Luka 23
23
Yesu pali Pilato
(Mt 27:1-2, 11-14; Mk 15:1-5; Yn 18:28-38)
1Ngalikatuka iumba lyonsi, limtwala kwi Pilato. 2Yatampa ukumsongelela, yaati: “Tumwine untu wi alupelusha antu yitu nu kulesha antu yatachifima ikodi kuli Kaisali, wati: Unkola kwene ali Klisto Mwene.” 3Pilato antondosha, wati: “Wewe uli mwene wa Yudea?” Afwanga, wati: “Ndi fino walanda.” 4Pilato anena ayikolo iyakapela na maumba, wati: “Ntawine iswi yiipe ukuntu wi.” 5Leelo wene yachikomya nkani, ukuti: “Akulusongelekanya antu, angalusambilisha um-Yudea unsi, watangwile uku Galilea, watafika na ku.” 6Pano Pilato wapulika ifintu fi, atondosha ngi untu wa ku Galilea. 7Nga lino wamanya fino ali um-ulâsi wi Yelodi, wamtwala kuli Yelodi, kuno nawe kwene amanda yao walipo uku Yelusalemu.
Yesu watwalwa kuli Yelodi
8Pano Yelodi walola Yesu, achimba nkani; kuno amanda minji wasitanga ukunnola, kuno wapulika amaswi yaakwe; asita ukulola ichipesha-mano chino chachitwa nawe. 9Nga wamtondosha amaswi aminji, leelo wene atamfwasha chimwi: 10Ayikolo iyakapela na yakaandika yakatuka yamsongelela uku maka nkani. 11Nga Yelodi nasalifi yaakwe yamsula, yamsoweka nu kumswika umwenda uno wasipa, nga amwesha kuli Pilato. 12Ngu wanda uo kwene Yelodi na Pilato yalemine inkula, kuno uku ntangula yatapulikine.
Yesu waputwilwa unndandu wa kufwa
(Mt 27:15-26; Mk 15:6-15; Yn 18:39—19:16)
13Nga Pilato akonganika ayikolo iyakapela na akulu na antu. 14Ayanena, ati: “Untu wi mnesile kuli nene ungati alupelusha antu, nene lolini, ntiputula amaswi yaakwe apa maaso yino, leelo ntawine chino wonona, uku ifintu fino mulumtakila. 15Nanti Yelodi; kuno watampilusha kuno tuli; ichino lolini, kusi unndandu umwi uno wachisile, uno angafwila. 16Ichino nammuma nga msapule.” 17[Kuno intambi yaakwe ukuyasapwila unnyepwa umwi apa wanda ukulu.]
18Leelo yuma ichongo yoshi ichaponga, yaati: “Tisha untu wi, utusapwile Balaba!” 19Nawe untu wino wanyefilwe uku nyololo uku nnandu wa kutanduka kuno kwalolike umunzi nu kuumozi. 20Nga Pilato avwanga nayo ilya uwili, kuno wakasime ukusapula Yesu. 21Leelo yuma yangula, yaati: “Akonkomelwe! Akonkomelwe!” 22Ayanena ilya utatu, ati: “Uku nndandu chi? Wataifya chani untu wi? Ntawine chimwi kunali chino angafwila. Ichino ngi nammuma nammsapula!” 23Leelo yafumya amaswi yao uku maka nkani, yasita akonkomelwe. Apalinji amaswi yao yamtonsha. 24Nga Pilato aputula ukuti fino yalusita fiombeke. 25Wasapula wiwi wino wanyefilwe uku nyololo uku nnandu wa kutanduka nu umoshi, wino yakasi; wafima Yesu yammbombe fino yakasime.
Simoni wa ku Kilene wasenda nsalaba
(Mt 27:32-34; Mk 15:21)
26Nga pano yamtwala, yalema untu umwi, Simoni wa ku Kilene, nawe wafumile uku fyalo, yamtwika unsalaba kuti asende alondela Yesu nao. 27Ngiumba ikulu ilya antu yalinndondela na anachi yano yauumanga apa fifuwa nu kunnilila. 28Nga Yesu aseleuka uku chisila, afwanga, wati: “Mwe yanachi ya mu Yelusalemu, mutachi ndilila nene, leelo muulililange apa lwino na ana yino. 29Kuno lolini, amanda yalwisa yano yaluti: Inkatao ayumba, na nda sino sisufyala, na mayele yano atakonkwa. 30Apano yalutampa ukunena imyamba, yaati: ‘Tuponelini!’ Ni milundu: ‘Tukupikishini!’ 31Kuno ndi yachita ifintu fi uku chiti ichisi, nu ku chikasu chiluwa uli?”
32Nga nanji kwene yaili ayononi yasendwa apaliponga nawe, kuti yumolwe.
Yesu wakomkonelwa apa nsalaba
(Mt 27:34-44; Mk 15:22-32; Yn 19:17-27)
33Nga pano yafika pano yatangi ipanga-lya-ntwe, apano yamkonkomile na yalye ayononi, wenga ikasa lya kwilunji, nunji ukwikasa lya kuli kamani. 34Nga Yesu avwanga, ati: “Tata, uyelele, kuno yatamanyile chino yaluchita.” Nga yachita ichimala mpaka, yankana ifiswalo fyaakwe. 35Na antu yimilila na kulola. Na ikolo kwene yamsowekanga, yaati: “Wafyushanga anji, aufyushe unkola, ngali Klisto, mwana wi Leesa wino wasololwa!” 36Na asalifi kwene yamsoweka, yisa kunali yannetela manzi masasalume, yaati: 37“Ndi wewe uli mwene wa aYudea, uufyushe wenkola!” 38Na piyulu ya ntwe waakwe pali amaandiko: “Alawi uli MWENE WA AYUDEA.”
39Nga wenga apa yononi yano yasamikwe, amtuka, ati: “Chene! asi we Klisto? Ufyushe apa lwako, neswe!” 40Leelo wiwi uwa uwili avwanga amkalipila, wati: “Wemwi utalopa nanti Leesa, newe uli um-uputushi wa milandu uli onga? 41Swemwi chitusipile, kuno tulupokelela amalipilo ya milimo yitu, leelo wi atachisile nanti chimwi, chino chaipa.” 42Nga afwanga, wati: “Yesu, ungisukile lino ulwingila um-wene wako.” 43Yesu annena, ati: “Umwenemo ndukunena, ilelo kwene wamwa ponga nene um-Paladiso.”
Yesu wafwa
(Mt 27:45-56; Mk 15:33-41; Yn 19:28-30)
44Nga pano ilasi lyafika imitwe apakasi, chanda chanyepa insi yoshi kufika na pano lyatemba, 45kuno ilansi lyatondowela. Ni pasia lya ng'anda-nkulu-iyi-Leesa lyalepuka apakasi. 46Apano Yesu ukwiswi kulu wati: “Tata, nawika umweso wane um-makasa yako.” Pano wamala kuvwanga ifintu fi, mweso umputuka. 47Wiwi unkulu wa asalifi, pano walola chino chaombeka, atensha Leesa, ati: “Chumi, untu wi unfumi wa chumi!” 48Na maumba yoshi yano yalile iyakongana apaliponga, kuti yalole ifintu fiyo, pano yalola chino chaombeka, yapiluka uku mwao, yaluuma apa fifuwa. 49Na yoshi yano yamanyine nawe, na anachi yano yanndondile ukufuma uku Galilea, yimilila lwa patali angi yalulola ifintu fi.
Yesu wasikwa mwilindi
(Mt 27:57-61; Mk 15:42-47; Yn 19:38-42)
50Nga lolini, awisa untu wenga, ishina lyaakwe Yosefu, untu wa mwitengo, untu unsipe, unfumi wa chumi 51—Wene atazumila amaswi yao nanti unnimo wao—ukumwao uku Alimatea, unsi wa aYudea, na kaili walolelanga uwene-wi-Leesa. 52Untu wi waile kuli Pilato, alomba ichala chi Yesu. 53Nga achisha uku nsalaba, achinyepa nu mwenda untiswe, achiwika umwilindi lino limfilwe umwi lilinsi lya mwamba, lino umwi atatana awikwe mwenemo. 54Ngu wanda uo yalalilile, uwanda wa sabato utampa ukwingila.
55Anachi yano yisile nawe ukufuma uku Galilea, yalondile yalilola ilindi na fino yawika ichala chakwe. 56Nga yawela, yaya yateya ifinunkilile na mafuta ya kupakala. Nu wanda wa Sabato yapusa fino chiine nisunde.
S'ha seleccionat:
Luka 23: FNT1988
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Fipa © United Bible Societies, 1988. Bible Society of Tanzania.