Luk DIETHERIE
DIETHERIE
Luk thukeshü Dieliekevi nu Jisu üse phrapie kezhü Israelmia mu themia pete Kelakelieu ücü ngulie. Luk-e thupie kezhü Jisu bu Dieliekeviu pupie kejümiako pethaketuo la Niepuu Ruopfüu thuo puo kielie üshü, mu Dieliekevi hau nu themia neiüko dzevi kele thuo tshukecü leshü puo. Luk leshüu nu therietsa Jisu kevor dze pu, tsiu thelatsa Jisu teigei sieketa dze thu pekuo di u kenei dze thukeshü ngulie. Jisu teigei khoketa sie Khristamia kepeleu memie rüzieketa dze leshü hau kethuue Mhakechüko leshü nunu thu sashü.
Leshü hau nu kezapie keba 2 mu 6 (pekhrotsa thupie ketuoko meholie) thupie ketuoko kekra Dieliekevi leshü hau nu rübei ngulie, thedze süko teigeidieliemia tsaliu mu Jisu penuokelie ki tekuokepfheko vor puo mehokecü, Jisu puo nhicu ki Rüsuoki nu keba, mu Samariamia, tsiu Jüketa Nuou dze. Leshüu pete nu rei kecha, Kemesa Ruopfü, Jisu la lietho-u nu thenumia mhatho mu Ukepenuopfüe kephouma vapie tsüyakezha dzeko pu pekuoshü.
Ngulieketuo
Sededie 1:1-4
Johan mia dzülukepfüu mu Jisu kepenuo mu puo nhicu dze 1:5—2:52
Johan mia dzülukepfüu mhatho 3:1-20
Jisu dzülukepfü mu kedokecü 3:21—4:13
Galil kijü nu Jisu mhatho 4:14—9:50
Galil nunu vo Jerusalem ketso mhatho 9:51—19:27
Zhadoudo thelau nu Jerusalem mu sükhieümhou mhachüketa 19:28—23:56
Niepuu rheilakesie, mia pengukeshü mu teigei khoketa 24:1-53
S'ha seleccionat:
Luk DIETHERIE: ANBRBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
The Bible Society of India
© 2023, Used by permission. All rights reserved. More