Ioane 14
14
1Lai kukupuna noro pa miai; noro Eloi pirimaroakona, noro ipirimaroakone ane.
2Na Mai inu marea laru ai keia lalava aila uakeina: ei voa miki keiape liane, Nai nakiane euna. Mako evere’eai noro eiai Nai enanavailia.
3Nai enava’ane, mako evere’eane ane noro eiai, Nai moawku aneakana, arenakavakana noro Nai kiripai keia’ane‐iai; uku iou ai Nai i‐pokoiakana, noro awku i‐pokoiakana.
4Na ena mako noro ipali’ina, kapea awku noro ipali’ina.
5Toma erau voa veve’enave, Amua e, Ni aki eiei enei a‐ipali’inakea, kapea enei eka’ama‐ipali’i?
6Iesu erau voa kurunave, Kapea, Voa miki ane, Rokoa ane, Nai keina: i Nai mere e a’a Mai ai anena.
7Noro ipa‐ilauaka livilia, Mai awku noro ipa‐ulauaka: ei pani mere noro ipa‐ulauna, inamu‐oiane euna ane.
8Pilipo erau voa kurunave, Amua e, Mai ipakine, enei lai aukiakeiakana.
9Iesu erau voa veve’enave, Pilipo e, ni kiripai pani va’au Nai pokoiane euna ni ipa‐ilaupeana? u ane u inamu‐i’iane euna Mai awku u inamu‐oiane euna; uku oiana ni erau voa veve’i’ina, Mai ipakine.
10Ni pirimaroakoa‐peana Mai laru ai Nai rokona Mai awku Nai laru ai rokona? voa Nai kurunina Nai verukua a‐kurunakea; a Mai Nai laru ai rokona, Una iaki U li’ina.
11Noro uriria ipirimaroakone Mai laru ai Nai rokona, Mai awku Nai laru ai rokona: a ei voa naea, ipirimaroakone uku iaki Nai li’ina.
12Nai kurunaina kapoi, A’a ane u ipirimaroakona iaki Nai li’ina u awku liakana; ei iaki inu iaki ovara?-?mai u liakana; uku Nai Mai ai enavakana.
13Awku kavakava eiai noro nawki‐awkavakana uku Na nawi eiai, Nai liakana, uku Mai Mere laru ai avioia?-?keia’ane‐iai.
14Awku eiai noro nawki‐awkava’ane uku Na nawi eiai, Nai liakana.
15Noro umu‐ikava’ane, Na vupu noro kamaia‐ekavakana.
16Nai Mai nawki‐awkavakana, Paioka mo U nakuakana, U noro kiripai pokoiane‐iai opai keiakana.
17Voa miki inu Avaea; U ane pani va’au miai liapea, uku oro inamu‐oiape, a‐ipali’inakea ane: a noro ipali’inake: uku noro laru ai U pokoina, noro laru ai U keiakana ane.
18Noro rurupu a’a Nai avenaiapea: noro ai Nai vairuakana.
19Maura pani ai pani va’au inamu‐i’iapea, a noro inamu‐i’iakana: uku Nai rokona, noro awku rokoakana.
20Kurua lare ai noro ipaliakana Na Mai laru ai Nai rokona, noro awku Nai laru ai rokona, Nai awku noro laru ai rokona.
21U ane u Na vupu mi’ina, kamaia‐ekana ane, u umu‐ikana: u ane u umu‐ikana, i Na Mai u umu‐awka?-?vakeiakana, Nai awku umu‐awkavakana, Na nane iki ipawkiakana ane.
22Iuda, Isakariota peo, erau voa kurunave, Amua e, uku oiana Ni nane iki Ni ipakiakana, pani va’au Ni ipekiapea?
23Iesu erau voa kurunave, A’a umu‐ikava’ane Na voa u kamaia‐ekavakana: Na Mai umu‐awkavakana ane, u ai aneakana ane, u kiripai enei pokoiakana ane.
24A’a umu‐ikavapea, Na voa u kamaia‐a‐ekanakea: ipawkia voa noro virimakina Na voa peo, Mai inu voa eire, U ane U ikaivirinave.
25Ei voa uriria Nai kurunaiane euna Nai noro kiripai pokoiane.
26A Paioka, U ane U Avaea Iaa keina, U ane Na nawi eiai Mai okaiviriakana, awku uriria U ipanakiakana, voa uriria ane Nai kurunaiane euna nomo lai laru ai U rokoa‐eiakana.
27Noro ai airu Nai ave’ena, Na airu Nai nakuna: Nai airu a‐nakunakea orau pani va’au kepoia voa awkuna. Lai kukupuna pa miai, kore pa liai ane.
28Noro viriane euna Nai kurunainave, Nai enanavailia, noro ai Nai moawku aneakana. Noro umu‐ikava’ane, noro kopai liane euna uku Nai Mai ai enamakina; uku Mai Nai upa mere are’eakeina.
29Kurua pani paku ai Nai nakiane euna, uku ou pani anea’ane noro pirimaroakoane‐iai.
30Iru pani ai noro kiripai Nai voa mo’onu kuruapea: uku ei pani va’au unu marevaki aneliviai anelia. Nai laru ai u awku eria mi’ina.
31A uku pani va’au ipaliane‐iai Nai Mai umu‐awkana; orau awku Mai ikinave, orau Nai li’ina ane. Lala’ane, enei enanamaki.
S'ha seleccionat:
Ioane 14: IAR1920
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1920.