Ioane 13
13
1Pasova purai pani paku ai, Iesu ipali’inave pani aneaka U ei pani va’au ave’eai, Mai ai enavai ane; Una a’a pani va’au ai U umu‐eka?-?vaka, anea’anea ika pani ai U umu‐ekanave.
2Pei pani ai diabolo Iuda Isakariota, Simona anu mere, ailiaka Iesu anai‐aviai;
3Iesu ipalimakei’inave awku uriria Una eve mokono ai Mai ekuaka, U Eloi mere aneaka ane, U Eloi ai enamakei’inave ane;
4Pei pakara mere U la’anave, Una a’a kape U uninave, towela Una mako ai U pirinave.
5Ere ainau laru ai U orekavaka’ane, Una aivara anu are U ere kikirinave, towela Una mako mere omo are U lavere kikinave ane.
6Simona Petero ai U aneaka’ane: Petero erau voa veve’enave, Amua e, na are Ni ere ama‐kikiri’i?
7Iesu erau voa kurunave, Awku Nai limakina ni eai a‐ipali’inakea; a iru pani ai ni ipaliakana.
8Petero erau voa kurunave, Na are Ni ere kikiriapea opai keiakana. Iesu erau voa kurunave, Nai ere kikiri?-?niape liane, ni Na a’a peo.
9Simona Petero erau voa kurunave, Amua e, na are e peo, a na eve awku, na uku awku, Ni ere kikirine.
10Iesu erau voa kurunave, A’a eai pani ere kiane euna, una are e ere kikiriai u oea‐rokona, u kape iki urupu keina: noro Na aivara urupu keina, a noro uriria peo.
11Uku Una anai‐avia vaki U ipali’inave; ou uku eiai U kurunave, Noro uriria urupu peo.
12Omo are U kikiriaka’ane, Una a’a kape U moawku lukiaka’ane, U pa’avaka’ane, U erau voa veve’einave, Ei awku Nai nalauane euna noro ama‐ipali’i?
13Noro nawi Rabi, Amua ane, iroina: nawi anana ane, uku orau Nai keina.
14Nai nomo Amua, Rabi ane, nomo are ere kikiriane euane; nomo kaupu a’a anu are noro awku kikiriai limakina.
15Uku aipo opara Nai nakuane euna, uku noro liane‐iai orau Nai nalauane euna.
16Nai kurunaina kapoi, Aivara una amua upa mere are’eakeiapea, iva a’a ane una okaiviria a’a upa mere are’eakeiapea.
17Ei awku noro ipa‐elauane, elauane ane, noro kopai keina.
18Uku noro uriria eiai Nai a‐kurunakea: Nai ipa‐elauna a’a Nai ie’eiane euna: a uku ei iaa revareva voa evere’eakeia’ane‐iai, U Nai kiripai pei na’ana u ru‐ikavai una are nepoki u uakiane euna.
19Ei pani mere Nai awku nakina omo evere’ea pani paku ai, awku evere’eakeia’ane, noro pirimaroakoane‐iai Nai U keina.
20Nai kurunaina kapoi, A’a umu‐aina kurua a’a Nai okaivirina, u umu‐ai’ina ane; u ane u umu‐ai’ina u umu‐aina U ane U ikaivirinave.
21Iesu orau kuruaka’ane U lai kukupuna awkavakei’inave, erau voa kurunave ane, Nai kurunaina kapoi, nomo a’a monou anai‐avi’iakana.
22Aivara inamu eki‐eka?-?makei’inave uku a’a auiai u eiai Iesu kurumakei’inave.
23Pei pakara ai Una aivara monou kei’inave, Una naumuki a’a, una uku Iesu unu ukari ai u keimakei’inave.
24Simona Petero naumuki vaki eve awkinave, u Iesu voa veve’eai uku Una anai’avia vaki eiai.
25Kurua vaki una uku Iesu unu ukari ai keimakei’inave, erau voa veve’enave, Amua e, anai‐avia vaki koana?
26Iesu erau voa kurunave, Ei pei ainau laru ai Nai nawpiane, pei a’a awkuane ane, anai‐avia vaki ioure! U pei nawpiaka’ane, U pei au‐awkunave Iuda Isakariota, Simona anu mere.
27Iuda pei la’a miaka’ane, u laru ai Satani ikirinave. Iesu erau voa awkinave, Awku ni limakina ni rokoroko li’ine.
28A’a kapeo pakara ai ipali’inave uku U orau kurunave.
29Oro varomo laikoranave uku Iuda moni maua miaka, Iesu erau voa kuruaka, Pei enei oea‐rokona ni inaea‐li’ine purai pani paku ai naea, mo, moni la’aruku rurupu a’a ekuai naea.
30Iuda pei la’a Iesu mere miaka’ane, u emoki elenave: pani kipere kei’inave.
31U eleaka’ane Iesu erau voa kurunave, Eai A’a anu Mere avioiakeina, U laru ai Eloi ane avioiakeina.
32U laru ai Eloi avioia?-?keia’ane, Eloi Una nane laru ai avioiakana, U emoki avioiakana ane.
33Mere e, pani mau’u Nai noro kiripai keiakana. Noro ivoroakana, a orau Nai Isaraela a’a kuruenave, Iou ai Nai enana noro i‐aneai liapea; orau Nai kurunaina.
34Vupu nawawrea Nai nakuna, Noro umu‐nakane; orau Nai umu‐naka’ane euna, noro awku umu‐naka’ane?-?iai.
35Noro umu‐naka’ane, orau a’a kavakava ipaliakana noro Na aivara keina.
36Simona Petero erau voa veve’enave, Amua e, Ni ekamenai? Iesu erau voa kurunave, Iou ai Nai i?-?enana ni eai e’e’ikavai liapea; a neko mere ai ni e’?-?e’ikavakana.
37Petero erau voa veve’enave, Amua e, uku oiana eai nai e’e’nikavai liapea? Na rokoa nai awkuakana Ni eiai.
38Iesu erau voa veve’enave, Ni rokoa ni ama‐awkumau uku Nai eiai? Nai kurunina kapoi, Kokora‐vaki vikiriapea, anea’?-?anea pani rere kaiane ni inaka‐ikava’ane.
S'ha seleccionat:
Ioane 13: IAR1920
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1920.