KEJADIAN 13
13
Abram ru Lot Baiceraklah
1Jadi, Abram kidek ju lengrik Mesir lalu kiet nu Negeb besama ru ikenah ru dikdij iharta. Lot juga kijoi ha Abram. 2(Hunen Abram ya kijadi ihad kaya. Kek mong jeoi dombe, kambeg, lembu, ru juga mas ru perak.)
3Telas ajeh naidek ju tempat ajeh ru naiet ju nanek tempat nu tempat de kilek, naituju nu Betel. Enai nailei ku daerah engkap Betel ru Ai, tempat de naibeh kemah de petame 4ru naibeh tempat ennog pesembahan entem. Ku pajehloh Abram kisembah Yahweh nij.
5Lot de kijoi Abram juga mong iperingak, ihambe, idombe, ikambeg, ilembu, ru ikemah. 6Tapi tik ku pajeh pek cukop untok dikdij liknai naigei besama kerana ubai ajeh mong binatag daknek de ihad jeoi. 7Lalu, belakuloh genadoh ku engkap gembale-gembale Abram ru gembale-gembale Lot. (Ku mase ajeh, mai Kanaan ru mai Feris lekat naigei ku pajeh.)
8Telas ajeh Abram kiurok nu Lot, “Har adeh bah ru anak buah. Wesloh agok harbegadoh. Pek patot sengoi hek ru sengoi eng naibegadoh juga. 9Borloh harceraklah. Pilehloh bahagian tik de hasuka. Amen hek haet nu englag adeh, eng doh nget nu englag ajeh.”
10Lalu Lot kineng ku isekelileg ru kibakek seluroh Lembah Jordan lei nu kote Zoar mong jeoi teu, begei ha Taman Yahweh#13:10 Taman Yahweh: Kirujok nu Taman Eden. Neng Kejadian 2:10 atao begei tik ku lengrik Mesir. (Begei ajehloh keadaan sebelom Yahweh Kipemusnah kote Sodom ru kote Gomora.) 11Kerana ajeh, Lot kipileh seluroh Lembah Jordan, lalu kek ru iperingak naiet nu englag timur. Begei ajehloh Lot ru Abram baiceraklah. 12Abram lekat kigei ku tik Kanaan tapi Lot kigei ku engkap kote-kote ku lembah ajeh ru kibekemah rek ru kote Sodom. 13(Sengoi de gigei ku kote Sodom ihad jehat ru naibedosa nu Yahweh.)
Abram Kijeg nu Hebron
14Telas Lot kidek ju tempat ajeh, Yahweh Kiurok nu Abram, “Ju tempat hek hajinjeg ajeh, nengloh abor nu dikdij arah. 15Eng doh Ngog seluroh tik de haneng ajeh nu hek ru kenon-cenok hek. Tik ajeh doh kijadi hak engkek lei ditehjeh. 16Eng doh Ngog nu hek kenon-cenok de ihad jeoi lei pek mong numom pen de dapat bekira. Sama begei habok ku tik de pek dapat bikira, begei ajehloh juga kenon-cenok hek juga pen doh pek dapat bikira ijengoi. 17Hunen, ciploh nu seluroh tik adeh kerana tik adeh doh Ngog nu hek.” 18Telas ajeh Abram kijeg ikemah, lalu kigei rek ru keneng jehuk entoi hak Mamre, rek beng Hebron. Ku pajeh kek kibeh nanek tempat ennog pesembahan ha Yahweh.
S'ha seleccionat:
KEJADIAN 13: AEH
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.