Luka 21
21
1Akayoa akawawona wamasi wekigera itasi lao ghati ya sanduku ya matasi. 2Akawona na mche mwe efwiwe ni mume, mkiwa, ekigera pesa mbiri. 3Akateta, Kididi namburra, ti Mche uu efwiwe ni mume, mkiwa, agera nyingi kukela wose. 4Amu awa wose ghati ya mashigajiko mawo wagera ghati ya matasi; kake uu ghati ya wukiwa wakwe agera vindu vyakwe vyose.
5Na wekinaoke wekiliteta hekalu, sandu lihambiwe na mabwe medi na maingijo, 6akaghamba, Ivi muviyoa, misi ineza lisishigwe ibwe wanga la ibwe aha lisiboworwa. 7Wakambujanya wekiteta, Mlosha, ivi vineoka rini? Na luwano lwavyo nikini ivi vineikavioke. 8Akaghamba, Yoeni musikengwe; amu weingi weneza hena izina langu, wekiteta, Nimi; na, Magheri masongeria; musitonge nyuma yawo. 9Na muneikamusikie ngondo na vilinganyo, musiingiwe ni fole; amu yawe vindu ivi virongore, kake kuidiwika si chwi ila.
10Akawawurrawa, Mbare inewuka wanga ya mbare, na ufumwa wanga ya ufumwa: 11meneoka na madedemo mabaha ma isanga, na handu handu nzaa na ndwari; vineoka na vindu vya kuitusha, na maluwano mabaha ma wanga. 12Kake kuwoka kwa ivi vyose wenemgera unywi mikono, wenemkinya, wenemng’ola hena masunagogi na kichungoni mukiingijwa msongorana wa wafumwa na wachili hena lwa izina langu. 13Inemugharukia unywi hena luwondjo. 14Huwo gereni ngoroni henyu musikusare kuwoka munetalua kini. 15Amu ninemuinga itumbu na kucha, wasiidime kulelana nete kukana wala wose wateta na unywi. 16Kake muneng’olwa ni waweo na mamako, na wandwenyu, na mbare na wambuya; na wengi wenyu wenewakoma. 17Muneoka mukishishirwa ni wandu wose hena lwa izina langu. 18Nete na lujui lwa mitwini henyu toluteka. 19Hena kugumiria kwengu munejikija ngoro jenyu.
20Na muneikambone Yerusalemi yajungulukwa na lweriri lwa wabwange, tisiweni ti kunyarmarwa kwakwe kwasongeria. 21Magheri mala wandu weikee isanga la Uyahudi wamatuke nduwini, na weoho ghati ya kiongo wafume shighati, na weoho mtemeni wasiingie. 22Amu misi ii ni misi ya kuihiwa lawi, vindu vyose vitamiwe vifishwe. 23Wukiwa wawo weemee na wawo weamusha ghati ya misi ila, amu wuneoka wukiwa ubaha ghati ya masanga, na oro wanga ya wandu awa. 24Wenegwa hena kukaiha kwa muhandi, wenetikwa wekichungwa na mbare jose: na Yerusalemi inewatwa na mbare, mtano magheri ma mbare menefika. 25Na maluwano meneoka ghati ya zano, na mweji, na ndondo; na ghati ya masanga wukiwa wa mbare, hena kurighiwa kwa kururuma ndiwa na visibwi; 26wandu wekisokea hena fole na hena kuyoyia vindu vimazia masanga, amu zinya ja wanga jinededemika. 27Niho wenembona Mwana wa Adamu ekiza ghati ya majumbi hena zinya na uwedi ubaha. 28Na ivi vikiwoka kuoka, yoeni wanga, wushijeni mitwi yenyu, amu ukombolo wenyu wasongeria.
29Akawawurra mfwanano, Yoeni mtini na miti yose. 30Ukioka usheghusha, mwawona mwatisiwa wenye ti ingeriaha cha‐mbombe chasongeria. 31Na huwo unywi mukiwona vindi ivi vyaoka, tisiweni ti ni afuhi ufumwa wa Izuwa. 32Kididi namburra, Irika ili telinevetia, mtano vyose vyaoka. 33Wanga na si jinevetia, kake viteto vyangu tevivetia.
34Kake kurindeni ngoro jenyu, musinetiwe ni kukunda kula na uengeji, na mahiro ma ingeriaha, nete musi ula usimwzie unywi turu. 35Amu sa mtegho unewazia wandu wose weikee wanga ya isanga lose. 36Kake cheweni magheri mose, mkiomba mbone kuoka na zinya ja kuvimatuka vindu ivi vyose vineoka, na kuimuka msongorana wa Mwana wa Adamu.
37Na misi yose eokie hekaluni ekilosha, na magheri ma kio akafuma, akaikaa nduwini iitangwa nduwi ya zeituni. 38Na wandu wose wakamzia heyawo kerre hekaluni wamsikije.
S'ha seleccionat:
Luka 21: TAVETA
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.