Mark 16
16
Jisu Rheilakesie
(Mat 28:1-8; Luk 24:1-12; Joh 20:1-10)
1Siro sabat-u tseita tse, Maria Magdalapfü, Jakob-nuo zuo Maria, mu Salomi, uko puo mo kenheketuo la mha kethengu huo khrülie. 2Siro zhadoudo-u zha therie nhie khise niakithu sierlie tse uko mekhru nu vor. 3Süki uko sie huoniehuo ki, “Supuo mekhru kikha nunu ketsieu phoushü úko tsütuo shi,” ituo. 4Süsie uko meho sie ru ketsieu rütouketa ngulie, süu zha phi. 5Sidi uko tuo mekhru nu le ru khriesamia puo pfhenei kekra se di thezatsa bacü ngulie; sitse uko vapethowa.
6Derei puo uko ki, “Nieko ngo hiecie, nieko Nazaret Jisu mia puo goukewau pfhüketuo si bate. Puo rheisiete, puo haki ba mote. Harie, mia puo khapie kezhü chüu rei mehocie. 7Derei vo di puoe pethakelieko mu Pitor ki puo nieko mhodzü rie Galil nu votazhü ücü pushücie; puo hadzü nieko ki pukeshü tuoi nieko vo sünunu puo ngulietuo ho.” 8Süla uko mekhru nunu pra di ta mhapuochü vota, kekreilamonyü uko nou kehoukeruo chü mu u kedethepfü di uko mia puo ki rei mhapuorei pu mota, ukoe michie phiketa la.
Jisue Maria Magdalapfü Pengukeshü
(Mat 28:9-10; Joh 20:11-18)
9Zhadoudo zha therie nhie puo rheilie di vo puo thiedzü miapfü puo geinu terhuokesuo thenie whuokewa Maria Magdalapfü pengu kerietho chüshü. 10Sitse hapfü vo thiedzü puo ze ketuoko u nousuo mu kra kebako ki pushü. 11Derei uko puo rheisielie di hapfü pengushüücü si rei süu pelelie mota.
Jisu Pethakelie Kenie Pengukeshü
(Luk 24:13-35)
12Hau sie puo puorhi kekrei puo nunu rüna nu vokezhü mia kenie pengu lashü. 13Sünie la vor di kekreiko ki pushü, derei uko unie pele mota.
Jisu Pethakelieko Ketsekeshü
(Mat 28:16-20; Luk 24:36-49; Joh 20:19-23; Mhak 1:6-8)
14Süsie kerepuokrüko keze mhacü keba nu puo vo di uko pengushü; sidi puo uko kerhieta, kekreilamonyü uko kepele kejü mu uko nou kere la mu mia puo rheilakesie kenguko die rei pele mvüketa la. 15Sidi puo uko ki, “Nieko kijü pete nu vo di dieliekeviu pie themia pete pethashücie. 16Themia kehoupuorei pelelie di dzülupfükelieu kelalietuo; derei kehoupuorei pelelie kemo-u pejowatuo. 17Pelekezhamia gei zasi hako tuotuo, uko a za nunu terhuokesuoko whuolietuo; uko pfhe kesa neiü se mha putuo; 18uko tinyhü chüpielietuo, mu uko therei krie zo rei uko krowalie lho; uko u dzie yhapie kechümia gei shütuo, mu süko shürholietuo.”
Jisu Ze Teigei Sieketa
(Luk 24:50-53; Mhak 1:9-11)
19Süsie Niepuu Jisu uko ki mha pushükewa sie, puo ze teigei khota, sidi vo Ukepenuopfü zatsa bata. 20Siro uko thechü kehourapuo vo rei dieliekeviu se pethata, tsiu Niepuu uko ze mhachü mu zasiko se uko kepetha dieu mvü kemeteishüshü tuota.#16:20 Leshü keweko nu Amen icü saya.
S'ha seleccionat:
Mark 16: ANBRBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
The Bible Society of India
© 2023, Used by permission. All rights reserved. More