Ʉnteeketsi paninie na vaanu vaanogwagwa ʉkʉvahɨnzɨla ʉPaulo nʉ Balinaba igida itso tsive neekelo.
14Wʉ avapositili ʉBalinaba nʉ Paulo vapʉliike amasaago ago, vakadwemula ɨmisabwa gya veene pa kʉvonia ʉmwʉ vaviipye. Vakanyila, vakiingila mu lipʉga lya vaanu, vakatotsa ɨlimenyu vakata, 15“Nyɨ vaanu ʉnyie! Kɨki muvomba itsi? Ʉwe najyʉwe tʉlɨ vaanu ndʉʉnyie! Tʉlɨ apa pa kʉlʉmbɨlɨla ɨLivangɨli, pakʉta mwɨlekelwe ʉkwɨsaja kʉ mingʉlʉve ɨgɨ ɨgɨtsila nʉ lʉvʉmbʉlɨlo, muve vɨɨdɨki va Ngʉlʉve. ɄNgʉlʉve ʉjwa vɨ aapelile kʉkyanya, paasi apa, inyanza, ni syoni isilɨ mwoni ʉmwa. 16Isigono sya kʉnsana ʉkwa ʉNgʉlʉve aavalekile avaanu va sivʉmbʉkʉ syoni vagendelelage ʉkʉkonga galya ʉgwʉ vinongwa va veene. 17Napeene, nɨɨlekelwe ʉkʉvonia ʉkʉta alɨ paninie nʉʉnyie, manya ʉmwene aavavombelaga inonu, aavasuungʼilaga ɨsula, ʉkʉta muve nɨ kyakʉlya kʉ nsɨkɨ ʉgʉnogelanie, nʉ kwiguta. Natsyene inumbula tsiinyo, aatsipye ʉlʉhekelo.” 18Nʉpwʉ jɨngave ʉPaulo nʉ Balinaba vaavavʉʉlile amamenyu ago, jyale mbombo mala ʉkʉvabeetsa avaanu avo ʉkʉta valeke ʉkʉhʉmya ɨneekelo kʉ veene.
19Kʉmbele, viitsile aVayahudi vaninie ʉwʉ vaahʉmile kʉ Antiokiya, na kʉ Ikoniyo. Vakavasunda avaanu vave ʉlʉvasu lwa veene. Pwʉ avaanu vooni vakantika na maganga ʉPaulo. Vakata asue, vakandunduutsa, vakammɨlɨka kʉnzi kʉ vʉtsenge. 20Napeene, apo avakongi va Yɨɨsʉ wʉ vantsʉngʉtye ʉPaulo, ʉmwene akasisimuka, akakilivuka kʉ vʉtsenge. Ɨkɨgono ɨkyakongile, akahega apo, akalʉta paninie nʉ Balinaba kʉ vʉtsenge wa kʉ Delibe.
ɄPaulo nʉ Balinaba vikilivuka kʉ Antiokiya jya Siliya
21ɄPaulo nʉ Balinaba, wʉ valɨ kʉ Delibe, vaagendelye ʉkʉlʉmbɨlɨla ɨLivangɨli. Avaanu vongosu vakɨɨdɨka ʉkʉva vakongi va Yɨɨsʉ. Kʉmbele, ʉPaulo nʉ Balinaba vakakilivuka kʉ Antiokiya kʉ nzɨla jya kʉgendela kʉ Lisitila, na kʉ Ikoniyo. 22Wʉ vigenda ʉkwa kwoni vaanywilitsaaga inumbula tsa vakongi va Yɨɨsʉ ʉkʉta vagendelelage ʉkʉtaama mu lwɨdɨko. Vaavavʉʉlaga valɨkʉta, “Ʉkwingila mu Lʉdeeva lwa Ngʉlʉve, ndajɨve ndeeti patʉnogye ʉkwaganila nʉ vʉkʉvɨlwa wongosu.”
23ɄPaulo nʉ Balinaba vaavavɨɨkaga avandyakoni mu mipelela gyoni. Kʉ nzɨla jya nyɨsajo nʉ kwɨdɨnda ʉkʉlya, vaavagotolaga kʉ Ntwa ʉYɨɨsʉ ʉvɨ vaamwɨdiike, avaloleelage. 24Kʉmbele, ʉPaulo nʉ Balinaba vakalʉtɨngʼania mu kɨlʉnga ɨkyo ɨkya kʉ Pisidiya, vakiingila mu mpandʉlʉ gwa Pamufiliya. 25Vakasika mu vʉtsenge ʉwa Pelige. Wʉ vamanyiisiitse ikulongwi tsa Ngʉlʉve ʉkʉ, vakiika kʉ vʉtsenge ʉwa Ataliya ʉwaale kʉ lʉkanzimbale lwa nyanza. 26Vakahega palya nɨ meeli, vakagenda mu nyanza, vakalʉta kʉ Antiokiya jya kʉ Siliya. Apo pwʉ palya ʉpwʉ pa vʉtengʉlɨlo ʉmpelela gwavɨɨmiike mu lʉhʉngʉ lwa Ngʉlʉve kʉ mbombo ɨjyʉ lɨno vakava vamalile. 27Wʉ vasiike kʉ Antiokiya, vakavalʉndamania avampelela. Vakavavʉʉla tsyoni itsʉ ʉNgʉlʉve aavombile ʉkʉgendela kʉ veene, nʉ mwʉ avadɨndʉlye avatava Vayahudi ʉndyango gwa kʉmwɨdɨka ʉYɨɨsʉ. 28Isigono syongosu, valɨkʉtaama kʉ Antiokiya paninie na vakongi va Yɨɨsʉ.
S'ha seleccionat:
Mbombo tsa Vapositili 14: zga
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2019, Wycliffe Bible Translators, Inc. All rights reserved.
Mbombo tsa Vapositili 14
14
ɄPaulo nʉ Balinaba vilʉmbɨlɨla mu Ikoniyo
1Ʉkʉ kʉ Ikoniyo, tsyavombiike tsitsilya itsyavombiike kʉ Antiokiya. ɄPaulo nʉ Balinaba viingye mu lisinagogi lya Vayahudi, vakalʉmbɨlɨla kʉ maka ikulongwi tsa Yɨɨsʉ. Avaanu vongosu siitso, aVayahudi paninie na vatava Vayahudi, vakamwɨdɨka ʉYɨɨsʉ.#14:1 Ʉlwandʉlʉ ʉlʉnge lwa lʉkɨndɨ ʉlʉ lwita, Jyahʉmye ʉkʉ kʉ Ikoniyo, vakiingila paninie mu lisinagogi lya Vayahudi. Ʉkʉkongana nʉ mwʉ vaalʉmbɨlɨlye, ɨkɨpʉga ɨkɨvaha ɨkya Vayahudi nɨ kya Vayunaani vakɨɨdɨka. 2Lɨno aVayahudi vaninie ʉwʉ vaabeelile ʉkʉmwɨdɨka ʉYɨɨsʉ vakatengʉla ʉkʉvasunda avaanu avatava Vayahudi, ʉkʉta vavaviipile avɨɨdɨki. 3Ndajɨve ewo, ʉPaulo nʉ Balinaba vakataama isigono syongosu kʉ Ikoniyo, valɨkʉvavʉʉla avaanu ɨkulongwi jya Ntwa ʉYɨɨsʉ Kɨlɨsiti kɨtsila kʉdwadwa. Vaalʉmbɨlɨlaga ikulongwi tsa lʉhʉngʉ lwa Yɨɨsʉ kʉ vaanu. ɄNtwa ʉYɨɨsʉ aavoniaga ʉkʉta amamenyu ga veene ga lweli, kʉ nzɨla jya kʉvapa amaka ga kʉvomba isidego ni simanyilo syongosu. 4Pwʉ lɨno, avaanu va vʉtsenge ʉwa vɨɨgavile pavɨlɨ, avange valɨkʉvɨɨdɨka aVayahudi avaabeelile ʉkʉmwɨdɨka ʉYɨɨsʉ, avange valɨkʉvɨɨdɨka avapositili.
5Kʉ vʉmalɨlo, aVayahudi avaabeelile ʉkʉmwɨdɨka ʉYɨɨsʉ, avalongotsi va veene, paninie na vaanu avatava Vayahudi avɨɨmile navo, vakɨɨdɨngʼana ʉkʉvabuda ʉPaulo nʉ Balinaba kʉ nzɨla jya kʉvatika na maganga. 6ɄPaulo nʉ Balinaba wʉ vapʉliike ʉlwɨdɨngʼano ʉlwa, vakanyilila kʉ kɨlʉnga ɨkya kʉ Likaoniya. Wʉ valɨ ʉkʉ, vakalʉta kʉ vʉtsenge ʉwa Lisitila nʉ wa Delibe, na mu vʉtsenge wa mu wiipi. 7Apaveetsaga ʉpwʉ vaalʉtaga, vaavalʉmbɨlɨlaga avaanu ɨLivangɨli.
ɄPaulo mu Lisitila
8Mu Lisitila, mwalemwo ʉmuunu mpamato ʉvɨ aale ndema ʉkʉhʉma iholwa, isilʉnde sya mwene nasyagele sigende lʉsiku. 9Wʉ ʉPaulo alɨ pa kʉlʉmbɨlɨla, namwene ʉmuunu ʉntamu ʉjwa aataamile baaho alɨkʉmpʉlɨhɨtsa. ɄPaulo akandola, akavona ʉkʉta alɨ nʉ lwɨdɨko ʉluweesa ʉkʉmponia. 10ɄPaulo akatotsa ɨlimenyu akata, “Inamuka! Wɨɨme ni silʉnde syako!” Pwʉ ʉmuunu ʉlya akɨɨma ngʼaningʼaani, akatengʉla ʉkʉgenda.
11Ɨkɨpʉga kya vaanu avaalʉndamiine palya, wʉ valolile ʉmwʉ ʉPaulo amponehiitse ʉmuunu ʉlya, vakooveela mu nzovele jya veene jya Kɨlikaoniya vakata, “Ɨmingʉlʉve gɨtwikye mu sihwani sya vaanu!” 12Vaatengwe ʉkʉmwɨlanga ʉBalinaba ɨlitaawa lya lingʉlʉve lya veene lipamato, vakata vɨ Zeu. ɄPaulo vakampa ɨlitaawa ɨlɨ Helume,#14:12 Zeu … Helume Mu mingʉlʉve gya Vayunaani ʉZeu lyale lyʉ lingʉlʉve ɨlivaha ʉkʉlʉtɨɨlɨla ɨmingʉlʉve ɨgɨnge gyoni. ɄHelume lyale lingʉlʉve ɨlyahɨlɨkaga kʉ vaanu ikulongwi ʉkʉhʉma kwa Zeu na kʉ mingʉlʉve ɨgɨnge. manya ʉPaulo vɨ aale ntsosi siitso. 13Apoonu pa kwɨsajɨla kwa Zeu paale kʉnzi kʉ vʉtsenge. Pwʉ ʉnteeketsi va Zeu akaleeta pa ndyango gwa vʉtsenge, igida ivɨlɨ itsʉ vaswaliitse isamba inya vʉlʉva. Ʉnteeketsi paninie na vaanu vaanogwagwa ʉkʉvahɨnzɨla ʉPaulo nʉ Balinaba igida itso tsive neekelo.
14Wʉ avapositili ʉBalinaba nʉ Paulo vapʉliike amasaago ago, vakadwemula ɨmisabwa gya veene pa kʉvonia ʉmwʉ vaviipye. Vakanyila, vakiingila mu lipʉga lya vaanu, vakatotsa ɨlimenyu vakata, 15“Nyɨ vaanu ʉnyie! Kɨki muvomba itsi? Ʉwe najyʉwe tʉlɨ vaanu ndʉʉnyie! Tʉlɨ apa pa kʉlʉmbɨlɨla ɨLivangɨli, pakʉta mwɨlekelwe ʉkwɨsaja kʉ mingʉlʉve ɨgɨ ɨgɨtsila nʉ lʉvʉmbʉlɨlo, muve vɨɨdɨki va Ngʉlʉve. ɄNgʉlʉve ʉjwa vɨ aapelile kʉkyanya, paasi apa, inyanza, ni syoni isilɨ mwoni ʉmwa. 16Isigono sya kʉnsana ʉkwa ʉNgʉlʉve aavalekile avaanu va sivʉmbʉkʉ syoni vagendelelage ʉkʉkonga galya ʉgwʉ vinongwa va veene. 17Napeene, nɨɨlekelwe ʉkʉvonia ʉkʉta alɨ paninie nʉʉnyie, manya ʉmwene aavavombelaga inonu, aavasuungʼilaga ɨsula, ʉkʉta muve nɨ kyakʉlya kʉ nsɨkɨ ʉgʉnogelanie, nʉ kwiguta. Natsyene inumbula tsiinyo, aatsipye ʉlʉhekelo.” 18Nʉpwʉ jɨngave ʉPaulo nʉ Balinaba vaavavʉʉlile amamenyu ago, jyale mbombo mala ʉkʉvabeetsa avaanu avo ʉkʉta valeke ʉkʉhʉmya ɨneekelo kʉ veene.
19Kʉmbele, viitsile aVayahudi vaninie ʉwʉ vaahʉmile kʉ Antiokiya, na kʉ Ikoniyo. Vakavasunda avaanu vave ʉlʉvasu lwa veene. Pwʉ avaanu vooni vakantika na maganga ʉPaulo. Vakata asue, vakandunduutsa, vakammɨlɨka kʉnzi kʉ vʉtsenge. 20Napeene, apo avakongi va Yɨɨsʉ wʉ vantsʉngʉtye ʉPaulo, ʉmwene akasisimuka, akakilivuka kʉ vʉtsenge. Ɨkɨgono ɨkyakongile, akahega apo, akalʉta paninie nʉ Balinaba kʉ vʉtsenge wa kʉ Delibe.
ɄPaulo nʉ Balinaba vikilivuka kʉ Antiokiya jya Siliya
21ɄPaulo nʉ Balinaba, wʉ valɨ kʉ Delibe, vaagendelye ʉkʉlʉmbɨlɨla ɨLivangɨli. Avaanu vongosu vakɨɨdɨka ʉkʉva vakongi va Yɨɨsʉ. Kʉmbele, ʉPaulo nʉ Balinaba vakakilivuka kʉ Antiokiya kʉ nzɨla jya kʉgendela kʉ Lisitila, na kʉ Ikoniyo. 22Wʉ vigenda ʉkwa kwoni vaanywilitsaaga inumbula tsa vakongi va Yɨɨsʉ ʉkʉta vagendelelage ʉkʉtaama mu lwɨdɨko. Vaavavʉʉlaga valɨkʉta, “Ʉkwingila mu Lʉdeeva lwa Ngʉlʉve, ndajɨve ndeeti patʉnogye ʉkwaganila nʉ vʉkʉvɨlwa wongosu.”
23ɄPaulo nʉ Balinaba vaavavɨɨkaga avandyakoni mu mipelela gyoni. Kʉ nzɨla jya nyɨsajo nʉ kwɨdɨnda ʉkʉlya, vaavagotolaga kʉ Ntwa ʉYɨɨsʉ ʉvɨ vaamwɨdiike, avaloleelage. 24Kʉmbele, ʉPaulo nʉ Balinaba vakalʉtɨngʼania mu kɨlʉnga ɨkyo ɨkya kʉ Pisidiya, vakiingila mu mpandʉlʉ gwa Pamufiliya. 25Vakasika mu vʉtsenge ʉwa Pelige. Wʉ vamanyiisiitse ikulongwi tsa Ngʉlʉve ʉkʉ, vakiika kʉ vʉtsenge ʉwa Ataliya ʉwaale kʉ lʉkanzimbale lwa nyanza. 26Vakahega palya nɨ meeli, vakagenda mu nyanza, vakalʉta kʉ Antiokiya jya kʉ Siliya. Apo pwʉ palya ʉpwʉ pa vʉtengʉlɨlo ʉmpelela gwavɨɨmiike mu lʉhʉngʉ lwa Ngʉlʉve kʉ mbombo ɨjyʉ lɨno vakava vamalile. 27Wʉ vasiike kʉ Antiokiya, vakavalʉndamania avampelela. Vakavavʉʉla tsyoni itsʉ ʉNgʉlʉve aavombile ʉkʉgendela kʉ veene, nʉ mwʉ avadɨndʉlye avatava Vayahudi ʉndyango gwa kʉmwɨdɨka ʉYɨɨsʉ. 28Isigono syongosu, valɨkʉtaama kʉ Antiokiya paninie na vakongi va Yɨɨsʉ.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2019, Wycliffe Bible Translators, Inc. All rights reserved.